هل انا معقده؟؟؟

اهلا اخت ام محمد الحقيقة الله يكون بعونك فعلا الموضوع صعب وخصوصي انك من النوع الموسوس كتييييييير
وهالشي واضح انو تاعبك

بس اختي على الاقل اذا تخافي من الاجواء برا وما تحمللو من جراثيم خللي الطفل بالبيت يتنفس مدامك واثقة من نظافة بيتك تماما وخلوها من الجراثيم بنسبة ممتازة فحرام تاسري الطفل هالسن بدو يلعب ويتحرك ويمشي ويمسك كل شي بايده لانه في مرحلة استكشاف لحواسه كللها

ومدام بيتك نظيف ماشاء الله عنك وتستخدمي الديتول والكلوركس فخلاااص لا تخافي وتوكللي على الله ترى الوسواس الزائد من الشيطان

ولما تروحي لسوبرماركت اذا كتييير خايفة من قصة الجراثيم خلليه بعربايته او انك تمسحي مكان جلوس الطفل بعرباية السوبر ماركت بمنديل ديتول ومع ان هالشي صعب بس طفلك بدو يتنفس ويلعب

واخيرل بقول بسم الله ماشاء الله عنك ويابخت ابنك فيكي بس حاوللي تكوني اكثر ليونة عشان الولد ما ينأسر وتتقيد حريته من كثر خوفك عليه والحامي الله

اهلين اينجل حبيبتي لاتوسوسين اكثر من اللازم ترى الياهل يمرض جي وصح كلامج العيناويه ترى الاطفال اذا تخلينهم بطبيعتهم تشوفينهم ماشاءالله مايمرضون وايد لكن اذا الطفل وايد مهتمه فيه وكل شوي ونظفتي وعقمتي ومسحتي هني ايشي يصيده لاسمح الله لو بسيط بيمرض وبيتعبج

وانا شااايفه

خالي عنده توم كان حابسهم في غرفه وحده بس ودرجه حراره ماتتغير والتعقيم على اصوووول وان هما بنفسهم لمسوا شي بلغلط بيدهم على طول يرجعون يعقمونه وعيالهم على طول مرضى

وبعد مرت حميي واااايد توسوس مثلج وولدها دوووم مريض وحتى صاده تشنج ما ابي اخوفج

خلي كلشي على طبيعته ماقول لج تخلينه في الوساخه لا

السلام عليكم

هلا أختي ذكرتيني بنفسي يوم كنت صغيره كان أبوي دائما
يخانقني كل شوي اغسل يديني واطووول كان يقول لي تغسلين
يدينك ولا تغسلين جلد. مانتي معقده بس عندك شوية وسواس وزي
ماقالت العيناويه لازم تقاومين نفسك عشان لايزيد الوسواس ويتعبك
انت وعيلتك. والتعقيم المستمر ترى مضر للأطفال لانه مايسمح لهم
يقووا مناعتهم. وكلام الدمشقيه صح الوسواس الزائد هذا من الشيطان
لاتستمعي له لانك بتقيدين حرية الولد وتحرميهمن اللعب ومن التعلم.

هلا بناااات

الف شكر على ردودكم الحلوه

المشكله اني انا مخلتنه على راحته عشان ادري انه ياخذ مناعه..بس اتم على اعصابي...لاني كم بلحق ...فبغيت اعرف اذا هالشي عادي..يعني ما فيه مضره ..هاك اليوم لعب بتراب النبته..واظني كل شويه رمل وسماد...يعني انا مب مقيدتنه بس انا نفسيا اتعب...
كيف اخلي اعصابي بارده واكون عادي؟؟ :(
مثلا في بيتي انا واثقه انه نظيف بس يوم اوديه بيت حد؟؟؟

حبيبتي انا بقولج ,, لآنج انتي تركزين على هالشي وتكونين على اعصابج,, حاولي تطنشي شوي

هلا حبيبتي

الله يعينج
لا توسوسين وايد مو زين شوفي اهالينا عاشوا قبل من غير تعقيم و ما شاء الله عليهم عمروا

انا والله عن ولدي اخليه بس مو عاد على وصاخه لا بس خليه يقعد بالعربانه مالت الجمعيه عادي

و ترى شوي شوي راح تتعودين عادي :D_smil1:

اختي لا تحاتين الله يحفظ هاليهال

ما نقولج لا تهتمين بالنظافة

بس لا تخلينها هاجس لج

ماشاء الله عليج أم محمد،، شكل وسواسج زيادة عن اللزوم،، آنه بعد مثلج موسوسة ولازم شنطتي فيها كلينكس ديتول،، ولازم شنطة عبودي فيها wipes بس مو لهدالرجة،، مثل ماقلتي السوبر ماركت ، عربانته كلها مجرثمة، وعبودي بعد تعقد قال ماما نظفيها فيها جراثيم، لازم آمسح المقعدة والمقبض قبل لا أقعده...
البيت آدري أني منظفة كل شي ماوسوس وايد بس لازم ماياكل شي بفمه الا غاسل يده والحمدلله تعود، حتى أمس في الروضة بنت خالي ماغسلت يدها وقت الأكل، من رجع وهو يعيب عليها أنها ماغسلت يدها الوصخة على قولته..

