عيّدية زوجي

عن جد ماأدري ، أنا مش متزوجة للآن .. فكرتك حلوة .. يمكن العضوات يعطونك أفكار كمان ...موفقة إن شاء الله ,, الله يخليكم لبعض ....

الله يخليكم حق بعض

حلوة فكرتج
وتقدرين تاخذين له طقم قلم وأزره مع بعض
عند الماسيه اشيه حلوة وبعد في مجوهرات دمشق
وفكره الستاند وايد حلو وخاصه فكرة في كل ورده دولار حلوة وووايد
وتقدرين بعد تحطين كافي معاه

دام ان زوجج يحب الشي الفخم و الكشخه و الماركه ..

انا عندي لج فكره حلوه ..

تشترين عطرين و قلم ماركه و بوك ماركه و كبك ماركه (لو يستخدم)

و تودينه عند محلات التزيين .. و تخلينهم يغلفون الهدايا بالاحمر .. و يحطونه في بوكس احمر .. و البوكس ما يكون مسكر .. يعني الهدايا تبين بس تكون مغلفه .. و يحطونه عليه الشفاف ..

و اشتري بطاقه يكون مكتوب فيها اشعار حب ..

و لو ما حصلتي .. تقدرين انتي تكتبين عالبطاقه ..

و تحطينها عالشفاف ..

و رووووعه بتطلع الهديه ..

ما ادري لو عندكم باريس غاليري .. ؟ انا خذت من باريس غاليري و خليتهم هم يرتبون لي في البوكس ..

إذا الورود وايد أوكي واذا شوي لا تحطين الدولارات

أنا أقترح تحطين هديه وحده بس تكون فخمه وماركه
وبقية الهدايا خليها حق مناسبات ثانيه...
ممكن تشترين له... بدله كشخه أو حذاء تكرمين...
أو أي شي تحسين إنه ناقصه..
الله يحفظك إنتي وزوجك لبعض...
أنا مثلك أول عيد يمر عليه أنا وزوجي...
وكنت محتاره مثلك إش أشتري له؟؟؟
ويوم رحت السوق لقيت خيارات كثيرررررررررررره
لدرجة إني احترت مره ثانيه!!!
وأخذت له فنيلتين علاقي حركات رمادي وزيتي شبابيه مووووووت
وأخذت له كذا جوتي للجامعه...
بس إممممممممممم أحس ناقص شغلات كثيره....
وبعطيه ريالات هههههههههههههه عيديه!
لا أمزح بعطيه شي يستاهله...
ومابوديها عند محل يزينها وكذا أحب التزيين البسيط وإللي
يكون فيه لمستي الخاصه والسحريه ههههههههههههه
<<أسولف بس...
تقبلي مروري...

انا شريت لزوجي ساعه كورلوف من البلو صالون تهبل نيو كولكشن وغلفتها وبحطه له على المخده مع ورده حمراء
ومفرش سرير جديد وقميص نو م لي جديد

وبغير بعض ديكورات الغرفه والصالة

[GRADE="FF4500 4B0082 0000FF 000000 F4A460"]شو في حبيبتي أنا شو سويت...

أنا شريت بوك cartier شكله خبال وااااايد حلو...من باريس غاليري

وبعد قلم من crstien dior لونه ذهبي.. من باريس غاليري

وعطــــــور بعد باريس غاليري...

وبعد نعال أسود من محلات فارس جان تعرفينه...

وأخذت استاند عليه قاعدة بعد بالذهبي...

وقلت بسير باتشي بخليهم يرتبولي الهدايا على الاستاند مع بعض الاكسسوارات والكاكاو

وبحط خردة بس والله لين إلحين ما أعرف كم أحط يمكن ما بين 1000 إلى 2000 وبخليهم يحطولي إياهم بطريقة حلوه...

وبس... قولولي شو رايكم بفكرتي؟؟؟؟؟[/GRADE]

ما شاء الله افكاركم حلوة .....

ان شاء الله رياييلكم يستانسون عليها



روووووووووووووز

الله يعطيكم العافية عالأفكار الحلوة هذي

ياعمري يا بنااات عروس صج عليكن أفكار ماشاءالله

عزيزتي عبير اللوتس مشكورة حبيبتي والله يرزقج بولد الحلال اللي يسعدج

عزيزتي أحلام صغيرة تسلمين ياقلبي ماقصرتي ..

