ساعدوني بأفكاركم الحلوة..؟

السلام عليكم ورحمة الله وبركاته ...

انا زمان ما دخلت على المنتدى وانا سعيدة جدا اني هلا عم اتصفح المنتدى الرائع وعم اقرأ المواضيع والافكار الي ما الها مثيل ....تسلم ايديكم على مواضيعكم وافكاركم....

انا بدي تساعدوني انا عروس مع وقف التنفيذ...انا اتزوجت في شهر واحد هاي السنة وقعدت مع زوجي شهر واحد وسافر على امريكا محل شغله....وانا ما بقدر اسافر معه لانو لحد اليوم ما اخدت الفيزا والحمد لله على كل حال....
غاب عني 5 أشهر واجا اجازة لمدة 8 أيام بس واحنا للعلم ما عنا بيت لما يجي هو بنروح على بيت اهله وقضينا يومين بفندق واخدنا راحتنا شوي وطبعا انتوا عارفين انو ما بناخد راحتنا مع بعض نهائيا عند اهله ولا حتى بقدر اعمله اشياء كتيرة متل ما انا بدي ....
وانا هلأ حاليا عند اهلي وبروح عند اهله كمان ...المهم انا ما شفت زوجي الا شهر و8 ايام وهلا اله شهرين مسافر وانا لسه ما عم اقدر اروح عنده ... وطبعا الحمد لله وضعي في الويل وما بقدر احكي الا الحمد لله على كل حال:down::cry:

زوجي ان شاء الله ويا رب ناوي يرجع بآخر هالسنة ادعولي يا بنات يرجعلي بسرعة وما يتأخر لاني بعيش بعذاب وملل ومرارة من غيره حبيبي....
بدي تعطوني فكرة اعملها لزوجي لما يجي مع العلم انو اكيد اول يوم حيجي فيه حنكون عند اهله عبين ما نلاقي بيت او نروح اكم يوم على فندق عشان ناخد راحتنا مع بعض....(لساتنا عرسان بس مع وقف التنفيذ)
فأرجوكم بدي فكرة حلوة وبسيطة لانو انا مو في بيتي وحابة اعمله اشي جديد كتير ....
والافكار التانية الي بقرأها بإذن الله كلها بطبقها بس يصيرلي بيت....دعواتكم انو الله يفرج كربي ويجمعني بزوجي ونور عيوني عن قريب يا رب...

والله بكتب وانا مخنوقة وبدي افقع من البكا لاني مشتاقيتله بجنون مشتاقة اكون معه ....ما قعدت معه الا فترة قصيرة وفترة شهر العسل كانت احلى فترة بالنسبة الي لانو ما في غيرها عندي....
الله يجمعني بزوجي على خير في الدنيا والآخرة يا رب
الله يخليكم اعطوني افكار حلوة وانتوا ما بتقصروا الله يجزيكم الخير وما تنسوني من دعائكم ....والله لا يحرم اي زوجة من زوجها ابدا...يا رب....

:cry: