يا بنات البحرين ساعدوني ..أروح لأي دكتورة ؟؟؟

السلام عليكم ورحمة الله وبركاته ،،،

أختي الغالية صاحبة المووضوع والله الصراحة مثل ما قالت وحده من الأخوات اللي ردوا أن كل وحده حسب تجربتها بتعطيج أسم دكتور أو دكتورة، وهالأيام زادوا الدكاتره في مجال العقم والانجاب وصارت الوحده تحتار وين تروح بس أنا من رايي الخبرة والسمعة لها دور في اختيار الدكتور أو الدكتورة المناسبين وفي النهاية كلها تساهيل رب العالمين سبحانه.

أنا عن نفسي جربت موزة في العسكري يعني ما عجبني علاجه والأسوأ من كل شي انها شالت لي مبيض من غير ما تقول لي كان عندي كيس على المبيض اليمين وسوت لي عملية قيصرية وقالت احتمال اشيل جزء من المبيض ولما رحت السعودية عشان اسوي اطفال انابيب اكتشفت ان ما عندي إلا مبيض واحد، صباح رحت من زمان كلش وما واصلت معاها ، منى الشرقي مثل ما قلتي بطيئة وذبحتني من الحبوب كلوميد دافستون حبوب هرمون الحليب مع اني يوم رحت لها كنت مسويه 3 مرات انابيب وقلت لها أن التبويض عندي ضعيف وايد يعني المفروض ما تعالجني بالحبوب ويعني هي كانت تجربة والحين انا عند الدكتور احمد بركات قبل ما اروح له كنت اسمع عته وايد على ايام ما كان في ابن النفيس الحين عنده مستشفى بروحه في العدلية وما شاء الله عليه شاطر سويت عنده اطفال انابيب بس ما صار وبارجع له مره ثانيه بعد ما تنزل علي الدورة هالشهر وباجرب والله كريم