لحقوا علي بذبح بنتي

والله العظيم تعبت ااف اقتلها اعصابي منهارة ما دري شو اسوي

ابي اصيح

كنت نفس حالتك خصوصي وان اذا كان الطفل الاول
لكن تعودي من الشيطان شو تقتليها وانتي تعبانه فيها!!!!!!!!!!!!
اتركيها في سريرها ونامي خليها مو لازم تنام بس تصيح
انتي من نفسك وبقلبك بتصحين لها..
حاولي يكون فيه احد من اهلك يساعدك لو بالقليل
بعدين بتتعودين على السهر ..

ريحانتي;4467473:
كنت نفس حالتك خصوصي وان اذا كان الطفل الاول
لكن تعودي من الشيطان شو تقتليها وانتي تعبانه فيها!!!!!!!!!!!!
اتركيها في سريرها ونامي خليها مو لازم تنام بس تصيح
انتي من نفسك وبقلبك بتصحين لها..
حاولي يكون فيه احد من اهلك يساعدك لو بالقليل
بعدين بتتعودين على السهر ..

زي ماقالت لكي الاخت الكريمه تعوذي من الشيطان والله يكون بعونك والاطفال متعبين انا عندي ولد بعمر بنتك نفس الشي ما يخليني انام وان شاالله يكبرون والله يبارك لنا فيهم

هلا اختي

هدأي أعصابك ترى كل الأمهات جدي وأولهم أنا

ومن قلة النوم صار لي سواد تحت عيني

وكل مارحت بيت اهلي كاني مانمت من 10 سنين ارميها على امي وادخل انام

والمشكله ان ابوها ماشاء الله ما يساعدني إلا بالنهار لان بالليل يقولي انا ورايي دوام وانتي ماوراج شيء

وهذا اللي مجنني عشان جدي قلت له خلاص انا بطلت ماأبغى عيال غيرها دام ان ماحد يساعدني

وساعات افكر اقتلها زي ماقلتي لكن ارد احاول فيها والحمد لله بعض الأحيان ترضى تنام وبعض الاحيان ماتنام إلا لين طلعت الشمس

ومن هالطرق اللي ممكن تسويها لبنتك وهي طبعا من خبرتي المتواضعه في الأمومه (صار لي سنه بس ام واسوي نفسي عندي خبرة ههههههههه):

اول شيء شيكي على حفاظتها يمكن وصخانه ومضايقتها

ثاني شيء تاكدي يمكن بطنها ماغصنها وانتي ماتدرين يعني إذا تحسيها تتعصور يعني متالمه أو بطنها منفوخ ماخرجت طول اليوم وعطيها ينسون او ماء وسكر

ثالث شيء غيري ملابسها يمكن مو مريحينها يعني يمكن حارين او يمكن رقاق وهي بردانه

رابع شيء يمكن تبغى تلعب ناغيها وسولفي معاها او سمعيها شريط قرآن او دعاء او حتى انتي أقرأي لها وأهم شيء اقرأي عليه المعوذتين عشان لو احد ناظرنها ولا شيء الله يحفظها من عيونهم

خامس شيء ساعات الطفل يبغى يدور ويتفرج على الاشياء ممكن انك تجيبين عربة الطفل هذي حقت الطلعة وتقعدين تدورين بها في الشقه واذا ماعندج الله يعينج على الدوره انتي دوري بها وخلها تتفرج على الشقه وتحفظها

سادس شيء ممكن تكون جوعانه حاولي تعطيها وجبه قبل النوم بساعة على الاقل عشان ما تثقل عليها وتزعجها بنومتها

سابع شيء يمكن عطشانه محتاجه لماء أو حليب

ثامن شيء لاتنيميها من الساعه 8 إلى 11 بالليل لانها ان نامت بهالوقت خلاص اعرفي ان مافي نوم و السهرة صباحي


والله يحفظها لك ويحفظ لي بنتي ويحفظ عيال المسلمين

وارجو اني اكون افدتك

واسمحي لي على القصور


جود القمر

انا كنت اعاني مثلك مع ابني ... وانا اشتغل وصعب اني اروح العمل وانا مش نايمة
لهذا قبل ما انزل الدوام ( شهرين اجازة الوضع ) عملت كلاتي مع ابني :

من بعد الساعة 8 او 7 ما فيش نووووووم ... صار لما يريد ينام يبكي ويترقد لي وانا ابدا ما اخليه ينام ... واحسه مسكين يتعذب بس لا ابد ما اخليه ينام .... واول ما تجي الساعة 11 ينام نومه واحدة الي الصبح ما يقوم الا مرة واحدة يرضع ويرجع ينام ...

