مصيبتى اللى مازلت اعيشها الله يصبرنى ويفرجها

الســـــــــــــــلام عليكم ورحمه الله وبركاته


اخواتى بعد ماضاقت بى كل الوسائل ماعاد عندى الا ربى سبحانه وتعالى ثم انتوا


وهاذى مشكلتى بكل مافيها ماافتخر بشى سويته وياليت تكون عبره لغيرى


من البنات وفى نفس الوقت القى جواب يثلج صدرى والله عالم بالحاله اللى انا


فيها والله مااتمنى حتى لعدوى بهالحال عموما اللى ابيه منكم خواتى


مثل ماانا بفتح قلبى انكم ترشودنى وتعطونى رايكم وتدعون لى ان الله يفك


ضيقى وارجوا اذا حد عنده كلمه تغث يحتفظ فيها لان حالتى مب ناقصه..



خلونى ابدى معاكم انا بنت عمرى قريب بيصير 22 انشاء الله ادرس


من سنه تقريبا تعرفت على صديقه للاسف طلعت صديقه سوء عرفتنى على اشياء


كنت جاهله فيها والحمدالله ماطعتها الابعدين فى هالفتره تعرفت على انسان حبيته


وحبنى واتفقنا ع الزواج وبمجرد مايتخرج هالانسان صادق فعلا عموما جات فتره


صار خلاف بيبنى وبيناه وللاسف صديقتى قالت ماراح تنسينه الا بغيره وفعلا


تعرفت على غيره لكن المصيبه الحين انه قام يهددنى فى البدايه خفت وبعدين


قلت خلاص سو اللى تسويه وانا مب خايفه منك وعلى وعلى اعدائى و مثل

ماتضرنى بضرك بعدها خاف وقال انا كنت بس مقهور عليج وانا ابى اتزوجج

عموما ماصدقته وسافرت وكنت متوقعه انه محضر لى شى وانه ماراح يسكت

لكن ماجانى منه شى قلت يمكن ناسينى او خلاص ماراح ينفذ تهديده


انا عايشه بحاله وسواس ..وتعبانه


لكن الحمدالله على كل حال صدق انها مصيبه لكن اقول ان الله يبلى الناس اللى يحبهم

تغيرت وصرت انسانه ثانيه الصلاه مااخرها ولاافوتها والحين لامر ابوى من غرفتى


مايسمع صوت الاستيريو والاغانى لا يسمع صوت القران واقول الحمدالله على الاقل

صرت اقرب لربى لكن للحين الوسواس ذابحنى تخيلوا بالدقيقه افكر ياربى هو ناوى على

شى او لا وكل يوم ادعى ان الله يهديه ويستر على وعلى بنات المسلمين منه ومن اشكاله


لكن مشكلتى ماتنتهى عند هذا وبس لا بنات انا امى جابت لى وحده تقرا على


لانى كنت تعبانه وقالت لى ان فى شخص يبيج ويبى يتزوجج وانتوا معمول لكم


عمل انه يكرهج ومعمول لج عمل ثانى انج ماتزوجين كلش وهالعمل مسويته وحده


تحب هالانسان اللى يبينى وقالت ان مافكيتيه حالتج الصحيه بتسوء


المشكله انا مااعرف وين مدفون هالعمل عشان يبطلونه ولا اعرف حد ثقه يفكه


يابنات كل واحد يقول فكيه بعمل ثانى استغفر الله وانا ماابى هالشى ولاافكر فيه


نهائيا الانسان مايصلح غلط بغلط بنات ارجوووكم قولوى شسوى والله انى تعبت


ماتصورن شكثر وهذا كله اعانيه بدون محد يدرى عنه اعيش مع الناس


مافينى شى وانا فى داخلى احترق على شى سويته بنفسى احس انى ضيعت نفسى


وفقدت احترامى لنفسى كنت شى ونزلت ذاتى لشى واطى




نصيحه لكل بنت يابنات احذروا صديقات السوووء صح كل وحده تقول لا انا متربيه


وانا كبيره وعارفه لكن والله انهم يحلون كل شى بعينج وفكروا مليون مره قبل


لاتسوين شى غلط واعتبروا من اللى صار لى فكروا فى اهلكم ورده فعلهم لو يوم


عرفوا وفكروا بخواتكم لو يوم تكلموا الناس فيج والله مافى شى يسوى ولا حد


يسوى تنزلين بقدرج عشانه صدقونى انا عمرى ماغلطت والكل يضرب فينى المثل


لكن بسنه وحده تبدل حالى صرت من الى انتى بيدج ترفعين نفسج فوق عند اهلج

والناس وبيدج تنزلين نفسج تحت قدام الكل


واخيرا مااقول غير الله يحفظ بنات المسلمين ويستر عليهم وخواتى انا مافتحت قلبى


الا لانى فعلا محتاجه مساعده وراى سديد وانتوا خواتى لاتبخلون بردكم او دعائكم


او نصيحتكم والله انى احتاج اى شى منكم



وادعوا لى ان اللى يستر على ويفكنى ويفك بنات المسلمين منه ومن شره