زوجي واه والف اه من زوجي

تعبت ومقدر استحمل
المشكله ان مافي مشكله واضحه
زوجي ذبحني وقاعده احس انه لو استمر علا الاسلوب هذا ابفقد الثقه بنفسي
زوجي من النوع الي بس يطالع ولو جاء عندي يقولي يالله شفت وحده تهبل وشفت وحده جنان وشفت وحده جسمها خيال وشفت وحده بياضها روعه وشفت وحده سمره بس مملوحه وتخبل
بالله عليكم قولو شسوي وياه
بقولكم مواصفاتي انا بنت جميله جدا وجسمي كل قرايبي وصدقاتي يتمنون يصيرون مثلي ووقبل لااخذ زوجي الي يصير ولد عم ابوي كل عيال عمي( حيروني )وغير الخطاب الاجناب عننا
وحتى زوجي كان مومصدق اني وافقت عليه لنه من اربع سنين يخطب وانا ارفض وبسنه الخامسه وافقت وعمري 23 سنه ولي متزوجته سنتين بس وكل الي حولي لما يشوفوني بزواج ينبهرون فيني وحتى هو بس هذا الطبع من خذيته وهو فيه
تدرون صرت اشوف نفسي مو حلوه وصرت اشك بنفسي اقول كل البنات حلوين الا انا خلاص تغيرت وحتى صرت اسال خواتي اقولهم انا تغيرت ولا لا صحيح انا بسبب الحمل صرت سمره بس والله تغير بسيط وزوجي عمره ماقالي كلمه بخصوص شكلي بس انا صرت حساسه وافكر بكلامه واحس صار مايحبني لن لو يحبني كان مايقول قدامي هذي حلوه وهذي خيال ولما يقول هلكلام اتعب من جد واحس نفسي مو شي مع ان الفرق بيننا 22 سنه يعني هو كبير علا هسوالف بس اه شقول غير الله يعين قلبي عليه لني احبه حيل
تدرون ان قاعده ابكي الحين لن ماقدر اشكي لااحد من اهلي عن سوالفه بس لكم لنه مو مقصر علي بشي ابد يوديني ويطلعني وقايم بواجبه بس هلعاده فيه وما اقدر ازعل عند اهلي لن لازم يعرفون السبب واكيد بيقولون هذا سبب تافه
اه والله حرام يصير هذا فيني