هذا اول موضوع لي الصراحه
اول شي المقدمه انا مو متزوجه لي الحين بس قريب ان شاء الله بتزوج و انا رومانسيه لاقصى درجه و قاعده اشوف افكار و حركات
عاد ما شاء الله علييييييييييييييييييكم مو مقصرين بالمره
بس انا حبيت اطرح فكره غير وان شاء الله تعجبكم و اذا تزوجت و طبقتها بعرضها بالصور لعيونكم :)
المهم
طبعا انا فكرت بهالحركه و اهيا من تفكيري واحس انها بتطلع واااااااااااااايد روعة
طبعا ما اوصييييييييييكم اللي تنقل الموضوع رجاااااااااء تقول انه منقول من منتدى عروس و مني
الحييييييين طولت عليكم بالقرقه اقولكم الفكره من العنوان
ليله عروس البحر
يعني كلكم عارفين فكره عروس البحر و شلون انها فكره حلوة و خياليه و الريايل منبهرين فيها
اكيد كل رجل بيفرح لمه يشوف مرته صايره عروس البحر و انه اهوا يعني اللي صادها بشبكه الزواج الحلال طبعا بيفرح
فيعني اول شي
انج تسوين ديكور غرفه النوم بحري
تقدرين تجيبين شبك و ترشيينه بصبغ رش ذهبي او فضي و تحطينه فوق البرده او تحطينهم مثل اشراشف على السرير او عالطاوله يصير مفرش و ممكن تسوين شيين من هالاشياء يعني عشاء تسوين جو بحري صج
و تحطين اصداف
وفي وايد شموع منها اللي فيه صدف مذوب فيه و في اللي على شكل صدف و تصفينهم بطريقه اللي تعجبج و ممكن بعد تييبين حوض زجاج و تحطين فيه اصداف
و تحطين معاهم ماي و شمعه اللي تطفو عالماي و تحطين منهم على طاله تحطينها بزاوه بالغرفه تكون صغيره او اذا غرفتكم صغيره يم السرير على الطاوله اللي تكون على جنب السرير
و في ستاره الصدف ممكن انتي تسوينها اذا تبين تشترين صدف وايد و تجيبين خيوط بيض سميكه و عصايه خشب خفيفه حتى ممكن تستخدمين عصايه المكنسه و تربطين الصدف تشكينهم بالخيوط و تعلقينهم بالعصايه و تصير عندج احلا ستاره و تقدرين تضيفين كريستال و اشياء تلمع تحليها اكثر و تعلقينها على الطوفه اللي جنبها طاوله الاكل او الديكور
اهوا كل شي يعتمد عليج انتي و ذوقج هذي بعض الافكار و تقدرين ترتبينهم مثل ما تبين
انتي و شطارتج و ترتيبج و فنج
ملاحظة ممكن تسجلين اصوات امواج البحر و تخلينها مع موسيقى هاديه و تشغلينهم بس تسوي جو رومانسي اكثر
واذا تقدرين تشترين مصابيح على اصداف و في منهم بايكيا
ثاني شي
الاكل
تخلين الطاوله مزينه بالاصداف و الشموع و شي حلو لو عندج صحون و اصباق على اشكال اصداف
و تكون راقيه
و تنثرين الكريستالات و الصخور الصغيره اللي مثل الكريستالات باللون الازرق والاخضر و الوان البحر السلفر
و تخلين العشى ييكون ماكولات بحريه
ربيان
ممكن تسوين اشياء صغيره و خفيفه مثل المقبلات احلا و عشان ما يكون الشي يحتاج الا تعب مثل السمج يكون فيليه
او تسوين طبق فيه توست الصغير الملفوف بطريقه حلوه و فيه سمك او سلمون او تونا بالصلصه
و تحطين انواع بيان او تسوين الربيان بكذا طريقه شي و تحطينه مثل الافلام كوكتيل الربيان يطلع روووووووووعه
و اذا كان اشياء صغيره الحجم ممكن توكلين زوجج و ماتحطين شووك و سكاكين
انا امي تسوي مثل شيش طاووق بس يكون سمك شي روعه بس ماعرف طريقته للاسف يكون خفيف و مافيه شوك طبعا بالمره و حتى ريحه الزفر مافيه