يوم كان صغير كان وسواسي أكثر، بس والله على كثر ماحط يده في وصاخة الحمدلله ماصار فيه شي، وكنت آموت وآنه أصارخ لين أمي تاخذه معاها برع في حديقة بيتنا وتخليه في التراب، عاد خوالي يعايروني يقولون ياما لعبت في التراب وكليتيه شصار فيج الحين خلي الولد على راحته...

الله الحافظ وخففي وسواسج شوي ترى بتنتقل الحالة لولدج، لأن من كثر ماوسوس على الحمامات الحين عبودي مايرضى يدخل حمام الروضة يقول خايس وفيه ريحة والمرحاض مو حلو،،، وأمس أصر مايدخل....

هلا بنات
اشكركم على التفاعل معاي

رانيا ..زين يعني انتي فاهمتني

امس كانت بتصير ضرابه بيني و بين ابوه لهال سبب..ريلي طبعا ما يحب هالطبع فيني..المهم انا احاول ما ابينه جدامه خصوصا من ناحيه ولدي..بس اللي اكرهه هو انه يعطيه يلعب بمفاتيحه..والمفاتيح بالنسبالي اوصخ شي وكلها جراثييييم لانه الواحد يمسكها طول الوقت ويستخدمها مهما كانت ايده وصخه ..ويحطها اي مكان..على اي طاوله او اي شي..وغير هذا انها ابدا ما تنغسل..لا و معدن يعني فيها ريحه حديد...المهم ريلي دوووم يعطيه يلعب بالمفاتيح وانا اقوله لا تعطيه بس ما يعبرني...امس كنت احاول ارقد حمودي وريلي رد من برع...طبعا يا عند حمودي ( من غير ما يغسل ايده) و عطاه المفتاح بعد...قلت له ايده نظيفه بينام...قاللي ما عليه لا تستوين جيه شو يعني!!!!!!!! والله تمالكت اعصابي عشان ما ابا تستوي قصه قبل النوم.....

شوفي يالغاليه .. بالنسبه لترولي الجمعيه انا ايلس حمود بس قبل انظف المقبض الي يمسكه بويبس ديتول ...

بالنسبه للحبي وان يلقط وصخ من الارض هدا شي عادي بالعكس بهاي الطريقه يكون مناعه يوم شي غريب يدخل فالجسم الجسم يقاومه ويكون مناعه ضده فالمستقبل ..

حاولي انج ما توسوسين خليه على راحته بس طبعا مب في كل مكان مثلا فالصاله فالبيت ..

عندي وحده من اهلي عندها بنت عمرها الحين 4 سنوات كانت مثلج وسواسيه لدرجه ان بنتها ما كانت تنحط على الارض موووول الحين كله مريضه لانه ماعندها مناعه موووول

السلام عليكم أختي

أختي عشان تخففين على نفسك ذكري نفسك في المواقف هذه
قولي لنفسك هذا لمصلحته عشان يقوي مناعته ويتعلم اللي حوله
وذكري نفيك بالمرات اللي مسك فيه شغله وسخه وماصار له شي
يعني زي لما لعب بالنبته خليها في ذاكرتك وقولي لنفسك لعب
فيها وماصار له شي والمرات اللي مسك فيها مفاتيح أبوه وماصار
له شي وانتي كل مره تشغلين نفسك فيها بتشوفين المره اللي بعدها
أسهل وحاولي لحظتها تشغلي نفسك بأي شي يلهيك عن الوسوسه.
وعليك بالدعاااااااااء ان ربنا يخفف عنك المرض هذا وتعوذي من
الشيطان لما تجيك الأفكار هذه. والله يخففه عنك.



أختك

اشكر مروركم الحلو خواتي ..ان شالله اجتاز هالشي :)

انجل انا كنت مثلج .. بس احينه الحمدلله اخف بوااااااااايد .. تدرين كيف من يصبح اقري عليه المعوذات وآية الكرسي ولازم اتكونين ع يقين ان رب العالمين بيحميه من كل شي لأن آيه الكرسي تحمي الانسان من كل شي ماعدا الموت عساهم بطولة العمر يارب .. ومع الوقت صدقيني بيروح عنج الوسواس
وعسى الله يحفظلج محمد ويحفظ لي منصور حبيب قلبي ..

