مشكلة بسيطة ..!!

دموع عذاااابي


كيفك حبيبتي ؟

الله يخلي لك زوجك

بس اتوقع لو قلتي له شوف فلان يصلي وانت لا .. هالاسلوب رح يجرحه ومهما كان لا تقارني بين زوجك وشخص اخر .. لانه غير وزوجك غير ... ولو تجلسوا جلسة مصارحة بكل هدوء وتفهم وتعرفي منه ليش ما يروح يصلي بالمسجد .. افضل .. بدون تعصب ..

ووبس :)

الحمد الله يااختي انه يصلي
وراح تقدرين باذن الله
لا تستخدمين معه اسلوب الامر لان الرجال ماينفع معهم هالاسلوب
خليه اسلوبك اسلوب ترغيب يعني
اذا اذن جيبي له ثوبه وغترته عنده وقولي يللاه قبل الاقامه تحلق
على تكبيرة الاحرام ولا تنسى ان فضلها وتكلمي له عن فضلها على السريع
يعني كذا مره مع مره بااذن الله بيرغب
واذا صلي وجا من المسجد اثني عليه واشكريه بشكل كبير يعني كافئيه
قولي انا فخوره فيك قبل والحين اكثر
يعني حاولي بكل الطرق لا بااسلوب الاستفزاز هذا ينفر
مـــــــــوفقـــه اختــــي

حبيبتي السلام عليكم
لا تعملين مقارنة بينه و بين احد ترى راه يعصب منك . حاولي تتكلمين معاه بهدوء مرة و اثنين و ثلاث لا تيأسي......
و الله يهديه يااااااااا رب و يهدينا اجمعين

ممممممممممممممممممممممممممممممممممم

بطيب ياعزيزتي واللين والدلع

تره والله الريال شرات الطفل مسحي ع راسه بيسمع الرمسه فتنتي عليه بيسوي عمره مايسمعج

حاولي مره ثانيه بس بسلوب الحنان

قوليله طلبتها منك حبيبي وماتردنيه اريدك تصلي فالمسيد لني احبك وابغالك الخير

وزياده الاجر ,,,قوليله انا لك طلباتك ولي تحبه اسويه لك ...انت بعد سولي لي احبه منك

لني ابغاك تكون احس الناس عند الله ومثلا حزت الصلاة تبرزين ملابسه والدخون عساس تزهبينه لطلعه يعني مره شرق

ومره غرب وانشا الله اخر شي بيسمع الرمسه

تحياتيه

مشكورين حبايبي

كلامكم ريحني .. مع اني اتبعت معه احدى الطرق اللي قلتو لي عنها
اللي هي اجهز له لبسه عشان يروح للمسجد .. ولو انها كانت استاذان ..
يعني قلت له اجهز لك ملابسك عشان تروح المسجد ..؟ قال لي لاا مو اليوم ..!!


لكن .. بتحمل وبصبر وبحاول معاه كذا طريقة بس اوصل لحل ..

ومشكورين مرة ثانية تعبتكم معاي ..


دمت بحفظ الولي ..

اسمحيلي بس انتي شو فيج؟؟؟؟؟
الريال لو مكانه في المسيد بس بعد عادي يصلي في البيت
حلال مب حرام
ليش انتي محرمتنه من عندج استغفر الله؟؟
انتي صدقيني جي بتخلينه يكرهج
سكتي عنه
على الاقل احمدي ربج انه يصلي
مب نفس اي حد

حاولي وضع كتيبات تبين فضل الصلاة في المسجد وحكمها ووضع شريط في سيارته
اجعليه هو يقتنع من نفسه لان هذا ادعى لثباته على الامر .

الله يوفقكم الى ما يحبه ويرضاه ويعينكم على طاعته

الحمدلله على كل الحال

حاولي وياه اكثر باسلوب احلى ودلع وان شاء الله بيحس فيج وبسمع كلامج

حبيبتي كل شي بالهدوء والتفاهم لا بالعناد والصراخ ... أنا ريلي كان ما يصلي إلا في البيت والله شوي شوي مع الوقت ... كنت أكلمه بكل هدوء وحب وفي يوم من الأيام سألني تحبيني؟؟؟... رديت عليه انت تاج راسي وأحبك موت وانت عمري وهلي ووووووووو بس في شي وااحد مزعلني منك وسألني وقلتله صلاتك في البيت ومن يومها قام يصلي صلاة وحدة والحمدلله بالتدريج قام يصلي كل فروضة في المسجد...

هلا الغاليه...

احي فيج حرصج و خوفج على مواظبة زوجج للصلاه...

و الله ينولج اللي في بالج...

بس الغاليه لا تخلين هذا الشئ هو محور حديثكم عشان ما يهرب زوجك...

يعني بين فتره و الثانيه تكلمي...بس مقارنه و استفزاز (( لاااااا ))

يعني الحين احنا في رمضان (( الله يعوده علينا ))

قبل الفطور عطيه اكل و قولي له وده المسجد للفقراء...

او قبل التراويج...جهزي المدخن و العود...

و قوليله: (( الغالي دخن المسجد قبل لايوصلون المصلين...بتحصل اجر ان شاء الله ))

و زيدي بعد يمكن يسألون منو اللي مدخن و بيستانسون و بيدعولك...

يمكن هالشئ يخليه يروح يصلي عشان يسمعهم...

مااقصد يعمله كرياء للناس...لا

بس ابدي معاه و ان شاء الله يكون من المعلقه قلوبهم في المساجد...

الله يسخره لك ان شاء الله

حبيبتى ربنا يخليلك زوجك
بس انتى خليكى معاة بالراحة والهدواء الرجالة مش بتحب النساء تامرهم بالهداوة وان شاء الله يعمل كل اللى عايزاة

اول شي الله سيعدك دايمن ويوفقك في حياتك


تانى شئ انتى لازم تحاولي تغيرين من دا الأسلوب ,,,حاولي معاه انو مثلا تقولي ايش رايك تروح الصلاه في المسجد مثلا (( صلاة المغرب ** اليوم .. مو كل فرض ..طبعا بطريقه ماتحسسه انو غصب لازم يروح وومو شرط كمان يروح وازا مارضى خلاص اسكتى قولي براحتك وقلي في نفسك الله يهديك ...ج ويوم لاتساليه ليش ماروحت وان شاء الله يروح من نفسه والاهم من دا كله انو يصلي ومواظب على الصلاه احسن انو مايصلي والله يهديه يارب طمنينينا شو صار معكي

احمدي ربيج انتي ان ريلج يصلي وانتي الحمدلله تشوفوينه بعينج
احسن من غيره

ياأختي أهنيء زوجك فيك الله يكثر من أمثالك.........بس يبدو إن زوجك مايصلح له الأمر وغيره مثل ماقلتي أبي أقولك موقف حصل معاي ...مثلاقولي إذا شفت رجال دخل المسجد قولي حقه ماشاء الله عليه ذا الرجال من غير ماتقولين ليش ماتصير مثله ...................موفقه ان شاء الله

هداه الله وهدانا لكل ما يحب ويرضي