معاناتي مع زوجي
l
22-09-2007 | 06:05 AM
السلام عليكم :salam:قصتي اني متزوجه صارلي 3 سنين متزوجه مرت السنه الأولى مافي أحلى منها واحلى ذكرياتي فيها بس بعدها بدت معاناتي مع زوجي في خيانته لي مع بنات ابليس كنت اشوف مسجات غراميه ارقام غريبه واتصل القى بنات يردون علي ويعرفونه وكل مره يحلف لي انه مايكررها ويرجع صرت ماأثق فيه خير شر وماأصدقه حتى لو يحلف بس انا صرت شكاكه بشكل جنوني وعصبية المزاج ومالي خلق اي شي حتى في نفسي مب واثقه ترى ما خليت طريقه ماأستخدمتها معاه بالطيب بالهواش حتى بغينا نوصل للطلاق دخلت اهلي واهله بس مافي فايده فيه بس اللي ذابحنني ومخليني احاطه حصاه في حلجي وبالعتها عيالي بس الحين سألته قالي انه صارله 6شهور مايكلم احد خاطري اصدقه وارتاح من الدوامه اللي عايشه فيها وخايفه انصدم كالعاده والله اني مجروحه وخاطري مكسور وماأعرف متى راح تنتهي معاناتي ولا معاناتي هي اللي بتنهي علي ولكم ألف تحيه
ا
22-09-2007 | 08:08 AM
هات فييج اختي
ممممممم الصراحه قلبي عورني سوم قريت مشكلتج
بس فهميني مافكرتي تقعدين معاه تسئلينه هو ليش جي يسوي ؟؟ انتي في شنو مقصره ؟؟ قولي له انت ماشبعت من هالحركات ليش تعرس وتبلش بنات الناس .............
المهم انت عليج بربج مسكي ربج وادعي في صلاتج ان الله يرده لج ...ترا الدعاء يرد القضاء .... ووايد من الشباب اول زواجهم مايحسون بالمسئوليه ويبون يسون هالشي عشان ما يحسون انهم مربوطين بحد
انزين هو قال ان تغيير ......... انتي شتحسين منه ...
طمنيني علييج
ممممممم الصراحه قلبي عورني سوم قريت مشكلتج
بس فهميني مافكرتي تقعدين معاه تسئلينه هو ليش جي يسوي ؟؟ انتي في شنو مقصره ؟؟ قولي له انت ماشبعت من هالحركات ليش تعرس وتبلش بنات الناس .............
المهم انت عليج بربج مسكي ربج وادعي في صلاتج ان الله يرده لج ...ترا الدعاء يرد القضاء .... ووايد من الشباب اول زواجهم مايحسون بالمسئوليه ويبون يسون هالشي عشان ما يحسون انهم مربوطين بحد
انزين هو قال ان تغيير ......... انتي شتحسين منه ...
طمنيني علييج
s
23-09-2007 | 12:21 AM
الله يعينك يارب اصعب شي الخيانه صلي وادعي وربنا يرجعكم مثل قبل واحسن
د
23-09-2007 | 04:14 PM
الله يبعد الشيطان عنكم ويهديكم
ن
23-09-2007 | 04:26 PM
بسم الله الرحمن الرحيم
الله يكون في عونك دائماً المشكلة العيال الواحد لازم يتحمل علشان العيال
الله يصبرك يا الغالية
وقلبي معك والمشكلة إذا الشخص ما يخاف من الله اكيد ما راح اخاف من أحد
الله يكون في عونك دائماً المشكلة العيال الواحد لازم يتحمل علشان العيال
الله يصبرك يا الغالية
وقلبي معك والمشكلة إذا الشخص ما يخاف من الله اكيد ما راح اخاف من أحد
آ
23-09-2007 | 08:01 PM
الله يصبرج عليه ويكون في عونج غناتي
ب
23-09-2007 | 08:13 PM
الله يكون بعونج حبيبتي
اعتقد ان اصعب شي لما يدخل الشك بين الطرفين ....
طبعا اسلوب الهواش عمره مايجيب نتيجه في هالمواضيع فلو كنتي جربتيه من قبل لاتجربينه مره ثانيه
كثري من قعداتج معاه وحاولي تبينينله انج تبين تفتحين صفحه جديده وانج تبين تعرفين انتي في شنو قصرتي معاه وشنهي الاسباب الي خلته يكلم ؟؟
ادري بتقولين انا ماقصرت بس الرجل له نظره تختلف عن نظرة المره ... ممكن المتزوجه تقول سويت وسويت وماقصرت بس هو ممكن السبب الي خلاه يكلم سبب تافه انتي ماحسيتي فيه ...
