أنا وخطيبي وهي

مرحبا

تقبل الله صيامكم ان شا ءالله .... صراحة فكرت كثير قبل لا اكتب المشكلة اللي حصلت لي بس قلت اخذ راي اخواتي في منتديات عروس يمكن يفيدوني بخبراتهم.....


انا مخطوبة بعد حب اربع سنين وخطيبي يموت فيني وما يقدر يستغنى عني وانا مثل الشي وصار لنا مخطوبين سنتين تقريبا... عمري ما فكرت اني اشك فيه للحظة .... لانه واااااااايد حنون وطيب معاي وفيه المواصفات اللي كل بنت تتمناها في زوج المستقبل واحمد ربي على هالشي..... بس من اسبوع وشوي صار لي موقف وانصدمت منه صراحة... خطيبي نادوه انه يروح معسكر تدريب... وطبعا ما يصير يحمل تليفون ولا شي.... خبرني اني اخذ التليفون واخشه بكبته.... بس انا طبعا قلت باخليه عندي وكان التليفون مقفل ... حسيت باحساس اني ولهانة على مسجات قبل اللي كنت ادزها له ايام ما كنت اعرفه وطبعا كل المسجات مخزنة في تليفونه... فتحت التليفون لانه كان مغلق وفيه بين كود بس اعرفه... اثناء ما كنت اقرا في المسجات واسترجع ايام الحب العنيف.... فجاة يرن التليفون ان واصل مسج .. فتحت المسج وما لقيت الا شنو؟؟؟ انصدمت صدمة قوية حتى كنت حاسة روحي في حلم... المسج الواصل كان من عند بنت كاتبة له (( بيبي انا زعلانة اوكي... اتصل فيك من الصبح وكل لا يمكن)) المشكلة ان الرقم مسيف بس باسم يوحي انه اسم صبي... عمري ما كنت اتوقع انه يعرف بنت غيري بس قلت ما ابي اظلمهوحبيت اعرف السالفة واسمع الصوت بنفسي فدقيت على نفس الرقم ومحد يرد وبعدين هم اتصلوا وفعلا طلع صوت بنت .... والبنت مب من نفس بلدي لا من بلد ثاني... صارت الايام اللي تمر علي تعيسة وسودة ... حتى دموعي جفت من كثر الصياح... كفاية غيابه عني شهر كامل في المعسكر وبعد يوصلني مسج جذي ومن بنت.... طبعا ما قدرت اخش في قلبي ... فقلت لاعز صديقة عندي السالفة ... حتى قالت لي مستحيل هو يموت عليج اشلون يسوي فيج جذي..

انا محتارة اذا رجع افتح له موضوع البنت ولا اسكت؟؟؟ صديقتي قالت لي اني امسح المسج وما افتح له السالفة علشان ما يضيع مني وقالت لي انها في بلد ثاني فلا تحاولينها تستغله وتاخذه منج.... طبعا اخذت برايها لان بس بيجي 3 ايام العيد وبعد بيروح يكمل تدريب في المعسكر فما ابي اضايقه.... واللي سويته اني مسحت الاسم والرقم كله ومسحت المسج اللي واصل منها ودزيت لها مسج انها تحترم نفسها وتخجل من اللي تسويه وقلت لها اني خطيبة الشخص اللي هي دازة له المسج .....


قولوا لي آرائكم هل اكلمه في هاي الموضوع سواء الحين او بعد ما يخلص فترة التدريب ولا اتغاضى واسكت... خصوصا انا واثقة منه حييييييييييييل يعني ما كنت اتوقع اني اشوف هاي الشي منه.