صراع داخلي

السلام عليكم ورحمة الله
اولاً اني عضوة بالمنتدى منذ زمن لكني لم اشارك قبل
اتصفح المنتدى واطلع وكنت صراحة معجبة بالمواضيع اللي تطرح بالردود
الى ان وقعت في حيرة ولم اجد لها حل
والمشكلة اني ما اقدر اخبرها احد وتعبت من كثر التفكير فيها
فقلت مالي الا المنتدى يحفظ سري واجد عنده الحل
وانتو اكيد ما راح تقصرون معاي
ادري اني طولت عليكم شوي
بدخل بالموضوع على طول
مشكلتي هي تقدم لي شاب ممتاز من جميع النواحي ولكن في المقابلة طلب من اهلي يكلمني على انفراد
ولما صرنا بروحنا قال لي انا موافق على الزواج منج بس بشرط انتي توافقيني على افكاري
فقلت له شنو افكارك؟
يبيني نسافر بره في شهر العسل ولكن انفذ كل اللي يقوله بأن اطلع بره بالمايوه قدام الناس
او اطلع بدون حجاب او ما شابه ذلك
وبعد رجعتنا الديرة تكون حياتنا طبيعية جداً بالعادات والتقاليد والحجاب والاسلام وكل شي
حاولت اقنعه هذا غلط واسلامنا ما يحث على هالشي
فقال لي ادري انه غلط بس انا ابغي اغير من العادات شوي ابغي استانس وهي كلها مرة وحدة فقط وبعدين تصير حياتنا طبيعية
اني بامكاني ارفض ولكن عندي مشكلة ثانية
انا عمري 26 وفيني اعاقة صغيرة وبالنسبة لي هالشاب ما يتعوض لان محد بيتقدم لي بعده ولا راح اتزوج بهالسبب
وانتو شرايكم في هالموضوع؟
جزاكم الله خير اللي بترد علي