ياحظج

السلام عليكم ورحمة الله وبركاته


شحالكن بنات

من زماااااااااااااان ماشفتكن

بس حبيت اقولكن عندي مشكله صغيرونه

عندي ربيعة دايما تقول ياحظج يامسك عندج جذي ياحظج يامسك خذيتي هالشي ياحظج ياحظج ياحظج ياحظج طفرت منها وقمت اخاف على نفسي والله

في بداية الامر كانت عندي السالفة عادية بس
بديت اخاف لاني بديت احس بضيق ومب مثل اول احس راحة بالي مب مثل اول
احس بقلق وضيق بصدري

وين مسك الي اذا ضاقت بها الدنيا تهونها وتنسى
الحين لا الضيقة ماسكه فيني بالمرة

المشكلة انها تغار من ناحية الشغل وعلاقتي مع زميلاتي لما اضحك وياهن ويطلبون مني اساعدهن
اي شي بايدي تبا تاخذه احسه جذي (برغم حالتها احسن عن حالتي والله يوفقها ان شالله )

الله يهديها ماتذكر الله وانا اخاف من الي مايذكر الله ويسمي

مرة طفرت منها قلت لها لاتقولوين ياحظهم قولي الله يوفقهم اونه تقول ان كلمة ياحظهم عندها نفس كلمة الله يوفقهم!!!
فسرت الماء بالماء


حتى والله صرت اكره اروح لعندها او اشوفها لانها كل ماتشوفني حظج فلانة

الحين بديت اقسى عليها واتصرف وياها بقساوة غصبن عني والله
بس تعبت والله تعبت احاول اشيلها من راسي بس مااقدر تصرفاتها تييب لي الطفرة وفيها لقافه وانا مااحب جي وما كنت اعرف انه فيها هالصفة برغم اني اعرفها من زمان بس لما صرنا بمكان واحد تفاجات سبحان الي يغير ومايتغير


والله يكفينا شر الحسد والحساد