سؤال لبنات البحرين تكفوون ساعدوني...

هلا حبيبتي..

انا رحت للدكتورة " صباح امل بيغ " والحمد لله انا الحين حامل..

ان شاء الله اكون افدتج..

مشكووووره وماقصرتي اختي بس ماقلتي لي هاي وين مكانها وزينه والا لا لان بصراحه اول مره اسمع عنها؟؟


شدعوه مافي احد يبي يساعدني؟؟

حبيبتي روحي مركز جنين للأخصاب
عند الدكتوره اسماء منير
احسن مكان لأنه متخصص في هالاشياء ويسون لج فحص كامل انتي وزوجج عشان يشوفون المشكله عند من
المركز يصير داخل مستشفى ابن النفيس واذا بغيتي رقمهم انه حاضره
والله يرزقنا بالذريه الصالحه

اي حبيبتي فديتج رسلي لي رقمهم ع الخاص ويزاج الله الف خير يالغاليه

أنا أتعالج بالعادة بالمستشفى الأمريكي،، وذهبت قبل أسبوعين لمركز جنين عند الدكتورة أسماء، شكلها شاطرة، بس مارجعت لها مرة ثانية لأن زوجي رفض يسوي الفحص، فروحتي مامنها فايدة مرة ثانية...

مشكوووره حبيبتي رانيا البحرينيه ع مرورج انشاء الله راح اسأل بعد عن دكتوره اسماء منير

انه اول حمل لي كنت متعالجه عند الامريكي كان عندي هرمون الحليب مرتفع شوي ونزلو لي اياه سووه صفر
بس الحمد الله حملت بولدي الله يخليه
بس هالمره لما رحت لهم ما عجبوني احسهم ماديين واايد كنت مسويه التحاليل وويدتها لهم كان عندي ضعف في المبايض 1.1 ولما شافتها الا تقولي يعني اشتبين اسوي لج )بالانجليزي طبعا) قلت لها ابي انشطهم الا تقولي من متى تحاولين تحملين قلت لها من ثلاث شهر وصدفه في هالشهر كان زوجي مسافر ومانمت معاه كانت تقولي متأكده انتي مب حامل قلت لها ايه الا تلزم تسوي تحليل الحمل بالبول الله يعزكم ولما طلعت النتيجه سلبيه قالت الا بالدم وسايرناها يوم طلع مافي حمل الا تقولي بعد حاولي ثلاث شهور بعدين تعالي قلت لها والدوره موب منتظمه قالت حاولي هالثلاث شهو عشان يمكن تحملين وصبرت ثلاث شهور ومافي حمل بس هالمره مارحت لهم رحت ابن النفيس احسه احسن وعطتني كلوميد مره في اليوم من ثاني يوم الدوره
جني طولت عليكم هههههههههههههههه ابي اهذر
بس حبيبتي [COLOR="Red"]رانيه لما رحت المستشفى قالت لازم زوجج يحلل لأنه هالايام صايره وايد حالات تكون من الزوج وهو مو حاس بروحه انتي اتعالجين ويروح علاجج على الفاضي لأنه الزوج تكون عنده مشكله حاولي تقنعينه يحلل [/COLOR]

اي واللله وانتي الصاجه انا كله اسمع هالايام المشكله من الزوج تبين الصج زوجي ماكان راضي وشكثر اتهاوش وياه ولا راضي يقتنع كله يقووولي خليها ع ربج الله مو كاتب اقوله يا ابن الحلال ربك يقولك يا عبدي اسعى اذا بغيت شي واحنا نروح نفحص واذا كل شي طبيعي نخليها ع الله هو الرزاق بس اهم شي مانحط يدنا ع خدنا وننتظر ع الاقل نتطمن ع صحتنا وماينقلب الشي ضدنا ويالله يالله اقتنع اختي رانيه انصحج انج تحاولين تقنعينه بالطيب وبالكلام الحلو الرياييل ما يحبوون القووه والغصب مثل الي عندي والله يرزق الكل انشاء الله ولا يحرم احد من الذريه الصالحه..

سوري طولت ريم ترى انا طالعه عليج هذااااااره فديتج هاهاهاهاها

والله حاولت يقول دام عندنا ولد من قبل وحملنا به من أول محاولة ليش بعد الفحص،، قلت له هالكلام من أربع سنين تقريبا يعني يمكن في أشياء تغيرت وسبق أني أجهضت قبل خمس شهور، عشان هالشي مارديت للدكتورة دام زوجي ماسوى الفحص، وهي طلبت مني تحاليل دم تقريبا 130 دينار وأمي عصبت قالت توج عقب الإحهاض مسويين لك تحاليل الدنيا وطلع مافيج شي حتى تحليل التجلطات ماله داعي وذول تجاريين.... الكل كسر مياديفي...

الدكتورة خلود في مستشفى ابن النفيس2

وايد زينة اعرف وحدة صار لها 18 سنة ما حملت وما شاءالله الحين حامل


الله يكتب لج الخير

رانيا حبيبتي والله كسرتي خاطري الله يعينج بس ويسهل عليج وانشاء الله يا ربي هالشهر تكونين حامل وانا وياج وكل وحده تتنمى تحمل يا رب الله يسمع منا انشاء الله

المشتاقه مشكووووووره حبيبتي ع مرورج وماقصرتي والله يسوي الي فيه الخير للجميع انشاء الله

يعطيج الف عافيه