كعكه طيبه وخفيفه....جربوا ما بتخسروا

:9_33:هاي صبايا بدي اكتبلكو وصفة كعكه كتيييير مشهوره عندنا ... بديش اطول عليكو بدي ابدى اسا مش راح اطول عليكو.
المقادير:
1.بسكوت مربع
2.حليب/عصير.
3.قشطه(زبادي زي ما بتحكوها بالسعوديه) من3-4 علب صغيره
4. 6-5 ملاعق سكر
5.jelly (ما بعرف شو بتحكولها بالسعودي بس يمكن دريم ويب هيك اشي المهم اكيد فهمتوها بال eng)
الطريقه:
1. اولا بنخلط الزبادي مع السكر وبنحرك منيح عشان يذوب السكر وبنحطا بالبراد.
2.بنجيب صينيه مربعة ونصير نبلل البسكوت بالحليب او العصير بس شرط يضلو مربع زي ما هو وبنرتبو على الصينيه
3.بعد ما نكون رتبنا البسكوت الطري على الصينيه (شرط تكون مربعه والها اطراف عشان ما تطلع الخلطه لبره) بنجيب الخلطه اللي حضرناها وبندهنها على البسكوت بس كل ما كانت اخمل كل ما كانت الذ.
4.بعدين بنرد كمان مره نبل البسكوت وبنرتبو فوق الخلطه.
(يعني بصير عنا طبقة بسكوت , خلطه , بسكوت)
5.بعدين بنجهز ال jelly كل واحد حسب النوع اللي عنده وبنصبو فوق الصينيه اللي فيها البسكوت.
بنحطا بالبراد عشان تثلج.
اسا لما بدك تقدميا بتقصي الكعكه حسب البسكوته المربعه(يعني كل قطعه عباره عن بسكوته)
وهيك بتصيري تعرفي تعملي كعكة الجلي ............ بدي اشوف تعليقات منيحه هه. يا رب تكون عجبتكو