:eek2: باااااااال نفسييييييييي بالضبط:21_179:

ياربي شسويييييييييي صج آنا بعد متأذية وااااااااايد

دايما أحاسب لها ولما احد يبوسها غيري وغير أبوها ما احب ابوسها الا لما اغسل ويها ..

والا لما النسوان الكبار ماااااااااا اقدر أرجع البيت على طووووول الحمام سبااااااااحة:no: والله كارهة هذا الشي فيني و زوجي متضايق من جذي بس احسه صار شوي شوي ياخذ من أطباعي :21_178: ياربيييييي أبي بس أتخلص من هالمشكلة وبعد أشياء واااايد فيني وسواس ماقلها وكلها من هالنوع ما ادري شسوي:down::cry:

مخرخشه

صدق حالتنا تتعب :(

حالتنا كسيفة كلش :cry:

انتي اختي زيي تماما انا بعد امي دايما تقولي خليكي طبيعيه في تعاملك مع بنتك بس انا لا مااقدر

وزي ماقلتي مااحب احد يبوسها ولا يلمسها

وحتى مااحب احد يعطيها اكل من عندهم اقولهم لا شبعانه انا توني ماكلتها او اقول لهم انها ماتعرف تاكل بتوصخكم او اي شيء
وحتى لعماتها مااوديها مع ان مرت حميي كل اسبوع تودي بنتها لحماتها مع انها اصغر من بنتي بشهر ونصف وتقول ليي حماتي جيبي بنتك بعد بس انا لا اخاف عليها مع ان عمتها اكيد بدير بالها عليها وبتحافظ عليها

ماادري ليش كذا يمكن عشان انها بنتي الوحيدة الله يحميها واخاف عليها بزياده

وبالنسبه لعربه السوبرماركت مااحطها فيها اصلا لانها وصخه ومجرثمه فآخذ عربتها اللي انا واثقه من نظافتها وابوها يدفع عربه الاغراض وانا ادفع عربتها
وبالنسبه لنظافه شقتي انا واثقه منها عشان كذا مااهتم واجد لكن طبعا بعد ماتحبي وتبغى تنام لازم اغسل يدينها ورجلينها من الحبي اقول عشان لاتسود
لكن لو وديتها بيت احد لا مااحب انها تحبي وامسكها عندي واحاول اغصب عليها عشان ماتحبي لاني مو ضامنه نظافتهم

كنت اعتبر نفسي مجنونه حتى اقول لريلي انا موسوسه ولا كل الامهات جدي بس الحمد لله طلع في احد زيي

عاد خوالي يعايروني يقولون ياما لعبت في التراب وكليتيه شصار فيج الحين خلي الولد على راحته...

ضحكتيني يا رانيا انا امي دايما تقول ليي جدي انتي ياما لعبتي بالرمل ماصار فيك شيء بس مافي فايده مني

ههههههههههه



آسفه على الاطاله


اختك

جود القمر

بصراحة انا ما اشوفج لا وسواسية ولا معقدة... بس شكله تخصصج اللي دارسته فيه من تخصصي :2_106:
يعني انا في الجامعة لما ازرع البكتيريا اللي في جسم الانسان او البكتيريا اللي على سطح الاشياء واشوفها بعيني شكلها والكميات اللي تنمو اخاف
تحصليني دووووووووووووم انظف... واذا المكان ما تنظف من وقت(مثلا كنت تعبانة وما قدرت انظف) احس باكتئاب وضيق لاني عارفة ان البكتيريا حوووووووووولللللللليييييي

وبالعكس... عربة الجمعية تحممممممممممممممممملي ولدج يحط ايده عليها
اول شي تسوينه تخلين مناديل في شنطتج (معطرة بالكحول... وبعدها فاين للاطفال علشان ولدج)
لان عربات الجمعية ما تنغسلللللللللللللل يعني من يومها وهي وصصصصصصصصصصصخة
اي مكان غير بيتج لازم تنظفين ايد ولدج بعد ما يلمسها

اما عن البوس فولدج كبر ولا تخافين عليه من هالجراثيم البسيطة


صج احنا لعبنا فالوصخ وما صار فينا شي... لان في جراثيم لو صادت الجسم ما تبين على طول يبيلها وقت طوييييييييل علشان تبين
او يعتمد على مناعة الطفل لانها تختلف من شخص لشخص