:21_112:
بما ان موضوع عروس البحر كان له اقبال و بناءا على طلب بعض العضوات :)
انا قررت اني بسوي مسلسل يديد ههههههههههههههههههههه
بحط كل مرة ان شاء الله اذا الله قدرني موضوع متكامل لشخصيه او ليله رومانسيه و ان شاء الله تنال اعجابكم
اليوم انا يايبتلكم شخصية مس سانتا - او البابا نويل طبعا مس سانتا يعني زوجه بابا نويل اوكي
فخلينا نسميها ماما نويل و خلاص ورجاااااء كله مجهود خاص اللي تنقل تذكر صاحبه الموضوع ومنتدى عروس :21_214:
طبعا قبل لا ابدي احب اقول شي او ملاحظة بسيطه : احنا كمسلمين ما نؤمن بهالعيد هذا لكن هي فقط حركات للرومانسيه و المتعه و ليست شيء نؤمن فيه ابدا ابدا و الاعمال بالنيات طبعا.
باسم الله نبدي
------------------------------------------------------------------------------------------------------------------------------------------------------
(ليلة)
+*+*ماما نويل *+*+
في البدايه انا بكتب افكار ممكن تسوونها يعني من غير تكلفه مادية كبير
لانه الصراحه انا ضد مفهوم كل ما كان الشي غالي كل ما كان احلا
هذا شي غلط. <<<<<<<<<< بس الناس زهقت من النصايح صايرتلنا ماما حبابه
اول شي الفكره على اساس انج بتسوينها في بيتك انتي يا عروستنا الحلوة
لكن للي ماتقدر تعمل رومانسيات في بيتها و يستاجرون غرفه بفندق
اخذي معاج شنطه صغيره حطي فيها الاغراض اللي تببينها من البيت لبسج و مفارش صغيره او شرشف و اللي محتاجته
و ورقه و سجلي الاغراض اللي اخذتيها من بيتك عشان ما تنسين و حطيها بالشنطه وانا افضل الرومانسيات بالبيت لانه
راحه نفسيه و انتي تعرفين كل شي بغرفتج و ماكو ضغط عليج بوايد نواحي :) واغراضج ببيتج , المهم
عندنا 5 مراحل لكل عمليه رومنسيه اوكي
3 منهم اساسيات و الرابعه والخامسه اضافه على حسب مزاجج :)
و ببدي فيهم وحده وحده
المراحل :-
1- ديكور الغرفه.
2- أنتي (لبسج , مكياجج, شعرج ...الخ
3- الاكل (عشى او غدا)
4- ديكور الحمام وانتوا بكرامه وبمعنى اصح البانيو
5- الهديه اللي تبين تهدينها
يالله نبدي <<<< للمره ال 1000 ههههههههههه
اول شي نبدا بالمرحله الاولى
1-بالديكور و تزيين غرفه النوم
المقادير (المواد ) المطلوبه :
- مفارش - شراشف - شموع - كور زينه الاعياد - قطن بكميات كبيره - ورد مجفف او طبيعي - اوراق ملونه بالالوان
المطلوبه - جلاليد تغليف -مقص - شرايط من احجام مختلفه - لزاق قوي - و خيوط قويه- قلتر فضي و ذهبي -شريط ليتات
الصغير اللي يتركب بالبلاك- علب كرتون مختلفه الاحجام فاضيه
(((اساس لكل شي تعملينه تكون الالوان في حدود ( الاحمر - الوردي- الذهبي - الفضي - الابيض )
هذا اساس لكل شي بتسوينه اذا تبين تطلعين بشي رائع و متناسق)))
اكيد الحين كل عروس عندها شراشف و مفارش الحمره للسرير و الطاولات لانه لون رومانسي و عملي جدا و يبعث
عالدفء و يعزز الثقه بالنفس
تحطين مفارش الطاولات و شراشف السرير الحمره اللي عندج و ترتبينهم بشكل جذاب و رومانسي :) و ممكن تستخدمين
اللون الابيض بدل الاحمر على حسب راحتج :)
بعدين بعد ما خلصنا من السرير و الطاولات
تحطين الشموع على احد الطاولات و جوانب السرير باي طريقه تحبين و في هذي الطرق
الحين اذا تقدرين تشترين شجره مثل ملوت الكريسماس صغيره بيكون شي حلو
اذا ماتقدرين اخذي اي شجره من شجر الزينه اللي عندج بالبيت و زينيها بزينه الميلاد اللي اهيا الكور الملونه و الزينه
مثل ملوت اعياد الميلاد والشرايط و الليتات اللي تتوصل بالكهربه و في منهم بكل الاشكال بايكيا حتى و صدقيني
بتكون حركه حلوة و غير مو شرط تكون شجره الميلاد انتي ابتكري و استخدمي اي شجره من الزينه اللي بالبيت و
زينيها و شوفي اذا ماعجبته :)
الحين يا دور العلب الفاضيه
غلفيهم كانك قاعده تغلفين هديه و بطريقه حيل بسيطه يعني يا دوب بس تغلفينهم بورق التغليف و يكون على حسب
ذوقج و يناسب الديكورات و المناسبه و حطي الشريط النايلون اللي نستخدمه بتغليف القرقيعان
و صفيهم تحت الشجره عشان تعطين انطباع صج انه انتي ماما نويل اوكي يا عروساتنا
و حطي يعني هديه واقفه هديه بالعرض و جذي تحت الشجره
اوكي في جنب من جوانب الغرفه اخذي الشموع الصغار
و صفيهم بشكل قلب عالارض
راح ترتاحين اول شي ان الشموع في مكان واحد بدال ما يعني وانتي مثلا تمشين تطيحينهم او شي
و شكلهم راح يكون رووووووووووووووعة و حلو انه يكون في الطرف اللي بعيد عن طاوله اللي بتاكلون عليها
بطريقه انكم تقدرون تطالعونها وانتو تاكلون
الحين الكور اللي شريتيهم في اكثر من طريقه للتزين مو بس الشجره تتزين
اخذي سله و حطيهم داخلها و راح يكون شكلهم روعه و حطيها بمكان يناسبها بالديكور
اخذي الخيوط و علقي االكور فيهم و علقيهم مثل الستارة مثل الصوره اللي تحت :)
على فكره ممكن تسوين جذي بالورق و تصير مثل الكور
و ممكن تحطين صمغ و تغطسينهم بالقلتر و بيطلع روعه يعني عادي لو لقيتي نوع واحد او لون مو عاجبج اخذيه
اذا ماكو غيره و غيريه
حطي بالقلتر الاحمر او الذهبي و انتي و تفننج
طبعا نفخي بالونات و نثريهم بمكان من الغرفه مثلا تحت الشجره شوي مع الهدايا الزينه
فوق الفراش او اي مكان يعجبج
الاوراق الورد المجففه
ممكن تنثرينها عالارضيه مالت الغرفه كلها و في اللي تكون قماشيه و تطلع ريحه و صراحه احلا من الطبيعي
لانج ممكن تجمعينها و تحطينها بعلبه و تستعملينها مره ثانيه لعمليه رومانسيه ثانيه اما الطبيعي يخترب و تروح ريحته
بسرعه وحرام اشتري ورد و انتفه :( وهذا رايي الشخصي
وانا بعطيكم افكار روعه بهالموضوع ان شاء الله تفيدكم حتى زوج بيستانس والله لانه بيحس انج مبدعه بافكارج
و يعني تشغلين مخج مو مثل بنات اليوم <<< يعني انتي شنو مو من بنات اليوم لول
اللي كل وحده تهتم بالمظاهر الخداعه ماتبي تفكر بولا شي بالمره :(
الله معطينا عقل استخدموه يا عروساتنا :)
الحين الورد المجفف انثريه على كامل الغرفه و عالسرير سوي قلب الحب كبير
و ممكن تكتبين داخله اسم زوجج بالورد او القلتر
وممكن تنثرينه يم الشموع
و عندي فكره بدل الورد المجفف او الطبيعي
الاوراق الملونه اللي قلت لج اشتريها
اخذيها و قصصيها صغار صغار و استعملي اللون الاحمر و الوردي او الابيض او اي لون تفضلينه من الالوان اللي قلناهم
قبل و اذا انتي عندج مزاج مثل حالتي قصيهم على قلوب صغار وممكن اختصارا للوقت اطوي الورقه وايد و اخذي مقص
قوي و قصي شكل قلب و اهيا مطويه و راح يصير عندج قلوب وايد بخطوة وحده :)
و حتى هالورق لا تقطينه حطيه بكيس حلو او علبه صغيره و خليه ديكور و ممكن تستعملينهم في عمليات رومانسيه ثانيه
مثل ما قلت لج
يعني مو معقوله كل مره بتشترين و تخسرين و مادري شنو
الحين القطن :)
طبعا كلكم متسائلين ليش قطن جنه السالفه طلعت عمليه صج <<<<< اسم الله عليكم و علينا من العمليات
القطن يا حبيباتي
بما انج ماما نويل لازم في ثلج بالديكور
و طبعا لو نموت ماكو ثلج بالخليج و بشكل عام معظم الدول العربيه يعني و ماعتقد بنلم ثلج و نحطه بالغرفه ولا راح
تصير درجه الحراره 10000 تحت الصفر
فيعني نحط القطن
قطعيـــــــــــــــــــــه بيدج نتفيه تنتيف و تخيلي اذا في احد باط جبدج ولا فيج حره على احد في ذاك اليوم حلو جدا
طلعي حرتج بالقطن و قطعيه تقطيع :)
و بعدين حطيه حول الشجره و بزاوايا الغرفه
و حول الطاوله الصغيره مالت الاكل بشكل مرتب جنه ثلج عرفتي و اخذي القلتر الفضي
و نثريه فوق الثلج القطني و حده رووووووووووعه بيطلع و انتي و شطارتج بالتوزيع :)
همم الحين خلص ديكو ر الغرفه و انتي و اضافاتج و اللي تحبين تضيفينه احلا و احلا :)
:21_112:
نطروا المراحل الباجي بنفس الموضوع
يتبع
:9_28:
