زوجي يعايرني بفرق العمر الي بيني وبينه

مرحبا خواتي كيف حالكم وكيف رمضان معكم ان شاء الله اموركم تمام انا بدي اليوم احكي عن مشكلة اختي ادخل بالموضوع اختي متزوجة من 5 سنين تزوجت وكان عمرها 33 وتعرفت على زوجها قبل الزواج وشافها وحبها حب كبير الله بعلم فيه وهي كمان حبته والمشكلة هي ما كانت مقتنعة فيه من ناحية فرق السن الي بينها وبينه بس الحب خلاها توافق بدون تفكير حبته كثير وهو كمان حبها بعد الزواج صارت مشاكل كثير بينها وبين اهله بحكم انها ساكنة قريب من بيت اهل زوجها وطبعا كان هو يوقف مع اهله انصدمت فيه كثير بعد سنتين من الزواج رحلت من عندهم على ديرة بعيدة شوي عنهم المشاكل الي بينها وبين اهل زوجها الظاهر انو زوجها اتاثر من كلام اهله وتغير من ناحية اختي كثير بطل يدافع عنها او يحترمها مثل زمان المهم ادخل في المشكلة الاساسية الي بينهم اختي بتقول انو كل ما تصير بينهم مشكلة بعايرها بفارق السن الي بينهم يعني بحكيلها انتي صرتي ختيارة ما بتلزميني يعني من هالكلام الي يجرح اختي عندها 3 اطفال وعمرها الحين 39 وهو عمره 33 صدقوني هي مش مقصرة معاه بس المشكلة فيه هو يعني كل واحد بصير بينه وبين زوجته مشاكل بس ما بتوصل انو يجرحها واحنا النسوان نقطة ضعفنا في عمرنا الله يخليكم شو الحل معاه وعلى فكرة هو صار حاكيلها هاي الكلمة اكثر من مرة وهي كمان ما بتحكي معاه يعني مخاصماه بتحكيلي ما بتقدر تحكي معاه لانه جرحها والمشكلة احنا برمضان يعني هي مش حابة يكون هيك الوضع بينها وبين زوجها وهو كما ما حاول يراضيها او يحس انو هو غلطان. شو العمل وشو الحل الله يخليكم هي متحطمة كثير ومش عارفه تتصرف معاه هي مفكرة انها ترسله مسج يحس بالغلط الي سواه معاها وهي حكتلي انو قبل ما يحكي هايه الكلمة كان في بينهم مشاكل عادية مثل اي مشكله بس هي انصدمت لما حكالها انتي كبيرة ما بتلزميني.