زوجـــي وأمـــه جننونـــي

صرااااااااااااااحه حبيبتي الله يعينج تدرين شنو الحل الوحييييييد والله العظيم راح يفكج

والله


الدعااااء
كله ادعي واستغفري وتحملي ان الله مع الصابرين
والله راح ترتاحين بعدين الله يعينج يالغاليه والله قلبي معاااااااااااج


خبرينا غنج بعدين

والله ياأختي ماأخبي عليكي أنا كنت مثلك والله لماكنت حامل ببنتي قلت شكلي خلا ص أبي أسقط من القهر والكلام اللي يروح ويجي كنت أبكي كثير وأفكر بالكلام وأدقق فيه ليش قالت كذا وش تقصد وأنا غبيه لو رديت عليها بس وأقعد أحلل وأستنتج والنتايج
هي كاالتالي\\
1-هبوط و إرتفاع ضغط الدم .:mad2:
2- تدهور الحاله النفسيه والوصول لمرحلت الإكتئاب .
3- تساقط الشعر وظهور الشيب قبل أوانه.
4.الشيخوخه المبكره.
5 شحوب الوجه وإصفراره.:eek:
6- نقصان الوزن والوصول لمرحلت الهزال .:naughty:
7 -قلت وصعوبت النوم:21_164:
8-.ضيق وصعوبه في التنفس
9-- البكاء الشديد:cry:
10-التفكير في الانتحار أو الطلاق .:sa36:

وأخيرا وليس بآخر -الموت والذهاب للمقبره إنا لله وإنا إليه راجعون .:eeksign:

وتخرجين من المعركه منهزمه تجري ورائك أذيال خيبت الامل من زوجك ومن أمه .
وللمعلوميه أمه ووزوجك مثل البارد على قلبه ماعندهم مشكله .
ماحد خسران إلا إنتي ليش تهممين ليش تفكرين لدرجت الجنون قسم باالله إنك غلطانه وماتعرفين كيف تتصرفين .
تدرين وش سويت طنشت وصرت مثل البليده ماعندي إحساس يعني مش في كل لامور بحياتي صرت أسمع من هنا ويطلع من هنا.
يابنت عيشي حياتك ومعليكي منهم في طفل راح يكون بين أحظانك خليه هو شمعت حياتك ولا يكون تفكيرك وأهتمامك غير بالزعنطوط النون .
وليكن شعرنا نحن النسوه[ طنش تعش تنتعش] :21_11:

ربنا يوفقك ويسهل ولادتك يارب .

الدعااااء
كله ادعي واستغفري وتحملي ان الله مع الصابرين

سرديفي

مشكوره حبيبتي الله يجزاك الجنه

&إحساس وجداني&
ياحبي لك وشلون أطنش المشكله أن طبيعتي حاره ماأقدر أطنش ولا أقدر أرد أكتم وأسكت
ضغطي بيرتفح والأخ مو حاس
وأمه تدخلها بحياتي مو طبيعي تعبت منها
مشكوره الله يجزاك خير

prof_nona21
مشكوره قلبي والله يسعدك إن شاء الله

طيب نــاقشيــه بالموضوع

قولي له مايصير كل شي تقوله لأهلكـ

يعني انت ترضى اقول حق اهلي كل شي

وأمــه بس قولي لها حاضر وان شاءالله ومن عيوني

وطــنشــي

وطنشــي وبتشوفيهنها بتستحي من نفسها

والله يوفقكـ

اول شي مبروك عليج الحمل والله يتمم عليج بالخير
كلنا مرينا مثل ما انتي مريتي فيه
ومرحلة وتعدي ان شاءالله مع الوقت
زوجج انتي
قعدي معاه
اقرأوا مع بعض كتب خاصة بالحمل وبمراحل الحمل
والتقلبات التي تعاني منها المرأة فتحوا الكمبيوتر فيه مواضيع كثيره مشابهه لمواضيج
خصوصا في منتديات طبيه خاصة بالحمل
وراح يشوف بنفسه اعراضج متكرره مع الجميع
وقوليله انا تعبان اتوحم فهمي ماهو الوحم ومدته بسيطه على الاقل ال4 الاشهر الاولى

