تقدم لي واحد اصغر مني،،رأيكم

ما عتقد العمر مشكله

وخاصه اذا الريال زين وما يعيبه شي بالعكس وايد عرسو وكان

فرق العمر كبير اكثر من 5 سنين وعايشين وعندهم عيال

انا وزوجي الفرق امبينا بس 9 شهور

وما احس انه من عمري لان احسه اكبر بوايد بعقله وشخصيته واسلوبه

والانسان بعقله مو بعمره

وصلي استخاره والله يوفقج

حبيبتي انتي لسه صغيرة عندك 24 سنة ما يهمك في بنات العايلة اللي تزوجوا

وبالنسبة للمشكلة اللي حكيتيها انا اقولك لو الريال عارف سنك الحقيقي وموافق عليه واهله كمان موافقين خلاص

المشكلة انحلت
والله يوفقك اللي فيه الخير لك ان شاء الله

حبيبتي اول شي انتي لسه صغيرة عندك 24 سنة وسن العنوسة يبتدي في الثلاثينات

وثاني شي لو الريال عارف سنك واهله كمان عارفين وموافقين خلاص مشكلتك باذن الله انحلت خصوصا لو انتي عندك

اقتناع بهالشخص يعني تشوفينه قد مسؤولية الزواج

اما اذا كنتي مترددة استخيري ربك والله يوفقك اللي فيه الخير لك ان شاء الله

والله وناسه وعادي كلش انا ماعندي مشكله اخذ اصغر مني ومحد بيقول لك شي شنو يعني المهم ريال وهو ملتزم ممكن يجيج اكبر منك وصفاته زفت...وبعدين اذا مافيه الا هذا العيب عادي والله ترى الوحده مو كل يوم تلقى لها زوج الحين يالله يالله الوحده تلقى له زوج وانتي قاعده تطلعين لك الف سالفه وترى عقب ما ينفع الندم وما عليك من كلام الناس ((ارضاء الناس غايه لا تدرك)) يبه صلي استخاره وتوكلي على الله ...وعلى فكره في رجال يحبون اللي اكبر منهم ويحترمونهم كثير...وبعدين الفرق بينكم بسيط انا اعرف وحده متزوجه واحد اصغر منها بخمس سنوات وصار لها 15 سنه متزوجه وزوجها يموت فيها الله يهنيها انشاء الله....خلج كوول :2_106:ولا تفكرين هالتفكير المتخلف اصغر مني ومعرف ايش ..يبه فكري بنفسج وبسعادتج ولا تفكرين بردة فعل الناس عليج بنفسج بس...وانشاء الله الله يكتب لج اللي فيه الخير يارب

بصراحه الرجال مو بعمره الرجال بعقله
ويا رياجيل كبار بالعمر بس اصغار بالعقل
وهذي موقاعده

صلي الاستخارة


اللي الله كاتبه لج بيصير

اذا الصبي زين توكلي على الله

والله يوفقك




:9_28:

شوفي حبيبتي اذا انتي مو مقتنعه بهالشي 100%

ما انصحج لانج اكيد بتسمعين كلمه مني ولا نقزه من هناك

لان فيه ناس مو متقبله هالشي للحين مع انه مو حرام ,,

اما لو انتي مقتنعه وما راح ياثر فيج كلام الناس بعدين

توكلي على الله ..اهم شي نفسج ومدى قابليتها لهشي . والله يوفقج حبوبه.

العمر مو مهم واهم شي انك تكوني سعيده معاه وانتي اذا اهتميتي لكلام الناس بتتعبي لان كلام الناس عمره مايخلص ولا تظلمين الولد لانه يبغيك والحمدلله هو زين من كل النواحي وسعادتك معاه اهم شيوبتوفيق

بصراحه الرجال مو بعمره الرجال بعقله

انا بعد قصتي مثل قصتج بس الي خاطبني اصغر مني بسنتين من اهلنا وهو بعد ملتزم وخلوق... الصراحة انا ما كنت مقتنعة وكنت بعد محتاره بس الحين صرت احس ان الموضوع عادي خاصة اذا اهو نفسه راضي وامة وابوه بعد راضين ..
لكن الشى الي مخوفني انه عايش في السعودية مع ان اهل امي كلهم هناك بس بعد خايفه:ss:
فقررت اني استخير والله انشاالله يكتب الي فيه الخير...حبيبتي نصيحتي لج انج تستخيرين وتوكلين على الله
واذا نصيبج بتاخذنه :B_wink:

اذا رجال والنعم فيه توكلي على الله


لكن لاتنسين الاستخاره

ماخاب من استخار

الله يووفقك ويكتب لك اللي فيه الخير

اللى يمشى ورا كلام الناس بيتعب
صلى صلاة استخارة وان شاء الله ربنا يهديكى للصواب
ومادام انتى شايفه انه كويس خلاص بس متسمعيش للناس وان شاء الله يكون انسان كويس
ربنا يصلحلك الحال ويوفقك وتعيشى حياه سعيده يارب[]

العمر مش مشكله اختي ممكن تكوني مرتاحه وسعيده مع الي اصغر منك احسن من الي اكبر منك
واذا هو مقتنع فيك كفايه ومايهمك كلام الناس

استخيري ربج ,, الريال مو بعمره ,, الريال بعقله , واخلاقه , ودينه
واللي الله كاتبه بيصير ,, ربي يوفقج

عزيزتي


أنتي مماثله لعمري تماما

وأهلي وصديقاتي الي من سني أغلبهم متزوجات ,,, أو قريب زواجهم وأمهات بعد

ولكن لو ابي اتزوج كان صرت مثلهم أو قبلهم بعد وقبلت بالاشخاص الي تقدموا لي

بس

ما أبي ارتبط بشخص مو مقتنعه فيه تماما لآن هذي حياة

وانتي من كلامك وضح لي انك مقتنعه فيه وأرتاح له قلبك ,,, ومتوقفه على سالفة العمر

حبيتي مستحيل الوحده يتقدم لها شخص فيه كل المواصفات بالضبط الي تبيها

وفرق السن اذا كان هو راضي فيه قبل ما يخطبك ويبغاك بمواصفاتك

نصيحه مني توكلي عالله << لآن قصدك الستر ورزاح تتوفقين

وأن حسيتي انها صعبه صدقيني مع العشره والحياه الطيبه ان شالله راح تنسين هذا الموضوع

خصوصا ان الفرق مو كبير بينكم ولو كان حيل كبير راح اتفق معاك انها صعبه شوي

بس انتي كوني واثقه من نفسك ,,, وأهتمي في جمالك دائما

وابدا لا تحسسينه بهذا الفرق والله يوفقك


:9_33:


وردة تشرين

في كل الأحوال الإستخارة هي الحل الجازم للموضوع
لا تنسين السيدة خديجة رضي الله عنها أكبر من الرسول بخمسة و عشرين سنة ..ز.

اقول لك قول الرسول صلى الله عليه وسلم اذا اتاكم من ترضون دينه وخلقه فزوجوه الا تفعلوا تكن فتنه وفساد كبير