اللي تعرف عن التلقيح الصناعي,,ممكن لحظه

اختي انا مسويتها من قبل مرتين عند دكتوره فوزيه القطان والعمليه بسيطه وما يبلها خوف اهم شي تروحين وانتي متوكله على الله وناسيه الخوف وحطي في بالج نجاح العمليه .. وحاولي بعد العمليه ما تجهدين نفسج ارتاحي على قدر ما تقدرين وانسدحي على ظهرج

عموما اذا بتسوين العمليه انصحج سويها عند دكتوره ناهده العلي وايد يمدحونها وماشاءالله وايد حملو على ايدها ، انا لما سويت العمليه اول مره صار معاي حمل بس كان ضعيف وما كمل نزل مع الدوره لان المفروض لازم تعطيني دكتورتي ابر تثبيت وما عطتني ولا يابت لي طاري هالابر .. اما ثاني مره الله ماكتب ونزلت الدوره بعد التلقيح بأيام وبعدها وقفت العلاج ... وأفكر حالياً اني اكمل والله يكتب اللي فيه الخير ويرزقنا يارب بالذريه الصالحه

مشكوره حبيبتي على الرد ,,بس وين عيادتهم؟

اعتقد اختي بالشعب تأكدي من الجريده رقمها موجود

طريقة التلقيح الصناعي

يتم إعطاء الإبر المنشطة لتحفيز المبيض على إنتاج من بويضة إلى ثلاث إلى أن تصل إلى الحجم المطلوب.

بعد أن تصل البويضة إلى الحجم المطلوب (من 18 إلى 20 ملم) يتم إعطاء الإبرة التفجيرية.

بعد 36 ساعة يتم إجراء العملية حيث قبلها بساعتين يتم اخذ عينة من السائل المنوي (يجب أن يمتنع الزوج عن الجماع لمدة ثلاث أيام قبل وقت أخذ العينة) وتنقيتها واخذ الجيد منها ووضعه في حقن خاصة. بعدها تحقن هذه الإبر في الرحم أو قناة فالوب ويطلب من المريضة الاستلقاء على ظهرها لمدة ساعتين في المستشفى ويمكنها بعدها ممارسة حياتها بشكل طبيعي دون بذل مجهود زائد أو حمل ثقيل .

أما معرفة حدوث الحمل
بعد مرور أسبوعين من تاريخ نقل الأجنة دون نزول دورة يجب زيارة العيادة لإجراء فحص هرموني للدم للتأكد من حدوث الحمل ويمكن رؤية الحمل بعد مرور ثلاثة أسابيع من نقل الأجنة عن طريق جهاز الموجات فوق الصوتية.

[BLINK]يالا لا تنسين تدعين لي بالذرية الصالحة و الله يرزقك ان شاااااااااااااااااااااااااااااااء من غير عمليات [/BLINK]....

مشكوره حبيبتي على الرد استفدت منه وااايد
والله يرزقنا ان شاءلله الذريه الصالحه

الله يرزقك الزرية الصالحة حبيبتي ملاك

ويرزقني ويرزق كل محروم الاطفال

طيب اذا تعرفوون عياده في دبي يسووونها وتكون الدكتوره زينه