آخر الأخبار ... بتصدمكم ..

السلام عليكم ..........

علومكم بنات ..


مادري جان تعرفوني .. بس انا اعرفكم وحده وحده... ماقصرتوا ويايي وكانت ولا زالت وقفتكم جميل عمري مابنساه ..

يزاكم الرحمن كل خير ..

بخبركم شو صار ..

سبحان الله خواتي ..ربنا مايضيع عباده ..

والله ياخوات اني ابكي لحد ما ريولي تعجز تشيلني .. وكل يوم مريضه .. واهلي خايفين علي ..

وفي أسوأ لحظات انهياري وانكساري .. ياني انسان يحبني ويباني على سنة الله ورسوله ..

اول شي مابجذب كرهت نفسي وقعدت اصيح .. وماتخيلت نفسي مع غير ذاك الانسان ..

بس بعدين فكرت فيها ... هذا الحب الصح .. والصادق ..

مارضالي بالحرام .. مع انه يقدر يوصلي ..

كلامي مايعني اني موافقه ..

كلامي يعني اني تجاوزت هاييج المرحلة السوده ..

كلمتي اقولها لكل بنت تحب او حبت ... ترفعي عن هالامور .. انتي ارقى من جيه ..

لو مب بس تحبينه .. تموتين فيه ودريه .. مافي حد في هالدنيا يستاهل والله ..

اسألوني انا .. محد ضحى كثري انا .. محد عشق كثري انا ...

مابجذب عليكم وبقوله اني خلاص ماعدت احبه .. لا والله .. بس خلاص مصيرها هالمشاعر تموت ..

وخلاص ماعدت احن له .. تجربة وعدت .. والسلام ... درس في حياتي لا اكثر ولا اقل ..

و مرتاحه يا بنات والحمدلله .. مشوشه لكن مرتاحه نفسياً ...

يعني العيب مب فيني .. العيب فيه .. انا رزعت في أرض ميته .. وكان لازم اتوقع اللي بيصير ..

انا عطيت كل شي املكه .. لانسان فارغ .. اناني .. وكان لازم اتوقع اللي بيصير ..

تكفير لذنبي ان شاء الله ..

الحمدلله يارب .. الحمدلله على كل حال ..

مممم وعن الريال ( عريس الغفله ) .. ماعرف شو اسوي .. محتاره شوي ..

بإذن الله بستخير وربنا يجدم لي فيه الخير


بس حبيت اطمنكم علي ... :)