ارجوكم ننتظر خبراتكم بليز ...

هلااا حبيبتي داينق بحاول اجاوب ع اللي اعرفه او عندي خبره عنه .. والباقي

اتمنى البنات يساعدونج فيه ..

1- عدد الرضعات والفتره بين كل رضعه واخرى لمده 3 شهور؟
تقريبا من شهر الى عمر شهرين كل ساعتين ويرضع ثلاث ارقام ومن شهرين تقدرين

تباعدين وقت الرضعات تخلينها كل ثلاث ساعات واربع ارقام .

2- كميه الحليب (الملعقه مضافه الى سانتي ماي يعني الكميه بالضبط؟

هذي يالغلااا ع حسب نوع الحليب . وكل حليب مكتوب ع العلبه مقاديره يعني كم ملعقه

وكم سم .

3- هل تستخدمين منقوع التمر ( المريس ومن اي عمر؟
انا استخدمه من بعد عمر الشهرين وصحة البيبي عليه ماشاء الله ويلين البطن .

4- متى تبدأين استخدام الاعشاب لطفلك اليانسون والشمر او النعناع والكميه؟

هاي من الاربعين استخدمها اللي هو الشاي واليونسون والكمون والحلبه . يعني رضعه

مره وحده باليوم او مرتين واحسن شي تسوينها قبل النوم علشان يرتاح بنومته ويريحج .

5-هل تستخدمين الماي وكم رضعه باليوم وهل تضيفين لها السكر؟

الماي ترى انسى اعطي عيالي ماي . بس امي فديتها تهاوشني وتعطيهم ماي بعد كل رضعه

لو رقم واحد .

6-ماهو احسن نوع حليب صناعي من وجهه نظرك؟
انا استخدم لعيالي سيميلاك ادفانس مع انه يسبب امساك بالبدايه وتتعبين وياه بس عقب

بسررعه تشوفين اثره ع البيبي .. يعني ماشاء الله بسرعه يكبر عليه وتبين عليه الصحه .

7- كيف تتعاملين معا السره ؟ وبماذا تداوينها وبعد كم يم المفروض تسقط ؟
استخدم الاسبيرتو وبعد ماتطبح استخدم البودره .. بس امي تستخدم المر لعيالي اذا جيتها

تقول زين يطهر السره ويمنع من الصك او الشمم . وتطيح من 10 ايام الى اسبوعين .

8- كيف تتعاملين معا ختان الولد؟ وماذا تستخديمن له؟

اعتقد يعطونج مرهم .. بعدين الحمد لله يومين ويطيب مايحتاج له شي .

9 - هل قمتي بتحنيك ولدك؟ وماذا فعلتي بالضبط؟

اعتقد ابوه حنكه .. تاخذين قطعة تمره صغيره مرره وتلينينها بيدج عقب تخلينه يمصها ..

وتدعين له بالصلااح .

10- ماهو افضل نوع حفاظ من وجهه نظرك؟ وماهي مميزاته ؟

انا استخدم لعيالي بامبرز .. اهم ميزه فيه انه يحجز البلل .. يعني مايقوم البيبي الصبح

مبلل ملابسه ..

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟

العسل .. هذا شي اول مره اسمع عنه ..

اذا تسألين عن دواء الجراحه فاحسن شي تستخدمين المر والماي والملح ومرهم اسمه ميبو .

مشكورين حبيباتي وجزاكم الله الف خير

السلام عليكم،،

1- عدد الرضعات والفتره بين كل رضعه واخرى لمده 3 شهور؟
كل ساعتين رضعه على مدار اليوم

2- كميه الحليب (الملعقه مضافه الى سانتي ماي يعني الكميه بالضبط؟
بتلقينه مكتوب على علبه الحليب انا ما استخدمت حليب صناعي فما اقدر افيدج

3- هل تستخدمين منقوع التمر ( المريس ومن اي عمر؟
في ناس يستخدمونه من اول شهر بس حرام معده الياهل تتعب تقدرين تبدين فيه من عقب 3 شهور

4- متى تبدأين استخدام الاعشاب لطفلك اليانسون والشمر او النعناع والكميه؟
الاعشاب من البدايه ما فيها ضرر على الياهل وبالنسبه للكميه اذا كنتي بتستخدمين الاعشاب اللي تنباع بالجمعيه مثل ميلوبا وربعه بتلقين مكتوب على العلبه الكميه

5-هل تستخدمين الماي وكم رضعه باليوم وهل تضيفين لها السكر؟
في المستشفى يقولون لج لا بس انا قلبي ما طاوعني قمت استخدم القطاره قبل ما ارضع بنتي اقطرلها كم قطره في حلجها بتلاحظين يوم ينش الياهل من الرقاد حلجه ناشف يباله ماي طبعا ما كنت استخدم سكر ولا انصحج به

6-ماهو احسن نوع حليب صناعي من وجهه نظرك؟
ما اقدر افيدج بس احسن شئ تسالين الدكتور المتابع

7- كيف تتعاملين معا السره ؟ وبماذا تداوينها وبعد كم يم المفروض تسقط ؟
اهم شئ تكون ناشفه ونظيفه واستخدمي زيت الزيتون ويبالها تقريبا 10 ايام

8- كيف تتعاملين معا ختان الولد؟ وماذا تستخديمن له؟
ما عندي فكره

9 - هل قمتي بتحنيك ولدك؟ وماذا فعلتي بالضبط؟
لا،،

10- ماهو افضل نوع حفاظ من وجهه نظرك؟ وماهي مميزاته ؟
بامبرز ما في غيره

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟
ما استخدمت العسل كنت احط فيوسدين لمنع الالتهابات واهم شئ المكان جاف ونظيف وعليج بتمارين كيجل

بالسلامه ان شاء الله

السلام عليكم
حبيت اشارك معاكم في الموضوع لانه جدا عجبني وكنت اتمنى القى زي دا اموضوع قبل بفترة
انا راح اجاوب على الاسئله بس معليش ماحتكون بالترتيب
بالنسبه لي افضّل انه الطفل يعتمد على الرضاعه الطبيعيه في السته الاشهر الاولى
ومانكثر من المويا يعني شوي شوي في ناس يقولو انه الطفل لازم مايشرب مويا خلال السته الاشهر الاولى كمان في دكاتره بيقولوا كدا لكن خلونا نسأل مجرب اكيد افضل بالنسبه لي انا مجربه وطبعا شفت انه غلط لان الطفل بعد كدا مايتقبل المويا ويصير مايشرب الا بالغصبوطبعا اكيد الاخراج عنده حيكون صعب وهاتك ياامساك وبكا والله يعين واعرف كتير يعانوا برضه
بالنسبه لمحاولاتي الكثيره لمعالجة الامساك عند ولدي فمعضمهاباءت بالفشل واخيرا

اكمل لاحقا ان شاء الله

ماهو احسن نوع حليب صناعي من وجهه نظرك؟

((حليـــــــب ببيـــــــــلاك))



ماهو افضل نوع حفاظ من وجهه نظرك؟

((بامبــــــــرز))


كيف تتعاملين مع السره ؟ وبماذا تداوينها ؟
استخدمت منقوع ((المــــــــــره))


هل تستخدمين منقوع التمر ( المريس )؟؟

نعـــــــــــم


متى تبدأين استخدام الاعشاب لطفلك اليانسون والشمر او النعناع ؟؟

من بدايه الشهر



هل تستخدمين الماء وهل تضيفين لها السكر؟

نعم ___ نعم اضيف قليل من السكر

البنات ما قصروا وبالتوفيق إن شاء الله...

[BLINK]شكرا عالردود ونورتوا[/BLINK]