بليز ابي حد يقولي عن جدول حلووو

أحلى أم


حلو استفسارك وياليت البنات ايفيدونا..

انا بنتي الاولى بديت معاها بغير الحليب من الشهر الخامس..

والثانيه توها بتخلص الشهرين عشان كذا ماقدر افيدك..

هلا وغلا ام سارونه


اتمنى البنات يفيدونا

هلا يا أحلى أم

أنا ولدي الله يحفظه توه مكمل 6 شهور .. وأنا بصراحة توني بادية وياه الأكل..

يعني بديت أعطيه عصير برتقال - سكري - وأخففه بماي ..

أول يوم عطيته مقدار ربع برتقاله ..
ثاني يوم نص
ثالث يوم برتقاله كامله ..

وأعطيه عقب الساعه 11 ..

عقب بديت أعطيه عصير تفاح .. بنفس الطريقة - بتلاحظين - تكرمين - لون البراز يغمج - هذا عشان التفاح في نسبة من الحديد...

عقب خلطت عصير التفاح ويا عصير الجزر ..

وتميت أعطيه عصاير لين ما كمل 6 شهور . وتوني باديه أأكله

احلى ام ماانصحج قبل شهر 6 اطلعت اخر تقارير وحتى وزارة الصحه انج ماتاكلين الياهل الا من 6شهور ومافوق اولا تعب معدة البيبي وتسبب له امراض مبكرة وتسبب حساسيه

وولدج تووه عطيه حليب وماي تمر بس

وبالخامس دخلي فارليز بالحليب

وبالسادس ابتدي الاكل وسيرلاك

واانصحج ابتعدي عن عصااير تسبب حموضه للمعده وحساسيه

احلى ام ..

حاليا خلج على الاعشاب والعصاير (التفاح والجزر والكمثرى ) ابتعدي عن الحمضيات لين يكمل سنه وهذي

دراسه جديده مسوينها لانها تسبب خلل في المعده وتزيد الحموضه عنده ..


انا عندي كتاب عن طريقه اطعام الطفل وطريقة حفظ الاطعمه وايد مفيد .. اسمه تغذية الطفل ..تلاقينه في جرير ..

وهذي شوية اكلات ان شاء الله تفيدج..

من الشهر 4 الى 6 :

تعطينه الفواكه مثل التفاح والكمثرىوالخضروات المهروسه مثل الجزر والبطاطا والكوسا

وخليها سايحه شوي مب غليضه تتعب بطنه ..

وتوزعين الوجبات حسب احتياج ولدج ..يعني الصبح تفاحه مطبوخه ومهروسه ..

والظهر رز ناعم (سيريلاك )..والمغرب نوع ثاني من الفواكه ..وجيه يعني ....

وشوي شوي قبل لايكمل السادس تبتدين معاه بالخضروات المخلوطه

ووالفواكهه لما تسلقينها تكفيها 10 دقايق لكن الخضروات 15 دقيقه..



من الشهر 6 لين 9:

1) المشمش +الكمثرى+الخوخ+التفاح

تطبخينهم على نار خفيفه عشر دقايق..
وتهرسينهم ..

_________________

2) التفاح +الخوخ+الفراوله

طبخي التفاحه على البخار لمده 6دقائق ثم ضيفي عليها الخوخ والفراوله لمده 3دقائق واهرسيهم ..
______________________________

3) جزر+بطاطا+كرفس+ كاسين من مرق الدجاج

قطعي الكرفس قطع صغيره ونفس الشي الجزر وقلبيهم بشويه زبده دقيقتين بس وحطي عليهم البطاطا والمرق

وخليهم يطبخون بهدوء نص ساعه ..حطيهم في الخلاط وبس بالعافيه على ولدج ..

ملاحظه لاتضيفين الملح او السكر لاي من الوجبات ..

بعد تبين اكثر انا حاضره انسخ لج الكتاب ..^_^

في البدايه بتستصعبين السالفه وعقب بتحسينها وايد سهله ..وطبقتها على بنتي نوره والحمدلله صحتها عاجبتني ..

مشكورين وماقصرتوا


اوكي اتمنى تعطوني من الشهرالخامس طيب شنو اقدر اعطيه بالترتيب

upppppppppp

احلى ام

مستحيل نقدر نحدد لج لازم شنو ياكل ولدج في هاليوم .. انتي تحددين الجدول على حسب رغبته وراحتج ..

وشوي شوي يتعود على نوعيه الاكل .. ومثل ماقلت لج قبل ابتدي معاه بالمهروس والمخفف وشوي شوي ثقليه ..

وطبعا احنا نموت اذا مااكلنا عيالنا العيش مع الروب خخخخخخخ


هذي بعض النصايح تنفع كل ام ..

*تعطى الوجبات للطفل قبل الرضاعة حتى يتقبلها 0

*عند بداية إعطاء الطعام للطفل يلفظه أولا" ثم يبدأ بالتعود على طعمه بالتدرج 0 لذلك يقدم كميات صغيرة وتزاد

مع تعلمه للبلع جيدا" 0

*يفضل إعطاء الطفل الوجبة الجديدة لمدة 5-7 أيام حتى يتعود على طعمها ثم تضاف الوجبة الأخرى بعد ذلك وهكذا.

ولا يحبذ إدخال وجبتين جديدتين في نفس الوقت 0

*تقل شهية الطفل بدرجة عالية عند بلوغه العام الأول وهذا شيء طبيعي 0

*الرضاعة الطبيعية هي المفضلة دائما" وحتى نهاية العام الثاني 0

*لا توجد مواعيد محددة للرضاعة الطبيعية آو الصناعية ولكن حين يجوع الطفل يرضع 0

*لا يجب إعطاء الطفل الرضعة كلما بكى فربما يكون البكاء لسبب آخر غير الجوع ( مغص - بلل الحفاظ ) فلابد من سبب

البكاء 0

*احرصي بأن لا يصاب الطفل بالسمنة المبكرة وذلك بعد تقديم الأطعمة ذات السعرات الحرارية العالية مثل البطاطس

والأرز والبسكويت بكميات كبيرة على حساب الأطعمة الأخرى ذات القيمة الغذائية العالية مثل الخضراوات والفواكه

وصفار البيض 0

*تؤخر الوجبات للأطفال الذين يعانون من حساسية الجلد 0

ولاحظت في مشاهدات وايد لكن وين الردود ..

اشدعوه محد يأكل عياله ..


ادخلي هالرابط ..

http://www.3roos.com/forums/110/t8492.html