بما اني العام الماضي كنت بثالث ثنوي
وصرت من أهل الخبره قلت بنصحكم كود افيدكم
يابنات التوجيهي .
شوفو حبايبي..
اناا ماراح اقولكم ذاكرو واحرصو لأن هاذي اشياء بديهيه وكلكم عاارفينها
اليوم ماراح أتكلم عن المناهج والدراسه
اليوم بتكلم عنك انتي عزيزتي الطالبه
ايوه لاتستغربين عنك انتي ..
شوفي
أول شي ابيك تسوينه
تغييرين رقم جوالك والرقم الجديد لاتعطينه الا البنت الجااده اللي تحسين انك بتستفيدين منها بالدراسه والمذاكره ..
وثاني شي
ابيك مع اول يوم دراسي
تطلعين من غرفتك كل الأشياء اللي تحسين انها تلهيك
مثل الكمبيوتر والمسجل والتلفزيون وغييره.
وتغييرين ترتيب الغرفه من إلى
وتحطين مكتبك تحت الإضاءه على طول ..
وتنسين شي اسمه تلفزيون وطلعه الا في عطلة نهاية الأسبوع ..
هذا كله في البيت
اللحين نجي للمدرسه
في المدرسه لا زم تصيرين عااقله ومؤدبه واحرصي ان كل معلماتك يلاحظون انك مؤدبه
عشان لو تنقصين نص او ربع يمشونك >>>>>>>>>>>>>>>>واسأليني ..المؤدبه يمشونها بالدرجات لو نقصت بعكس المشاغبه اللي ينتظرون متى تنقص عشان ينتقمون منها ..
واحرصي يكون لك علاقه مع معلماتك بعييد عن البنات
مثلا وقت فراغك روحيي للإستاذه واسأليها اي سؤال خليها تحس انك مهتمه ..
والبنات انسيهم ولاتتكلمين معهم الا في الفسحه او الفراغ
واجلسي دايم قدام ولاتتنازلين عن الكرسي الأول مهما صاار ..
وحطي في بالك
((اناا ومن بعدي الطوفاان))
وترا هاذي المقوله ماتنطبق على الكل
يعني مثلا لو جتك وحده ضعيفه اشرحيلها اللي تبي عاادي
اناا قصدت بهالحكمه اللي تلعب طول الترم ولجا قبل الإختبارات بكم يوم
جت تدور احد يشرحلها ..اتمنى تكوني فااهمه علي ..
وأي وحده فيكم تبي أي شي أساعدها فيه
لايردها الا كيبوردها
صدقوني اناا حاسه فيكم ..
ويليت تدعونلي اتوظف اذا استفدتو من كلامي ..
واتمنى تنشرون كلامي هذا في المنتديات عشان الكل يستفييد منه
والله يوفقكم ..