عزيزتي قلب دلوع تسلمين ياعمري .. وإيه عندنا باريس غاليري وفيه أشياء وايد حلوة ... بس أنا اكتفيت بهديتين احس احسن وأوفر :poster_kewlpics:

عزيزتي أم شوشو وريم تسلمين على هالأقتراح مشكورة ياقلبي .

عزيزتي ذات الجورب الفسفوري تسلمين على هالأفكار يارب يسلمك ..

عزيزتي أحلى أم تسلمين ماقصرتي وهم أنا بغير شوي في الغرفة والصالة والله يوفق ..

عزيزتي !looloo!تسلمين مشكورة وصج الله يجزاكم بالخير ذكرتوني الله يعزكم بالنعال .. حلوة فكرتج الله يهنيكم

عزيزتي rose_rose7788 مشكورة ياقلبي والله يرزقج بولد الحلال اللي يسعدج .

عزيزتي دلوعة حياتيS تسلمين ومشكورة على المرور


(( كل عام وأنتم بخير , وعيدكم مبارك ))
بناااااااااات إعذروني تأخرت بالرد بس والله من كم يوم كتبت كذا رد وكل ماابي احط ارسال يمسح الرد وانقهر سويت كذا مرة وبالأخير طفشت والحين أنا بيت هلي وقاعدة ع النت واقدر اكتب واقعد عليه على راحتي :21_102:

بنااااااااااااات أول امس رحت السوق واشتريت لزوجي قلم من ديور حلو عجبني شكله وأخوي معاي وخذيت رأيه والحمدلله وإن شاء الله يعجب بو الشبااااب , ورحت تميمة وخذت له نعال الله يعزكم الله يجزاكم خير ذكرتوني خذت اللون الأبيض حلو وكشخة والحمدلله ووديتهم أمس عند محل تغليف عندنا بالخريطيات رهيب الصراحة عجبني تغليفة يجنن , وخسارة كان خاطر اراويكم بس يالله خيرها في غيرهااا ..


تسلمون خواتي ما قصرتوا يارب ترزق خواتي البنات بالزوج الصالح عاجلا غير أجل ., ويارب ترزق المتزوجات بالذرية الصالحة المعافاة عاجلاً غير أجل وتخليهم حق بعض وتسعدهم ..اللهم أمين اللهم أمين اللهم أمين

صج بنااات الهدية متى اقدمها ليلة العيد أو الصبح ؟؟:poster_kewlpics:

هلا خوااااااااتي والله كلكم أفكاركم حلوة

وأنا بعد محتارة شنو أعطيه عيدية

بس أنا أعرف طبع زوجي أهو يحب يختار لنفسه الاشياء من جذي قلت بسوي له باقة ورد وبحط فيها الفلوس عشان اهوو يتصرف فيها مثل ما يحب

أنا اشتريت له طقم عطر مسك من أفون في كل شى - وأول يوم العيد باذن الله وبعد صلاة الصبح بعد نص ساعة اخذه الى الحمام واصبح بصابون المسك ودهن بالوشن المسك وعطره بعطره ثم ابخره واقول له كل عام عيد وانت حبيبي وبعده يذهب لصلاة العيد

[SIZE="6"]انا شريت حق زوجي قلم الباشا من ماركة كارتيير و مدلية للسيارة من ماركة كارتيير و شريت له محفظة من ماركة مونت بلانك بالنسبة للقلم والميدلية تغليف بوتيك كارتيير وايد حلو و بالنسبة للمحفظة سويت له حركة هو كان نايم و نقلت كل البطاقات و الفلوس من المحفظة القديمة الى الجديدة ويوم شافها استانس على الحركة وايد وايد[/SIZE]

افكار حلوة الله يهنيكم ياا رب

السلام عليكم ورحمة الله وبركاته

ماكو احلى منج تكونين هدية ...

يعني تتزهبين له بالليل يوم العيد بلانجري حلو ومغري ... وتخلين جم ريال او دينار او دراهم حسب عملة البلد في كيسة صغيرونة او ظرف صغيرون ومكتوب عليه "" احلى عيدية "" او تهنئة بالعيد ... او بمناسبة العيد السعيد حبيت اهديك نفسي عشان تعرف غلاك عندي ...


اكيد راح يستانس الريال ويطير من الفرحة

في أمان الله

بقولك عن حركه سويناها لاخوي في تخرجه طبعنا دولارات ومكان وجه الرجال حطينا صوره اخوي تصدقين طلع شكل الدولار احلى

اناا شريت له طقم مكون من قلم وكبك وميداليه ومسبحه