وقوليله ان البيت له اسراره بس باسلوب حلو
حبيبي حياتي انا ما احب احد يعرف شنو يدور بيني وبينك
انا لك انت بروحك انا زوجتك انت
لا تقولين له امك قالت وامك افعلت
صبري مع الوقت كل شي يتعدل
وادعي ربج ان الله يسخر لك زوجك ويهدي لج ويحببه فيج ويحببج فيه

واستحملي كلام امه على انها تنصحج وتوصيج بالشي الزين
اهي ماقالت جذي الا تحبج وتبيج تطلعين جدام الناس باحسن صوره تتباهى فيها امام الجميع هذي زوجة ولدي
ميخالف تحملي

اذا دقت وقالت كيت وكيت قولي لها انشاءالله راح تشوفين اللي يسرج
صج انه ذوقج ولبسج بس عطيها اللي تبيه بكلام الحلو

والله يكون بعونج حتى اهيا ادعي لها ان الله يهديها لج


دمتم سالمين
اختكم شريفة

عنفوان أنثى
الله يسعدك يارب ويجزاك خير على الرد


شريفه
جزاك الله الجنه
على كل حرف كتبته
مشكوره حبيبتي
ولاتنسيني من دعواتك





مشكورات حبيباتي ردودكم خففت عني
الله يسعدكم وييسر أموركم وجزاكم كل خير

أختكم مذهله

الله يعينك حبيبتي
والله وضعك صعب

عليك بالدعاء وان شاء الله مفرج همك ياارب

الله يعينك اختى بس اكثري من الدعاء و ان شاء الله ربنا يساعدك

الله يعينج قصتج نفس قصتى
اقرى قصتى وخل انشوفلنا حل وشكراً

السلام عليكم ورحمه الله وبركاته

اول شي الله يسهل امورج لآن معاناتي مع امي زوجي انحلت بطريقه واحده هي التطنيش
فعلا قصه حياتي مثل حياتك بالنسبه لام زوجي ويمكن اكثر كان حتى في امورنا الجنسيه كانت تتدخل وتتسأل ...

بس مثل ما قلتي كنت اطنش وخففت رجلي لبيتهم مع اني ساكنه معاهم وحاولت اقلل كلامي معاهم واقوم بالواجب بس .. اما بالنسبه لزوجك الله يعينك عليه صاير مشخال ما يخلي شي الا وقاله لها .. واذا هو مب مقدر الحياه الزوجيه والنفور الي يصيد الزوجه في فتره الحمل ... ليش يتزوج

الزواج الحين يبي له تقدير ومسؤوليه .. مو بس زواج فراش وبس ..

اقول بس الله يصلح ززوجك ويقومك بالسلامه ... وعيشي جوك مع البيبي وخلي الكل ورا ظهرك

تحياتي

الله يعينج الصراحه .. بس لو أنا منج بفهمه ان اللي يدور بينا يخصنا نحن بس .. ماله داعي تخبر امك ...

واذا ما فهمها بالطيب بيفهمها بالغصب .. والله انهم ها الريايل ساعات عليهم تصنيفات تلوع بالجبد ... مره ربيعتي تخبرني عن وحده .. يوم كانت ترففض تنام مع زوجها لسبب ما . يربع يخبر امه .. والأم عاد تستلمها .. حتى لو حد يالس بالصاله ...

اللهم اني اسألك العفو والعافيه .. انا لو منج بتميرض وبقوله بسير عن اهلي لأن ابا حد يراعيني واننا مريضه وما اقدر اخاف ع البيبي ... وخلصي وحامج هناك وافتكي من صدعة الراس .. وخلي اهلج يرمسونه اذا ما طاع ..

طنش تعش تنتعششششششششششششششش
والله جربي وراح تنجحي باءذن الله

عنفوان أنثى;4410377:
طيب نــاقشيــه بالموضوع

قولي له مايصير كل شي تقوله لأهلكـ

يعني انت ترضى اقول حق اهلي كل شي

وأمــه بس قولي لها حاضر وان شاءالله ومن عيوني

وطــنشــي

وطنشــي وبتشوفيهنها بتستحي من نفسها

والله يوفقكـ