لازم تعرفين السبب
وحاليا تبعدين عنج الشك والوسواس لانه صدقيني بيدمر حياتج ومشاعرج ناحيته بتقل مع الايام
الله يوفقج ياقلبي ويهدي سركم الله امين
طبعا ماوصيج احنا برمضان لاتطوفين قيام الليل لوبس ركعتين تدعين فيها ربج انه يهديه ويبعد عنه بنات الحرام
:)
بنت الغالي
اعتقد ان اصعب شي لما يدخل الشك بين الطرفين ....
طبعا اسلوب الهواش عمره مايجيب نتيجه في هالمواضيع فلو كنتي جربتيه من قبل لاتجربينه مره ثانيه
كثري من قعداتج معاه وحاولي تبينينله انج تبين تفتحين صفحه جديده وانج تبين تعرفين انتي في شنو قصرتي معاه وشنهي الاسباب الي خلته يكلم ؟؟
ادري بتقولين انا ماقصرت بس الرجل له نظره تختلف عن نظرة المره ... ممكن المتزوجه تقول سويت وسويت وماقصرت بس هو ممكن السبب الي خلاه يكلم سبب تافه انتي ماحسيتي فيه ...
لازم تعرفين السبب
وحاليا تبعدين عنج الشك والوسواس لانه صدقيني بيدمر حياتج ومشاعرج ناحيته بتقل مع الايام
الله يوفقج ياقلبي ويهدي سركم الله امين
طبعا ماوصيج احنا برمضان لاتطوفين قيام الليل لوبس ركعتين تدعين فيها ربج انه يهديه ويبعد عنه بنات الحرام
:)
بنت الغالي
&
23-09-2007 | 08:17 PM
الله يساعدج حبيبتي لازم هو يشوف حالة ويعالج نفسة من هالشي ويعرف انة غلطان والله يعينج
l
24-09-2007 | 04:37 AM
مشكورين خواتي على مشاعركم صدقوني اني جربت الطيبه لين عجزت وأنا من النوع اللي ما أحب ادخل أحد في حياتي بس صدقوني مادخلت أهلي وماكتبت معاناتي هذي إلا بعد ماحسيت اني بنفجر من القهر وبعد مستعده اتحمل واصبر لين الله يفرجها علي ويهديه لي ولعياله وعلى فكره اكيد اني سألته عن سبب خيانته لي ولكن رده يكون انه الشيطان لعب عليه وانه ربع يوزونه ويشجعونه على المعاكسات وبعد سألته إذا انا امقصره بحقه كان يقولي ماشفت منج قصور بس الشيطان والربع آسفه اني خذت من وقتكم وماقصرتوا على نصايحكم لي بس مثل ماقالت اختي نورالهدى المشكله العيال وانا علشان عيالي مستعده اسوي اي شي علشانهم وهم اللي راسمين البسمه بوجهي ويعطوني امل بس مااقول إلا الله يجازي اللي كان السبب في معاناتي واخيرا مالي إلا الدعاء والصبر
P
24-09-2007 | 06:10 AM
الله يعينك يارب اصعب شي الخيانه صلي وادعي وربنا يرجعكم مثل قبل واحسن
ع
24-09-2007 | 06:52 AM
مو هاذي المشكه الربع
مو يقولون الصاحب سااااحب
الله يبعد عن احبابنا كل شخص فيه منكر
حبيبتي انتي ادعي ليه بالهدايه
وشوفي خليه يترك ربعه
وان شاءالله بيرجع مثل اول واحسن
مو يقولون الصاحب سااااحب
الله يبعد عن احبابنا كل شخص فيه منكر
حبيبتي انتي ادعي ليه بالهدايه
وشوفي خليه يترك ربعه
وان شاءالله بيرجع مثل اول واحسن
B
24-09-2007 | 07:28 AM
السلام عليكم اختي..
البنات ماشاء الله عليهن كفن ووفن ..بس اقول أن الحين كل الزوجات تقريبآ يتعرضن للخيانه ..والسبب التفتح والقنوات الفضائيه اللى الريايل حاطين عيونهم فيها اربع وعشرين ساعه..الله يكون فى عونكن..
انصحج اختي تسمعين الكلام اللي يقوله الاستاذ الخليفي لأن كلامه رائع ويخلي الوحده تثق فى نفسها وتكرس حياته لها ولعيالها..وشكرآ
البنات ماشاء الله عليهن كفن ووفن ..بس اقول أن الحين كل الزوجات تقريبآ يتعرضن للخيانه ..والسبب التفتح والقنوات الفضائيه اللى الريايل حاطين عيونهم فيها اربع وعشرين ساعه..الله يكون فى عونكن..
انصحج اختي تسمعين الكلام اللي يقوله الاستاذ الخليفي لأن كلامه رائع ويخلي الوحده تثق فى نفسها وتكرس حياته لها ولعيالها..وشكرآ
ه
24-09-2007 | 08:09 AM
مااقدر اقول الا الله يعينك ويبصرك
ويبعد عنه بنات ابليس
وتكوني نور عيونه
ويبعد عنه بنات ابليس
وتكوني نور عيونه