بنات قطر/برايكم منو احسن ؟؟

انا سمعت عن فواز انه زين.. و بعد الدكتور الي في المستشفى الامريكي ممتاز د.حسام قوش

دكتوره مها ممتازه

عن تجربه

حبيبتي انا عندي جماعتي ((عمتي ومرت عمي ومرت خالي ))

كانو عند مها بس يقولون مش نظيفه ... وكانت وحده حامل بشهرين ومب عارفه راحت لمها وعطتها حبوب تنزل الدوره لانها هي الثانيه سوت لها تلفزيون ومابين شي قالت هذا تكيس الله ستر وراحت للدكتور ثاني وقال لها انتي حامل بشهرين...

اما الباقين ما عرف ما سمعت عنهم الا كل خير ..

انا امشي مع هدى مشالله زينه وموعدي عندها كل شهر واخر موعد لي معاها الاسبوع الجاي لاني خلاص بربي

اشكركم على الردود بس انا هدى كلللللللللللللللش ماحبيتها ولا ارتحت لها لانها بصراحه كلش مب شاطرة
تخيلوا كان معى سكر الحمل وماقالت لى ومب انا بس بعد فى وحدة اعرفها كان معاها سكر وبعد ماقالت لها
يعنى بصراحه احس انها ممرضه مب دكتورة

اقول الصج مافي احسن من المراكز الصحية والعيادات المسائية في الولادة انا جربت هدى ومها وبس ولا وحدة عجبتني
مريحة راسي هالمرة في المراكز الصحية والعيادات المسائية في استشارين كبار ممكن تجربين وترتاحين

بصراحه انا وااااااااااااااااايد حبيت الدكتور فواز

أدب + أخلاق+ شطاره + نظافة + جااااااااااد في كلامه

وممتاز في الالتراساوند حاط بروجكتر تشوفين البيبي بوضوح

وغير جيه المتعه والراحه عنده

بصراحه صج دكتور وهو استشاري بعد

بيني وبينكم انا سمعت ان الدكتوره هدى اصلا ممرضه...

تعاملها معاي اوكي بس ما تاخذ علي تحاليل===>>>بصراحه مرتاحه من التحاليل

وبعدين شسوي في زوجي يقولي دكتور مب فاحص عليج رافض الفكر ===>>>صج جنغل

مع ان مرت اخوه واخته ما يمشون الا مع الدكتور عمر ابو زينب بس شقول

وكان خاطري اسجل موعد عند الدكتور فواز ...

انا بصراحة اشوف مافي اشطر من عمربوزينب ادب واخلاق وشاطر عارف شغلة

ترى عدنان بالعكس وااايد زين ... واحسه ما يكبر المواضيع ..
وما يخليني اجيه من اسبوع لاسبوع .... يعني يا دوب كل اسبوعين او 3 اسابيع .. حسب شهور الحمل

بس مشكلته اذا خاف عالبيبي يصير وسواسي ... يعني عادي يتصل حق الدكتورة او الدكتور اللي بيولدك .. ويهاوشه ويقول له ... شوف ترى حالتها كذا وكذا .. ولو صار شي في البيبي ترى في ذمتك ...

وكلام qtr-dream صحيح 100% احنا نخسر فلوسنا عالفاضي ولا الاستشاريين مليانين في حمد

صراحه انا اروح لعدنان وهذا ثاني حمل لي اراجع عند

هو زين بس صراحه انا مستغربه منه انه يطلب اني اراجعه كل اسبوعين من اول شهر لي وانا الحين في الثالث

كل اسبوعين تصوير مادري يمكن علشان اني حامل بتوأم قولوا ماشاءالله ,, والله خايفه من كثر التصوير ماذكر في حملي الاول انه يطلب مني مراجعته كل اسبوعين ..

وآنه بحملي الأول كنت عند عدنان بس الله يهديه احس انه صار مادي وايد .. كل ما اروح له ما يقعد وياي الا دقيقتين على طول يقولي مافيه نبض لحين تعالي بعد اسبوعين .. اقوله دكتور آنه في الاسبوع السابع شلون ما فيه نبض؟! تدرون شنو رد علي؟؟ اشرايج تبعثين فاكس حق ربج تعاتبينه؟؟ طلعت من عنده ورحت حق فواز ما شاء الله عليه والله أدب وأخلاق ويطول معاج ويخليج تحسين ان لو بياخذ كم مب حرام فيه .. وعيادته نظيييييفه ومرتبه ومنظمه .. والحمد لله رواني نبض البيبي وكان واضح واايد .. بس عدنان مب فاضي يتعب نفسه وشوف عدل

رزفي وبس:)

اختي انا عندنا احسه مادي نفسج رحت له يوم كنت ابي احمل قال لي انتي لازمج 6 شهور لما تحملين بس عشان ياخذ مني فلوس وغيره مثل شحاته ودكتوره زينه قالوا لي كل شي زين عند بس يبي له صبر

:9_28:

الدكتور عدنان

:9_28:

مشكورين بنات على الردود اللى صج اثلجت صدرى لانى بصراحه واااايد متضايقه من عدنان
انا ما اقول انه مب زين اهو زين بس صار واااايد مادى واللى يبط جبدى كل مااكون عندة انا وريلى يغنى
اغنيه المشهورة فى قطر وعلى فكرة ترى اهو قالى بعد حملى الثانى مافى امل تحملين لانه صرفلى حبوب ياسمين
ماله منع الحمل وقلت له دكتور هذى وايد يحذرون منها يقولون تسبب عقم قالى لاتسبب عقم ولاشى ماتم لى 3 شهور
الا وصار عندى تكيس فى المبياض وقالى لازم تاخذين ابر عشان تحملين والابرة الوحدة 800 بس لاتخافين عندى صيدليات تسويلج خصم انا واللللله ما همتنى الفلوس كل همى صحتى ويلعب بصحه الناااس بس عشان المادة بس الحمد الله اللى الله اكرمنى بالحمل من ادويته وخرابيطه والحين حولت عند فواز ادب شطارة نظافه ماشا الله عليه واالله الواحد يروح مرتاح ويجى مرتاح واحلى مافيه انه نظام مواعيد مب مثل عدنان حتى وانتى جايه موعدج لازم تنطرين عشررات الساعات عشان ادشين يا خذ كا من هب ودب ومو اقل من 40 وحدة فى اليوم وكل وحدة دقيقه او دقيقتين بصراااحه انا ما انصح فيه حتى النصر كرهته بسبته صرت ما اطيق الشارع اللى اهو فيه وما اقول الا الله يسهل ولادتناكلنا ونتشوف يهالنا سالمين معافين يااااااااااااارب

بنات ابي اسألكم .. عن اي هدى تتكلمون .

لاني عند هدى المحمد اللي بالنصر ووايد زينه .. وتعاملها جدا

راقي وتهتم بكل شي ..

انا اتابع عند الدكتوره احلام ومرتاحه معاها بس دكتوري امين اللي اتابع معاه فالمسائي -الله يهديه-يبيني اروح حق الدكتور عدنان
والحين من كلامكم عنه مب رايحه له وبعدين اشمعنه عدنان ؟يمكن رفيجه....ماحط في ذمتي
شكرا لكم بنات لى المعلوماات

بنات مارديتوا علي عن اي هدى تتكلمون .؟

وابي اعرف منو احسن كتوره بالمسائي .؟

انتظر ردكم :(