تسمين الوجه لقينا الحل

عزيزتي..كادي..الصراحه والله ماعندي خلفية..بس اكيد مامنها ضرر لانهــا زيوت امــا نفعتك ولا ماضرتــكـ:):):)

وان شاء الله خواتي يفودونكـ:)

ماعندي معلومة

والله اختي انا اللي سمن وجهي
وطلع لي شوي خدود
الحلبة مع الخميرة
روعة وقسم بالله نتيجة رهيبة سويتها قبل زواج بنت عمي ب 4 ايام
ماشاء طلعت خدود
تجنن
طبعا مو كبيرة مرة
بس حلوة
وعن هذي الحاجات سمعت بس ماجربتها
انشا الله البنات يفيدوكي

تسلمون ع الردود طيب اختي اميره بطبعي كيف طريقة الحلبه والخميره

مرحبا اختي الله يعطيك العافيه
اريد طريقة الحلبة والخميرة
مع الف سلامه

عزيزتي جربت زيت النعناع و تحسس منه وجهي و طلعت فيه حبوب صغيره حمراء

فنصيحه للي مصره تجربه انها تجرب على مكان صغير غير ظاهر على الاقل حتى تتأكد انه

ما يسبب لها حساسيه..

الله يوفقكم و يزيدكم حلا جميعا يا رب

انشا الله البنات يفيدونا ونستفيد كلنا وانا كمان اريد طريقة الحلبة وسلامى للجميع

مشكوره بس شنو بودرة جيفرال ومن وين

هلا حبوبة

:)

والله ما سمعت عن طريقة الزيوت هذي!!!

بس أنا بعد جربت الخميرة ويا الحلبة وبالفعل

حسيت خدودي انتفخت

وتوني بديت الدراسة والبنات يقولون لي وجهك متن يا فيء بسك أكل ما تشبعين ههههههههه

مع اني وزني نفسه ما تغير .. ووقتها تأكدت اني بالفعل خدودي انتفخت

وللعلم انا عندي خدود شوي من قبل ما أسوي الحلبة والخميرة

والطريــــــــــــقة

تغلين شوية حلبة في كمية ماي ( يعني مثلا ملعقة حلبة + كوب ماي)

بعدين تصفين الحلبة من الماي

وتخلطين كمية من مغلي الحلبة ويا ملعقة خميرة

وتحطينهم على خدودك لحد ما يجف وتغسلين وجهك

بتلاحظين حتى خدودك موووردة وشكلها يجنن

أنا أحط الباقي من ماي الحلبة بالثلاجة .. علشان ما أضطر أغلي كل يوم


وان شاء الله تستفيدون


ملاحظة: أنا لاحظت الفرق بعد أسبوع تدرون شلون؟؟؟؟؟

أنا عندي غمازة بخدي الأيمن وماتبين إلا لما أمتن وخدودي تمتلي .. والحين صارت وااااضحة بعد هالوصفة مع اني ما متنت في جسمي و لا شي ...

^.^

حبيبتي فئ شكرا على المعلومات

بس انا عندي حلبه مطحونه ينفع و لا لازم حب؟

و هل الحلبه تخرب اذا لها اكثر من سنه في الدولاب في علبه؟

و الشي الثاني عيوني انتي كنتي تحطينها على كل الوجه و لا بس الخدود؟

و ما لها ريحه بعد الغسل ؟؟

مشكوووووووووووووره عيوني و الله يجزاك خير و يتقبل منك صيام رمضان

و يغفر لك و للمسلمين اجمعين

العفو حبيبتي أم القوقو ماسويت شي

تامرين أمر

^_^

عادي يا قلبي مطحونة أو حب .. أنا اللي عندي حب

وبعدين ماأظن الحلبة تخرب إلا اذا جاها الدود ... أنا اللي عندي من أيام جدي خخخخخخخخ وماصادها شي عادي!!

وحطيها على الخدود بسسسس يكفي إلا اذا تبين تنفخين جبهتك وخشمك وذقنك خخخخخخ <<<< أمزح حبوبة

الصراحة هي لها ريحة خفيفة بس تروح خلال اليوم ان شاء الله .. جربي تدهنين ماي ورد بعد الماسك

ألف شكر يا قلبي على الدعوة الصاااادقة ولك مثلها يارب

:)

يووه كتبت رد مدري وين راح :(




وهـــ يا فئ موتيني ضحك خخخ و الله غصب ضحكت يوم قريت ردك

لا ما يحتاج احط على كل الوجه اخاف يورم هههههه

و انا ان شاء الله بحاول استخدم المطحونه اللي عندي

اما على الريحه فعندي فكره >>>جونااااان

و هي انه بعد غسل الماسك احط سكرب روعه طحت عليه بالصدفه

احلى ما فيه ان ريحته تجنن و تعلق حتى صرت احيانا اكتفي بريحته بعد الشاور

ما يحتاج بدي سبراي

و حتى مره طلعت من الشاور الا خواتي فروا روسهم ورا الريحه و انا امشي هع هع

الخلاصه هاذي فكرتي و اكيد كل وحده عندها شي تفضله

و يعطيك العافيه فوفو على الرد

الله يزيدك حلا على طول و يحميك من عيون الحساد

ما شاء الله تبارك الرحمن

^
^
^
خخخخخخخ عساها دوم الضحكة

^.^

يسلموووو حبيبتي وان شاء الله تستفيدين بس أماااانة قوليلي النتيجة بعدين

:)

مرحبا فىء والله صادقه عن الحلبه والخميرة جربتها مره وحده بس غلطتي اني حطيتها على ويهي كله خبرج متخرعه مااعرف والله وكيلج خليتها لين تنشف اوتقريباَ عشرين دقيقه بس الله لايراويج ويهي كله احسه انتفخ بس الحمدلله ماحس زوجي لانه ويهي ضعيف (وحسيت خشمي اكل الجو ) في هالحظه:21_133: بس ماجربته مره ثانية عشان الريحه وماشاءالله ريلي من النوع خشمه خشمه يعني الاخت الثاني لوتقولي عن الماسك عشان احطه عقب عن الريحه تسوي خير لاني محتاجه خدود:9_33:

هلا يا قطريه

يا عمري هو مو ماسك هو سكرب يعني مقشر

اسمه

natural Herb's
Facial Cucumber Scrup

و بعدين مكتوب بالعربي

كريم سنفره بالخيار للجسم و البشرة

غطاه اخضر و رخيص سعره 16 ريال

انا عن نفسي شريته من صيدليه كنوز الدواء بالرياض حي الروضه

و للامانه ترا لسا ما بعد جربت خلطه الحلبه و الخميره

لكن انا مجربه السكرب على جسمي مثل ما قلت من قبل

لذلك ما ادري عنه هل راح يخفيها تماما و لا شسالفه خخخ

بس ان شاء الله :)

راح احاول احط صورته

و اللي عندها اي سكرب تحبه و ريحته حلوة و قويه ليش ما تجرب و

تقول لنا عن تجربتها

معليش يا بنات ما قدرت احط الصوره لان وصلة البلوتوث خربانه

بس ترا واضح اسم السكرب وهو علبته مثل علب السكربات الثانيه

و الغطاء اخضر غاامق و لونه ابيض على رمادي فيه حبيبات غامقه

و الله يوفقكم

مشكورو اختي والله يعافيك