خواتي العزيزات .. حبيت اخبركم باللي سويته لريلي في يوم ميلاده اللي صادف في بداية شهر رمضان .... طبعا سويت شي بسييييييييييييييييييييييط بس الحمد لله وااايد استانس وشكرني طبعا :21_149: .... فديتني ...
خلاص بدخل في الموضوع .. قبل اسبوع انا رحت محل الورد واتفقت معاه وكل شي على اساس انه يوديه دوام ريلي ونفس اليوم اكتشف انه راعي المحل ما سوى شي ... قلت خلاص ما فيه فايده مفاجئتي ضاعت مع اني دفعت للريال من اسبوع وكل شي جاهز .. ورمضان انتوا تعرفون الساعات تمر فيها بسرعه والدوامات قصيرة ... يئست وقلت خلاص كل شي راح عل الفاضي ..... وانا في الدوام ع الساعه 11 تقريبا يتني فكرة ليش ما اتصل في اي محل ثاني واتفق معاه وعقب بدفع لهم ... الحمد لله السالفه مشت على خير ... وريلي دوامه اصلا يخلص الساعه 1:30 يعني يا دوووووووووووووب يلحق وهم روحهم مشغولين وطلباتهم شرق وغرب .. قلت له بليييييز اخدمني ووده بسرعه لانه بو الشباب يشتغل في مكان بعيد اشوي .. وانا حبيت افاجئه ... والحمد لله من كثر ما وصيت الريال وصل الطلبية ع الساعه 1:20 تقريبا بعد زييييييييييين ... استانست اشوف ريلي متصل ويشكرني عل الهدية وباركت له ... ويوم ياب الباقه البيت شفتها وصورتها عسب اراويكم ..... وعل الفطور طبعا عزمته على مطعم هندي .... حلو وراقي .... وكلنا هاك البرياني الهندي الحار مع الروووووووووب مالهم ... الصراحه كان حلو لانه من زمان ما رحناله .... والحمد لله عيبته العزيمه بس طبعا مسكيييييييييين هو اللي دفع :sa32: لاني كنت ناسية فلوسي كخخخخخخخخخخ ... المهم عقب ما ظهرنا من المطعم عطيته هدية ثانية وقلت له اتمنى انها تعيبك .... خذت له موبايل مع الكفار وقدمت هديتي واااااايد استانس عليها والحمد لله اليوم عدى على خيييييييييييير .... واهم شي انه رضى عني ولله الحمد ان شااااااااااااء الله دووووووووم يكون راضي ..... :21_207:
وهذي هي صور الباقه اتمنى انها تعيبكم بعد .... وحابة اني اسمع ااارائكم ......
والمشرفه بلييييييييييز اذا الصورة كبيرة ساعديني وصغريها ومشكووووووووووووره اختي على جهودج ..
رووووووو:9_28:وووووووز
