رحلتي إلى دبي والعمرة ..

السلام عليكم ..

ولو إنها متأخرة ..

بس حبيت أحط لكم صور رحلتنا إلى دبي ومكة المكرمة والمدينة المنورة ..

كنت أتمنى أحطهم من أول ما وصلنا ..

بس للأسف كنت مو عارفة شلون أعرف الميموري كارد على جهازي .. :sm215:

والحين كل شي اوكي ..

طبعا ً طول الصيف ومثل كل صيف الموال المعتاد .. ودوني دبي .. !!

ومحد معطيني ويه :no: .. آخر شي قررت أحن ..

عاد يانا الوالد يوم الأربعاء وقال الي يبي يروح دبي والعمرة يزّهب روحه ..

وأنا :yahoo: على طوول ملابسي طلعتهم وضبطت أموري قلت بعد اهي مرة بالعمر >> حشى زواج .. خخخ ..

ماراح تتكر الفرصة الثمينة وخليني أروح ولو أن ولا وحده من خواتي راح تروح بس قلت مالي شغل ..

رايحه رايحه ..

وكانت خووش سفرة .. :up:

أول شي بحط لكم الصور بالترتيب .. مع كل صورة راح أحط شرح مبّسط جدا ً مع المواقف الي تصير لنا .. :21_209:

طبعا ً الرحلة كانت بسيارة جيب فورد اكسبلورر ..:poster_dev: ..

هني أول ما طبينا أبو ظبي .. :21_87:



بعدين أول ما وصلنا كانت الساعه 5 ونص الفجر ..

كان فينا نووم ودايخين وتعبانين من السيارة .. :21_162:

رحنا فندق كراون بلازا ..

وقعدنا فيه يومين ..

هالصور بالليل ..





وبهالصورة الوالده زفت أخواني الصبح ليش أغراضهم مطشره .. :sm215: خخخخخخخ



بعدين رحنا تشيلسي قعدنا فيه .. بس نسيت أصور فوتوغرافي ..

وهذي أول طلعه لنا .. :D ..

درنا شوي بالشارع " حوطنا ;) '' ،







بعدين رحنا .................

مجمع ابن بطوطة ..

شحلااااته .. :2_29:

وهذا أول ركن فيه " الصين " ..







الركن الثاني " الهند " ..









بعدين .. " بلاد فارس " و الصور الثانية " الأندلس " .. >> نسيت :sm215:











صوّرنا في تونس .. بس صور عائلية .. :21_207:

بعدين كملنا دربنا في المجمع .. بس طافني عباس بن فرناس >> أخوي راح شافه وقال كاتبين عليه المجنون ..

قمت أضحك وبعدين قلت له : هذا يزاته " جزاته " .. ضحّى بروحه علشان العلم ، صج إنكم مو كفو تضحية ..

و لو يقولي روحي زين أحد قاله روح طير .. صج مينون ما ينلامون فيه ..

مريوم اختي شافت مدهش ..

قالتلي صوريني معاه .. :smile:

صورناها بعد .. أمرنا لله .. :think: ..



صار لنا موقف بابن بطوطة موقف متنا ضحك عليه .. :2_106:

في أربع مرايات كل وحده تطـّلع حجم ..

لمن وقفنا عند الي تقـّصر هسترنا من الضحك الناس تجمعت وقامت تضحك على أشكالها ..

امي مرت مرة وحدة جان تقوول لا مابي اوقف عندها >> قصيرة وقصرتها زيادة :D ههههههه

والناس قامت تضحك على أشكالها الي قزم والي متين والي طويل .. :sa32:

عاد بعدها ردينا البيت ..

ثاني يوم رحنا مول الإمارات .. :shiny:

هناااك الوناااسه .. :iagree:

الـ snow park والحركات عجيـــبة ..

وخبركم احنا الخليج متعودين على البرااد والثلج :21_182:

فـ عادي عندنا .. :sm229:

ما بردنا ولا شي والثلج شي ظاهرة طبيعية ملينا منها من كثر ما تيينا فـ كان كل شي :Z_cool_c:

هني أول ما دخلنا ..













طبعا ً مريومة ما خلت أحد ..

الي يسألها شنو اسمج؟ ترد عليه : أنت شنو اسمك ؟ أنا اسمي مريم " ميمي " استانسوا عليها .. :D .. بس لسانها شطوله ..

وفضحتني ماكو أحد ماعرف اسمي .. تنادي من بعيد ههههههههههه ..



بس جد وناااااسه ..

أول روحة لنا ما لعبت لأن ماكنت أدري رايحين لها ..

لأني كنت لابسه تنورة :21_184:

انقهرت .. عاد قلت حق الوالد يودينا مرة ثانية وهالمرة شغل عدل بنطلون علشان على راحتي ..

عاد الفليبيني الله يخس ابليسه يناديني تعالي لعبي ..

اقوله لأ يقعد يحن يدري فيني اخترعت لمن شفت اللعبة الي تزحلق من فوووق لي تحت ..

بس خطيرة هاللعبة :D ..

بس ثاني مرة لعبت وظلينا يوم كامل فيها .. وانتقم مني الفليبيني مع إني مو مسوية له شي .. :S

وأمي وأبوي راحوا الشارقة واحنا ظلينا وردولنا العشا ..

طبعا ً ماكو أحد ما عرفنا ..

سوينا أشياء تضـــّحك .. وتعرفنا على بنتين كويتيات ولعبنا وماخلينا أحد حتى الستاااف عرفونا خخخخخخ

وبعد يووم حافل رجعنا البيت مثلجين ..

ثاني يوم مادري وين رحنا .. !!

عاد دخلنا مثل سوبر ماركت .. كان فيه ركن حق ورد ..

قلت بصورهه .. أخوي يقولي صج مو شايفه خير يعني ماعندنا ورد بالكويت ؟

أقوله بلى بس يعني نشوف وردهم شلون .. :D_smil1:

عاد صورت الورد ولا مريووم "هني كنا حاطين عليها:2_106: "

تقولي باخذ ورد .. أقولها ودي بالشحن حق الكويت .. انقهرت وقامت تبجي خخخخخ :2_106:









وآنا قاعد أصوّر أقول حق أخوي : الحين شنو يقولون عنا !! مو شايفين خير يصورون ورد .. :flower: !!!

يقولي علمي روحج :2_106:

طبعا ً قعدنا بالإمارات 5 أيام ..

ختمناها بمدينة مدهش .. :D ..



ورحنا حق الميدان بس حسافه ماكان تصوير ..

والله خووش شي المكااان ..

وصورنا محبوب الجماهير ..

فزااع .. :poster_vt:



طبعا ً في صورة حق الشيخ زايد الله يرحمه بالشارع شحلاااتها تنّور بالليل ..

قلت إلا أصورها ..

أول مرة ما ضبطت معااي .. :down:



عاد قلت ..

أنا ماني راده الكويت إلا مصورة هالصورة ..

وصورتها .. :D .. وطلعت مش ولابد الصورة .. بس الي محليها المرحووم ..







أتمنى تكون رحلة دبي دار الحي حازت على إعجابكم ..

و إلى رحلة مكة المكرمة والمدينة المنورة ..

تحياتي لكم ..
frawla ..

يـــــتــــبــع ....