المهم واصلت على هذا الحال مدة اسبوع ... وبعدين خلاص احسه انه فهم وانتظم في نومه وصار من نفسه ما ينام من الساعة 8 وينام نومة واحدة الساعة 11 ...
الطفل لازم انتي الي تعدلي ساعات نومه حتي لو يبكي ويتعذب ... مش تمام السهر علشانه ،، نوم الليل مهم له .... لهذا الي تسويه لمصلحتة ومصلحتك ....

من بعد الساعة 8 او 7 ما فيش نووووووم ... صار لما يريد ينام يبكي ويترقد لي وانا ابدا ما اخليه ينام ... واحسه مسكين يتعذب بس لا ابد ما اخليه ينام .... واول ما تجي الساعة 11 ينام نومه واحدة الي الصبح ما يقوم الا مرة واحدة يرضع ويرجع ينام ..

انا كمان نظمت نومه بهذي الطريقة وارتحت

مرايم السعودية;4468219:
انا كمان نظمت نومه بهذي الطريقة وارتحت

الحمد لله انا كذلك سويت هاي الحركه ونجحت


رووووووووووووز

اتبعي نظام البنات ومراح تخسرين

انا ولدي حتى يوم في الاربعين ماكان يصحى الا مره وحده ومن بعد الاربعين ينام من الليل لين الصباح

الحمدالله ماتعبني

واهم شي قبل النوم النظافة بدلي ملابسها كاملها ودهني جسمها يمكن متملعه من كثر الشيل والحط

نوميها على شبعه مب جوعانه خليها شبعانه عدل عشان ماتجوع فالليل وتقوم لج

واذا تقدرين سبحيها بعد لان السبحه اتعب البيبي

ومثل ماقالو البنات تحملي من نومة الساعه 8 اذا نامت الساعه 8 معناته بتنتفين شعرج في الليل وممكن تصيحين والله من التعب

والله يخليها لج انشالله

خخخخخخخخخخخخخخخخخخخخخ يعني مو بس انا تجيني ها الافكار من الضيق

بجد هو يصارخ وانا اصرخ وياه

اودع اخواني وهم رايحين الدومات لاني للحين ما قدرت ارجع بيتي

احس ما بعرف اتحمل الصياح بروحي

احنا الغلط منا المفروض مثل ما قالوا الاخوات ما نخليهم يناموا بكيفهم لازم نمشيهم على نظام معين

بس بصراحة انا ما اصدق اشوفه نام الا وانام ما اقدر اوعيه

استغفري ربج شو تذبحينها ...

شوفي الغاليه انا بنتي من من يوم كملت السنه وتصدقين انها اي وقت تبا ترقد ارقدها ان شاء الله الساعه 9 او 10 لكن ارد ارقدها وما اعطيها مجال تقوم ولا تشوف النور ..

المهم انا بقولج شي خذيها كنصيحه نضمي رقاد بنتج يعني حاولي تنومينها قبل ال9 وعقبها لعبيها وتعبيها والساعه 12 خلاص عوديها ترقد ..

