الـــــخـــنــــفــــــــروش

بسم الله الرحمن الرحيم

السلام عليكم و رحمة الله و بركاته

بصراحة تحمسون الواحد إنه ينزل طبخاته أو تجاربه الخرندعية خخخخ

مبارك عليكم الشهر جميعاً و الله يتقبل منا و منكم يا رب

ندخل في الموضوع

هذه طريقة عمل الخنفروش علمتني إياها ربيعتي على أيام الجامعة ، لأننا كنا نطبخ في رمضان احم احم بالسكن طبعاً ، و ما طبّقتها إلا هالسنة




المقادير :

1 سميد
3 بيضات
2 كوب سكر
1 ملعقة صغيرة بيكنج باودر
1 ملعقة كبيرة خميرة فورية
2 ملعقة طحين رقم واحد (أنا آخذ بحجم ملاّس الصالونة )
هيل مطحون
زعفران
ملعقة صغيرة و نصف كركم ( ما حطيت بصراحة )
ماء ورد ( أنا ضفتها من عندي لأن طعمها يطلع لذيذ )
ماء ( حسب الحاجة )
و زيت للقلي

الطريقة :

تحطين المقادير الجافة كلها مع بعض ، و بعدين تحطين البيض و ماي الورد و تخلطينهم و تصبين شوي ماي لين تتكون عندج عجينة قابلة للصب

القلي :

تحرّين الزيت عالنار و تاخذين كمية من العجينة بملعقة و تحطينها بشويش في الزيت بحيث يكون شكلها دائري و تقلين عادي ، لما يستوي لونها ذهبي أو بني فاتح تظهرينها

طريقة عمل الشيرة :

3 كوب سكر
2 كوب ماء
قطرات من عصير الحامض

تحطينهم على النار إلين تحسين إن قوامه صار ثجيل ، بعد ما تخلصين من القلي و يبرد عندج الخنفروش أو لما تبين تقدمينها تحطين عليها شيرة ساخنة ،،

و بالعافية عليكم ، ادعوا حق ربيعتي بالذرية الصالحة و التوفيق و ادعوا لي و لكل البنات بالزوج الصالح والذرية الصالحة : )

أختكم