أصابع القرفة .. بالخطوات المصورة... هديتي لكم بمناسبة قرب العيد

شو اخباركم .؟؟!! كل عام وانتوا بخير مقدما .. وعساكم من عواده .. كل سنه وكل حول ان شاء الله
وبهذي المناسبه .. يبتلكم حلويات خفيفه وسهله وسريعه ... ومقاديرها وااايد سهله وقليله ..يله نبدأ بسم الله :



المقادير:
-عجينة البف باستري (انا استخدمت العلبه الي فيها 10 شرائح)
-قرفة (على حسب الحاجة)
-حليب مكثف محلى ماركة نستله (انا استخدمت العلبه النونو الصغيره تقريبا 90 جرام حجمها)


وبس شفتوا انه مافيها مقادير واااااااااااااااااايد..


الطريقة:
1- نطلع عجينة البف برى الثلاجة عشان اتلين شوي.. بس لااتخلونها وااايد عشان ما اتلين واااااايد وتلعوزكم وانتوا تستخدمونها بالكثير نص ساعة.. ناخذ شريحة وحده وندهنها بالحليب المركز..
2- بعدين انرش القرفة على كامل الشريحة..
3- نغطيها بشريحة ثانية من عجينة البف ...
4- نقطع الشريحة على شكل اصابع ..مثل الصورة..
5- ناخذ كل اصبع ونبرمه بالشكل الي امبين في الصورة... وفي صينيه تيفال نمسح نقطة زيت ولا اتكثرون الزيت لانها راح تخرب معاكم .. انا الصراحة ما دهنت زيت واستخدمت الورق المشمع تبع الفرن وصفيت الاصابع في الصينيه .. مثل ما اتشوفون في الصورة



-انشغل الفرن من تحت وندخل الصينية فيه ونخليها فيه ما بين ربع أو ثلث ساعة لحد ما اتصير شقرا تقريبا.. بعدين نشغل الفرن من فوق وننتظر لين تتشقر من فوق.. وهذا الشكل النهائي..
- بعدين انصفهم في طبق التقديم ونمرر عليهم الحليب المحلى وسائل الكاكاو هرشي ونرش فوقهم فستق مطحون.. والصورتين ايبينن الكميه كامله وهي مزينه انا قسمتهم قسمين..
- وهذا شكل صوص الكاكاو السائل من هرشي للي ما ايعرفة..



شو رايكم مو سهله وحلوة .. يله انتظر تطبيقاتكم للعيد ..:smile:.