|| حَلاَ لَذِيذْ - خّفِيفْ - سّهِلْ || مُصَورْ خَطْوَهْـ خَطْوَهْـ || حَ ـيَاكُمْ ||

:


السلام عليكم ورحمة الله وبركاته

كل عام وانتوا بخير ، والشهر علينا وعليكم مبارك انشالله =)
والله يتقبل منا صيامنا وطاعتنا يارب

اليوم عندي لكم حلا لذيذ وخفيف وسهل مرهـ
يعني اي وحدهـ حـ تسويه وهي تضحك بعد =)


يمكن بعضكم يعرفه او مار عليه من قبل
عاد انتوا اهل خبره واحنا يادوبنا نتعلم =)


انا سويت الخطوات كلها بالصور
وانشالله تحبونه (f)




|| المقادير ||


عجينة البف بستري [ انا استخدم الكرامه ]



دارسين



حليب مكثف محلى [ نستله ]






|| الطريقه ||

نطلع عجينة البف بستري برا الثلاجه عشان تلين شوي
بعدين ناخذ شريحه وحدهـ ونمسح عليها من حليب نستله



والحين نرش فوقها الدارسين على كامل الشريحه



نغطيها بشريحه ثانيه من عجيبنة البف بستري ونقطعها على شكل اصابع



ناخذ كل اصبع ونبرمه بالشكل هذا



بعدين نجيب صينية تيفال نمسح عليها [ نقطه ] زيت
ولا تكثرون الزيت لانها راح تخرب معكم
ونصف الاصابع في الصينيه بهالطريقه



نشغل الفرن من تحت وندخل الصينيه فيه ونخليها فيه مابين ربع
او ثلث ساعه ، لحد ماتصير شقرا تقريباً
بعدين نشغل الفرن من فوق وننتظر لين تتشقر من فوق




بعدين نصفها في صحن التقديم ونمرر عليها حليب نستله
وتتقدم بالهنا والعافيه

وهذا شكلها النهائي







انشالله يكون عجبكم الحلا (f)
أنتظر ارائكم وتعليقاتكم ..