يعني هذي اشياء ممكن تسوينها غير السلطات و تحطين الحلو ممكن تطلبين الكيكه على شكل محاره
وفيها صورته
و عصير لونه ازررق راح يكوون شي روعه يعني في عصير التوت و العصايرر مثل المطاعم اللي لونها ازرق مو تحطوووووووون حبر على بو بتسونه ازرق هههههههه
اضحك معاكم
الحين الشي الثالث
انتي و طريقه لبسك و مكياجك
لازم يكون شي سحري او خيالي غير عن التقليدي بس مو بطريقه بشعه
يعني ممكن تحطين مكياج اسود و ازرق وفضي للعين و حمره ورديه فاتحه او لون مشمشي او احمر
و تحطين القلتر اذا انتي تبين يكون الشي غريب و حلو بنفس الوقت يعني تغيير بس حاولي تخلينه مايكون ملخبط لانه راح ينعكس مفعوله و يصير مو حلو كثر ما تقدرين حاولي تقربين عالالوان و الطريقه اللي تناسبج انتي
شعرج ممكن تسوينه ويفي مثل
ممكن تسوينه بالفوم اذا تعرفين او الصالون
و تحطين شباصه او الماشه اللي تكون فيها سترس على نجمه او اللي تبينه على جنب ترفعين جنب واحد
رابع شي اللبس
و يعني لو تقدرين تلبسين فستان حلو ازرق سماوي او قميص نوم حلو ازرق سماوي و ييكون فيه كستالات و كانه عروس بحر لفتره العشى بس
بعد العشى
ممكن تطلبين من زوجك ينتظر بالغرفه
و تروحين الحمام و انتو بكرامه و تكونين مجهزته و حاطه فيه الشموع الحلوه ذات الرائحه الزكيه
و تحطين بالبانيو اصداف او قواقع
و المعطرات وتكووووووووونين مجهزه المفاجاة
لبس عروس البحر
اللبس ...
تلبسين مثل الحووووووووريه في ستيان اللي يكون على صدف
زوجج راح يجن عالفكره
يكون مثل صدفتين كبار يعني مثل الحوريه اللي نعرفها مالت الكارتون
اذا ما لقيتي اخذي ستيان قديم او بكيني ماتستخدمينه وايد و لزقي عليه اصداف رشيهم باللون الفضي و الذهبي و لزقيهم بالمسدس الصمغ عدل
و نفس الشي للقطعه التحتيه وممكن تستخدمين شرايط حلوة فضيه و تربطينهم على جانبي القطعه التحتيه بشكل ناعم و حلو
و تكونين حاطه الكريم اللي فيه قلتر على جسمج
فاول ماتدشين الحمام تلببسين المايو و تقعدين على حافه البانيو و تحطين ريولج داخل
الماي
و تنادين زوجج و يدخل و يشوف عروس البحر زوجته الحلوة
و طبعا يعني ... يصير الحلال اللي يقرب الزوجين من بعض و يزيد الموده بينهم :)
طبعا هذا من غير اختصاااار ههههههه
فكرتي و كل اللي اقترحته انا مفكره فيه و افكار من عقلي يعني وبعدين قمت ادور الصور اللي تناسب كل فكره :)
واتمنى انه الفكره تعجبكم :)
و يعطيييييييييكم العافيه عالقراءة و ابي الردووووووووووووووووووووود الحلوة منكم و المو حلوة :):flower:
و اسفه عالاطاله
ملاحظة: انا تعمدت مايبت طاري هديه
لانه مو الا تشتري الزوجه هديه بكل مره تبي تفاجئ زوجها بيوم رومانسي
لانها مع الوقت ممكن تمل من شراء الهدايا و تتحول الفكره لانها لازم تشتري هديه لزوجها كل بدال ما تركز جهدها على الرومانسيه و انا ماعتقد انه الزوج ماراح يعتبر كل اللي بتسوينه هديه يعني ممكن تضيفين هديه اذا حبيتي لكن انتي صيري الهديه :) بدل ما تشترين وحده .. طبعا مرة و مره اشتري هديه حلوة و زوجج يستاهل طبعا
*فيفو*
:21_207::9_28::21_149:
