بالله عليكم ادعوا لرغدة

السلام عليكم اخواتي العزيزات
انا كنت عند الدكتورة النهاردة وحمدت ربنا سبحانه وتعالى على نعمة الصحة ودعيت ربنا انه يقوم كل حامل بالف سلامة ويرزقها باطفال معافين بلازيادة ولا نقصان
انا قابلتني حالة واحدة عند الدكتورة أثرت فيا جدا
هي اسمها رغدة وحامل في اخر التامن في توأم بس هي مشكلتها انها عندها نسبة الصديد مرتفعة جدا على الكلى ودة رفع درجة الحرارة الي 40 درجة والدكتورة وصفتلها خافض للحرارة وعلقت لها محاليل لكن بقالها يومين الحرارة تطلع وتنزل والحقيقة انا سألتها عن حالتها لانها شكلها صعب جدا
قالتلي ان هي كانت حاسة بحركة التوأم لغاية امبارح بالليل لكن بعد كدة مش حاسة بحركة
فالدكتورة قالتلها ان لو الحرارة استمرت هاتضطر تولدها قبل الميعاد بس الرئتين عن التوأم مش هايكونوا مكتملين
بالله عليكو يابنات ادعولها ان ربنا يشفيها ويتولد بالف سلامة وييجوا التوأم بصحة وبلازيادة ولا نقصان
امين يا ارحم الراحمين