بنتي ما تنام..و هذا سبب مشكله في زواجي

الله يكون بعونك أختى بس كل مشكلة ولها حل....
باخبرك بقصتي يوم كان عمر ولدي اربع شهور كنت توني راجعة الدوام الا الأمهات اللي معاي قالوا خلاص لما يصيح بالليل تحملي تعطيه صدرك او حليب صناعي عطيه بس رضاعة ماء ومع الأيام بيتعود ان ماله الا الماء وماراح تتعبين معاه،، كسر خاطري بس قلت أكيد هم أفهم مني ، وفعلا طبقت هالطريقة أرضعه على العشر وأنومه وخلاص مافي رضعة الا الفجر.... والحمدلله نفعت الطريقة 100%.

لذلك الطفل لما يتعود ان لما يصحى بيرضع وبيحصل اللي يبيه بتصير عاده عنده،،،، لذلك ابدأي بقطع الرضاعة عنها ليلا بالتدريج وخصوصا انها كبيرة وتاكل من الأكل العادي،، عطيها بس ماء وبعدين بتتعود وبتمل حتى من الماء،، حطي على صدرك مرة ....بتتعبين وايد وبيتأذى زوجك أكيد من صياحها بس إن شاء الله في النهاية تنجحين وتترك عنها هالعادة...

بس هي ما تبى تفطمها فا ليش اتحط مره على صدرهااا...؟؟

هي بس متلعوزه في نشت الليل..

اتصدقين انا ولدي الحين ما اعطيه صناعي بالليل ارضعه من صدري..وما يرقد في سريره اتعود انه يكوون عدالي...

أختي أنا مع رانيا في ما ذكرت إلا موضوع المرة .. لنها راح تنفر من صدر أمها والبنت بعدها محتاجة للرضاعة ..

صحيح طريقة الماء بتوجع قلبك لكن صدقيني مفيدة جدا حتى أنا كنت استخدمها مع أطفالي على الرغم من أني لم أكن عاملة .. لكن من منا لا تحتاج للنوم جيدا في الليل خصيصا ؟!
ربنا يعينك ويهديها!

مشكوريين خواتي و عن سالفت الماي أنا جربت الطريقه ليوم بس ما نفعت لأنبنتي تفهم الصدرمن المرضعه و رفظت تمصالمرضعه وصااااااااااااااااااااااااااااحةصياح لين ما عطيته صدري..بس اليوم الخميس فراح اجرب الطريقه مره ثانيه معاه و انشاءالله تنفع

حبيبتي و الله ..


بس شوفي.. الياهل انتي على شو ما تعودينه .. بيتعود عليه ..

لأنهم في سن صغيرة ...

جربي طريقة الماي .. او عطيها شاي ميلوبا بالاعشاب ..


و عساج عالقوة دوم ...

اختي انتي عطيها الماي بكاسة اذا كانت بنتج متعودة تشرب الماي من الكاس مب المرضعة... شربيها بالليل من كاس.. وخلي عندج غرشة ماي صحة عشان كل ما تقعد تصبين لها منها..

الله يكون بعونج اختي.. حاسة فيج والله :(

والله انا حاسه فيج بعد انا نفس الحاله ولدي بس يحب يتعلق على صدري واذا احطه على السرير نش مع انه يكون شبعان وعمره بعدكم يوم بيستوي شهرييييييين

الله يعييينج
ولازم ريلج يتفهم الوضع ..

انا مالومج إذا عصبتي

الله يعينج


انا ابغي افطم ولدي اعطيه ماي فليل ؟؟ يمكن ما يتحمل وينترس بطنه لانه وايد ينش بس بجرب ان شاء الله

بالنسبة لي ارضع ولدي فالليل وانومه واذا صحى نص الليل اعطيه مصاصه مافي شي اسمه حليب لين يقوم الصبح ويرضع

والحين ماشالله عليه ينام على الساعه 12 فالليل ويقعد الساعه 11 الضحى مافي قعدة في الليل

ووينام في سريره

كل شي بالتعود وشوي شوي

السلام عليكم ...

تعلق الاطفال بالصدر شي صعب التخلي عنه ...
بس اقولك شيء ... انا امراة عاملة مثلك ... واعرف ما تعاني منه لما تروحي العمل وانتي ما نايمة تماما ..
وكل من مرات هددت باني باستقيل ... بس ...

انا الحمد لله زوجي مش مثل زوجك ...زوجي متفهم كثير ... وما اعتقد زوجك يتذمر من ابنه ... بس يتذمر من تذمرك انتي

الحــــــل : انك تخلي ابنك يخلي العادة هذي مش سهل وتحتاجي مجهود كبير وصبر ما بعده صبر ..
بس اعرفي ان هذا الشي ضروري ... انتي الي مفروض تتحكمي في طفلك مش هو الي يتحكم فيك مهما كلف الامر ...

اذا انتي جالسة في البيت ممكن تخليه بس بما انك عاملة .. اذا حان الوقت انه يبطل العادة هذي ... انتي تشتغلي علشانه
فتستحقي بعض النوم في الليل ...

ما عليك الا بالماء بالليل ..كل ما يقوم تعطيه ماء .... انا اعرف انه بايجلس يصرخ ويبكي ... بس طنشيه ولا تعطيه الي يشتيه ....
الشي هذا مش من اول يوم بايظبط معك ممكن تكرر وعدة ايام بس عليك بالصبر ... بس اياك مع الصراخ حقه تستسلمي
وترجعي بايكون مافي فايدة ... وبانرجع من اول تاني ... هي فترة واصبري عليها الي ان يتعود ...

خذي اجازة لمدة اسبوع ..... او اجازة العيد حاولي معاه حتى اذا ما نمتي في الليل تقدري تنامي اثناء النهار ...

مع التكرار بايتعود وما بيعود يقوم في الليل لانه يعرف انه مافي شي غير الماء ....

اسفة علي الاطالة ... ان شاء الله تكوني استفدتي ...

الله يعينج اختي ... حاولي تعطينها الرضعه فليل .. وان شاء الله بتتقبل الموضوع بس يباله اشويه صبر ....



رووووووووووز

الله يكون في عونج