المسقعة .... بالخطوات المصورة ...

طريقة هذي المسقعة شوي غير عن الطريقة التقليديه وطعمها لذيذ ...والطريقة هي للاخت كريكره من منتدى ثاني ...
الطريقة والمقادير راح اكتبهم مع بعض اوكي .. والكميه على حسب رغبتكم ...

1- راح نحتاج باذنجان ... قطعوه شرائح دائريه وحمروهم في شويه زيت .. واتركوهم على جنب..
2- في جدر على النار احمسوا اللحم المفروم بدوان اي اضافات إلى ان يبدأ ينشف..
3- ضيفوا فوق اللحم بصل وثوم مفرومين وقلبوا الخليط..
4- ضيفوا بعد فلفل بارد مقطع مكعبات صغيره اي لون اتحبونه .. انا ضفت فلفل بارد اخضر لانه يعطي نكهة وريحه حلوه.. وبعد التقليب ضيفوا البهارات التالية (فلفل اسود..بابريكا..زعتر او روزماري او اوريجانو كتبتلكم بكل اللغات ..قليل من البزار المشكل..مزيج المعكرونه..كزبره ناشفة..كركم) وقلبوهم وضيفوا الكزبره المفرومه والشبت..
5-في الخلاط اخلطي 4 طماطم +مكعب ماجي + فنجان زيت زيتون.. وبعد ما تخلطونهم في الخلاط ضيفوهم على خلطة اللحم وقلبوهم..
6- واخر خطوة ضيفوا حمص مطبوخ وجاهز او ممكن معلب .. (هذي الخطوة اختياري)..


7-الحين في صينية بايركس نصف الباذجان ونحط فوقها خلطة اللحم..
8- في الخلاط نخلط 3 ملاعق جبن كاسات اي نوع(انا استخدمت كرافت) +علبة قشطة+نص كوب ماي بس لا اتكثرون من الماي .. لازم الخلطه اتكون سميكه شوي مو سائله..
9- نصب الخلطه البيضاء على اللحم ونرش على الوجه جبن بارمزان وجبن موزاريلا..
10- ندخلها الفرن غلى ان تحمر فقط ... عاد غضوا البصر في الصورة الاخيره ... نسيت البايركس في الفرن ورحت افطر .. بدال ما احمرها حرقتها من فوق هههههههههه


التقديم:
-المسقعة تقدرون تاكلونها بالخبز وممكن مع العيش الابيض أو المعكرونه البيضاء مثل ما انا سويت ..