تحمدوا لي بالسلامه انا تنومت وطلعت من المستشفى

السلام عليكم بنات


بس ابي دعواتكم لي الله يخليكم


انا حامل لي سبع اسابيع و خمسه ايام

من اسبوع تقريبا وانا ينزل علي نقط دم،، ودم بني (دم فاسد على قوله الدكتوره)

امس وقت بريك الغدا في العمل كلمت ريلي وقلت له بروح الطوارئ لانه نزل علي دم

وطبعا هذي ثاني زياره لي للطوارى الاولى كانت الخميس الماضي

شوي الا تجيني دكتوره النساء اللي في الطوارئ وكانت فلبينيه وتقولي (مدام ادمشن)
بالعربي تنويم قلت لها ليش ماليش

قالت بس نبي نخليك عندنا ونتابع حالتك لانه خطر ع البيبيات (حامل بتوأم)



تنومت والله لا يوريكم انواع الملل في المستشفى
صح ان مستشفى سعد عنايتهم ولا اروع بس ماني متعوده اني ما اتحرك

وصج انهم يهتمون بالمريض باللي يقدرون عليه.. بس بصراحه ما استحمل ما اتحرك

حتى روحه الحمام اللي يكرمكم ممنوع .. يجيبون لي قيصريه ع السرير واغسل ع السرير
وسويت الترا ساوند والبيبيات بخير الحمدلله وحجمهم كويس

جاني الاستشاري اليوم الصبح وقال لي حالتك مستقره وتحاليلك نتايجها اوكي
تبين تطلعين اليوم؟ مع ان احنا نفضل انك تقعدين لبكره

قلت له (نووو بليز اي وااااااانت تو قو هوووم)

قال لي اوكي تطلعين
بس مافيه جماع
مافيه شغل في البيت
ماتشيلين اشياء ثقيله
مافيه حركه مالها داعي


وزودوا لي جرعه الدوفاستون

من حبه وحده ثلاث مرات باليوم

الى حبتين دوفاستون ثلاث مرات باليوم
يعني المجموع ست حبات دوفاستون في اليوم


المهم انا اليوم طلعت


اخذت اجازه مرضيه والسبت الجاي ان شاء الله اداوم


ابي دعواتكم ان الله يثبت لي حملي ويوقف النزيف اللي عندي ويسر لي اموري


والله يسهل عليكم ويوفقكم جميع