ساعدوني؟؟ كيف أبدأ مع طفلي الأكل؟

السلام عليكم ،،

اختي انا بقولج كيف بديت ويا بنتي بس انا بديت شوي متاخر على نهايه الشهر الخامس،، المهم في اول اسبوع خذت لها ارز بالحليب من شركه صحه وعطيتها اياه مره وحده في اليوم لمده اسبوع (وجبه غداء)،، وطبعا كل يوم كنت ازيد الكميه شوي مب وايد،، وبالاسبوع اللي بعده دخلت لها وجبه ثانيه خليت الارز بالحليب ريوق وعلى الغداء افور لها خضار. بتقولين اي نوع من الخضار ابدي وياها بالكوسا لمده 3 ايام وشوفي اذا ما حسست منه ضيفي ويا الكوسا البطاطا لمده 3 ايام واذا ما حسست منه حطي الجزر وبتتكون عندج خلطه وكل فتره تضيفين نوع من الخضار يناسب سنها بس عاده هال3 خضار اللي يناسبن الطفل في اول فتره من الاكل. وبعد تقدرين تحطين لها عيش او كويكر ويا الخضره بس مب الحين خليها تكمل السادس. انا كنت يوم اسوي الخضره بالعيش ويوم اسوي الخضره بالكويكر وبعد تقدرين تحطين لها معكرونه بس هذا مثل ما قلت لج في السادس الحين خلج على الخضار بس. المهم وتقدرين بعد تعطينها فواكه العصر او على العشاء والباقي خليه حليب. وبالنسبه للعشاء لا تاخرينه وايد يعني حده الساعه 8 علشان ما يتعب بطنها ^_^ ولا تنسين عطيها ماي بعد كل وجبه ،، اتمنى اني افدتج

مشكورة اختي الكريمة ... بورك فيك

[:smile:انا ااكل عيالي مع بداية الشهر السادس وااكلهم طبيعي يعني مش معلب ابدا اعطيهم رز ابيض مسلوق مع كوسا ومهروس بالماكينه جيدا طبعا من غير ملح وبعده باسوعين اعطيه تفاحه مفووحه ومهروسه