صورت لكم ليلتي الورديه وان شاء الله تعجبكم تعبت فيها بس اكيد التعب راحه لزوجي الغالي
وخاصه اني لاحظت ان خطيبي كان مهموم اشوي مع العمل وتجهيز امور الشقه
يالله شوفوها حبايبي
بس قبل كل شي قولــو ماشـــــــــــــــــــــــــــاء الله
وهذي صورة الصحون من قريب والمناديل
وهذي صور للكاس من قريب .. زينته بالورد عجب زوجي كثير وتوقع اني جايبته من محلات الهدايا
وهذي صوره جانبيه للعشاء
وهذي صورة الطاوله من قريب وواضحه فيها الكيكه وصلحتها عند محل وطبع صورت زوجي
وكانت رووعه بس اللون طلع ازرق
وهذي صورة البالون وزعته بالمجلس بس مع التكييف صار يتجمع عند مدخل المجلس
وهذي صورة اللمبات الصغيره غلفتها بالجلاد الوردي وعلقته على الستاره بس المشكله قبل لايدخل زوجي طاحت على الكنب
بس طلعت الاضائه رووعه وكانت تطفي وتولع او يطفي نصها ويولع النص الثاني
وهذي صورة الهديه سويتها بنفسي وكلها اشياء بسيطه وكل مستلزماتها من بو ريالين والعلبه 10 ريال
حطيت بداخله بوك اسود وكبك ومقص اظافر شكله حلووو امغلف بالجلد رووعه
وسويت مجموعه بطاقات كنت بلصقها بالجدار او الارضيه بس الطابعه مو امعرفه عندي وماحصل لي اطلع للمكتبه اصورها وخليتها حق بعدين تنفعني
صورت لكم تقريبا كل شي
لحظه باقي صورة لباقة ورد جابها خطيبي معه الله يخليه لي يارب
ان شاء الله تعجبكم الصور
وكانت ليله حلوه وتأثيرها جدا واضح والرجال يحبون التغيير بين فتره وفتره علشان مايملون
وتزيح الهم عنهم
خلوني اشووف ردودكم ولاتنسون تدعون لي ان الله يسخر لي زوجي ويسعدني معه
:9_28: