قصة ولادتي

السلام عليكم
شخباركم
بغيت اكتب لكم قصة ولادتي ببنوتي شواخي ربي يحفطها
القصه هي
والله انا عطوني كمن منوعد للولاده 23-9 بحساب السونار 29-9 بحساب الدكتوره اوكي لان موعد اخر دوره 22-12
المهم بقولكم الحين قصة ولادتي كان يوم الاحد تاريخ 2-9 قلت لريلي انا اليحن المفروض اتمشى لاني دشيت الشهر التاسع المهم ما استحملت اتمشى بالحديقه لان الجو حااااااااااار وانا اتعب وايد المهم قررت اتمشى بالمارينا مول المهم اتمشيت انا وخالتي مدة 2 وشوي تقريبا الوقت يمشي بسرعه وقت الشوبنج المهم رجعت البيت عادي ما فيني الا العافيه واتعشينا ورقدت عادي المهم اليوم الثاني قمت صليت الفجر وقريت سورة مريم وشربت كوب حليب وعشر حبات تمر المهم صحيت ريلي عشان يصلي وبروح الدوام
المهم رجعت انام مره ثانيه كالعاده المهم الساعه 10 الصبح حسيت ان في رطوبه بالملابس الداخليه سرت الحمام اكرمكم الله وعادي سرت وفصخت الملابس الداخليه وقلت برقد بدون الملابس الداخليه المهم بعد كمن دقيقه حسيت في ماي بين ريولي قلت لا يكون سويتها ههههههههه رحت الحمام بسرعه لاحطت ماء ابيض استغربت منه لانه ينزل بكميه كبيره المهم رحت لبست كيرفري للاستعام اليومي ما جاب نتيجه لان كميه الماي كبيره رحت لبست كوتكي بعد ماشي فاديه وبعدها قررت اتصل بامي قلت لها ماما في ماي ينزل سالتني في الم قلتلها لاء قالت عادي لاتخافين مش ولاده المهم انا قلبي كان يقولي ولاده رتبت الشنطه بسرعه بسرعه احتياط يمكن ولاده
وفتحت النت ودشيت المنتدى وكتبت الموضوع عن الماي خواتي اللي بالمنتدى قالولي ولاده في ناس ينزل الماي اول بعدين تتالمينوفي ناس ماي مع الم
المهم رحت انا اتصلت بزوجي بالدوام قلت له عن الماي قالي عادي ما دام امج قالت لج عادي عادي قلت له بنات المنتدى قالولي ولادهقالي مستحيل انتي بعدج باول التاسع المهم صبرت ما حت المستشفى لين الساعه 6 م قلت بسير يمكن ياثر عالجنين المهم اول ما شافو الماي قالو لي ولاده
ودوني عنبر الولاده ولبسوني لبس الولاده
وانا اضحك اقولهم ماشي ولاده قالولي بنتريا 24 ساعه لو ما ولدتي بنعطيج طلق صناعي المهم عمتي ام زوجي كانت معاي لبستني العبايه فوق لبس والاده وخذتني اتمشى بالقسم عشان اتسهل الولاده
المهمهم تموا عندي لين12 فاليل ماشي الم راحوا لان ام زوجي ما تقدر اتم عندي لانها مريضه ربي يعافيها المهم قالولي يوم بيج الالم اتصلي ونحن بنيي المهم الساعه 1 بداا الالم ايي ويروح المهم اشتد الساعه 3 خليت الخدامه تتصل بزوجي اتصلت له وقالت له المدام بتربي المهملبس اثيابه وشل وياه امه ويااه ا المستشفى المهم عمتي كانت تقرا فوق راسي القران وريلي يحمسني عشان ادفع والحمد لله ربي يسر وسهل وطلعت بنوتي بالسلامه :9_28:
وقرت عيني يوم شفت شواخي :21_207:
ربي يسهل لكم يا رب
انصحكم كثروا من التمر والحليب واهم شي قراءة القران الكريم
ربي يسهل لكم كلكم يا رب العالمين