انا معوده عيالي حتى لو فالنهار رقدوا 12 لازم يرقدون

والحمدلله مرتاحه صح انها تقوم فالليل بس اطبطب عليها ترقد

اشوى مو بس اني خخخخخ اني بعد اعاني من هالمشكله وماني قادره اعدل نومها واقعد ادور بها البيت كله لامن يدوخ راسها وتنام وبعد دقيقتين انواااااااااااااااااا واقعد ادور بها لامن يجي الصبح وتنام والله مجننتني هالبنيه بس في طريقه روووووووعه انش تسبحيها ادا تبينها تنام وماتصحى الا الصباح طبعا ادا شبعانه عدل

السلام عليكم

شكرا الغاليات على ردودكم جميعا ,,,

كنت بكتب لكم رد البارحة بس ما دري ليش علق الكمبيوتر معاي

الحمد لله امس كان افضل بكثير

لاني نمت العصر مع بنتي

و حاولت اني اخليها صاحية المساء لكنها فديتها داخت و نعست و نامت

و بالاخير نامت ساعة 2 بعد نص الليل بس احسن من ولا شي

الحمد لله رب العالمين ان شاء الله نكسب فيهم اجر و الثواب يا رب

يعطيكم العافية مرة اخرى

ليش كل هتعب خوذيه على الطبيب يعطيك شي بنيم انا عانيت زيكم بس اعطاني الدكتور دواء وصار ينام لصلاة الظهر

حبيت انضم لكم

انا نفس الشي

ظلت امي الله يحفظها عندي فتره و لما سافرت عند اخواني اللي يدرسوا بره علشان تقضي رمضان معاهم رحت معاها لأني بنتي ما تنام و لا ساعه

و باقي كم يوم و برجع لبيتي و ما ني عارفه شو اسوي

الله كريم

و طبعا استقلت لأنه الموضوع مأساه

بنتي ما تنام لللساعه 5 الصب كيف بقوم من بداوم من ال 7 الصبح

الله يعين

كويس و الله اني بسمع ناس عايزين يدبحوا عيالهم متلي هههههه

والله انا بنتي عندها 4 شهور و ما بتنام ابدا لا صبح و لا ليل, بقعد اعيط و اصرخ فيها عشان تنام و هاي ابدا بتسووء

فيها... مرة من كتر الغيظ و القهر اللي فيه رميت الموبايل تبعي على الحيط نزّلته 10 قطع, قلت حمد لله اجا في الموبايل

مش في البنت لأني كنت ناويه ارميها هيه ...

الله يصبرنا عليهم يا رب

ظبيانيه
والله حااااااااااااااالتي شراااااات حالتج بس الفرق اني ما اداوم

جد أحس بتعب خااااااااطري أرقد

لكن اتعلمت

قمطي بنتج عوديها عالقماااااط صح في البدايه بتضايج لكن أحسنلها

الياهل يتحرك يوم يرقد وينقز من نومته القمااااط بهديه ويغط في نومه ولا يحس

ومثل ما قالولج البنات

اتأكدي من الحفاظه يمكن متضايجه

وسبحيها بترتااااااااااااح لان غالبا عقب السباحه بتحس بنومه

ورضعيهاااا


واقري المعوذااااات دايماااااااااااااااا


وان شا الله خير

وصح الغازات اتعبهم وااااااابد

انصحج تعطينها الشاي امبرس شي جذه يهديهم وايييييييييييد واذا عندج دوا يفضل

الاخت جود القمر ما قصرت كفت ووفت

احسج اذا رجعتي من الدوام وشفتي انتي اشكاتبة بتضحكين لانها كانت حزة ضيق الله يفرج لج ويهديها

بعدها صغيره الغاليه من بتكبر شوي بترتاحيييين ورقادها بيكون مضبوط .... كلنا مرينا بهاي الايام
ولازم الام تتعب شوي والا ليش الجنه تحت اقدامها ؟؟؟
وبعدين يحتسب لج اجر كبير ... اتعوذي من الشيطان الرجيم ...

البنات كفن و وفن .. وانا انصحج بعد بالقماط .. بتقولين كبيره ع القماط .. بس نا بنتي لين كملت اربع شهور ونص وانا اقمطها .. وهوه اللي فادها وخلاها ترقد .. والله يعينج .. ولا اتيبين طاري الجتل الله يغربل شيطانج . . زيغتيني .. رتبي نومها .. وخلي بو الشباب يساعدج .. غصبن عنه ..