مواقف عيالكم الصغار بأول يوم دراسي

انا ابني لسه صغير ،،، بس ممكن احكي قصتي انا لما اول مرة دخلت المدرسة
اختي اخذتني المدرسة انا واخي الي المدرسة وتركتنا هناك وجلسنا نبكي نبكي بهستريا عجييييييييييبة :cry::cry:

احتي الاصغر مننا اول ما دخلت المدرسة كانت معنا انا واخي في نفس المدرسة واحنا كنا في الصف الرابع والثالث
وكثير عجتها المدرسة ... اليوم الثاني جائت امي تصحيها علشان تروح المدرسة ،،، قامت جلست في السرير :21_211::21_211:وقالت لامي
" ليش اروح المدرسة ،، ما خلاص انا رحت امس ،،، ليش هو لازم نروح المدرسة كل يوم:think: ؟؟؟ "

أهلا بك أم وسام،، معليش بكرة يكبر وسام وتقولين لنا أخباره المدرسية،،

مساكين أنا بعد أول مادخلت المدرسة قعدت أصيح صياح،، بس أنت أخوك معك يعني المفروض ماتصيحين....
وقصة أختك الصغيرة روعة،، يعني كل يوم يروحون المدارس....


يله ننتظر مواقف البقية...

موضوع حلو..مبروك دخول عيالكم المدارس

عقبال ما اودي حمودي عقب 3 سنوات ان شالله :)
بس احس من الحين اتخيل اني يوم بوديه بصييييح...احسه موقف مؤثر...حبيبي بيكون كبر و بيدخل مدرسه ..هههه على قوله ريلي انتي تنفعين ممثله دراما :21_133:

هلا رانيا

انا وصلت ولدي اول يوم للروضة وهو طبعا موب اول سنة فيها ووديت معي بنتي واول ماوصلت صفه قلت يلا ادخل وهو

راافض يقول لا برجع معاج للبيت وانا احاول اقنعه يدخل تخيلي شصاااااااار


بنتي دخلت الصف وقعدت فيه ههههههههههههه ولما اقتنع وييت بمشي بنتي رفضت تمشيييييي وتقول لا بقعد

ههههه وبالغصب سحبتها ومشييييينا <<< عمرها سنتين و5 شهور خخخخخخخ

هلا اختى رانيا

صدق ذكرتينى باول يوم مو امصدقه ان ولدى كبر وبروح الروضه فكنا انى زوجى حدنا فرحانين فى اول يوم ومسوين

حاله استنفار كله علشان ولدى حبيبى المهم رحنا ودينا الروضه ودخلت معاه الروضه وقعدت اصوره بالكاميره الفيديو

وهو مستانس فدخلته الصف فعاد بمشى اله قعد يصيح فديته ابغى ماما بروح ويه امي البيت والمعلمه امجودتنه فكسر

خاطرى عدل او انى اصوره واصيح من رجع من الروضه حه ركيض ليش ماما رحتين ماقعدتين وياى ويتهدد فينى ويقول

فى كرسي لج ماما بكره قعدى وياي ويوم ثانى جه ليه الباص ومارضا اروح يبينى انى اوديه

والكلام اطول بس يالله مانبى انطول عليكم

يحليلهم عيالنا

متشوقة متى اودي ولدي الروضة

عمره ثلاث سنوات وبوديه السنة الي بعدها ان شاء الله
يعني قبل المدرسة بسنة وحدة بسس
متحمسة للهاليوم وفي نفس الوقت خايفة من هاليوم


لانة ولدي متعلق فيني وانا بعد متعلق فيه وااااايد

مواقف حلوه للجهال

المهم اني ولدي السنه ذي أول سنه ليه روضه

بس أني مهيأته عدل من السوالف عن الروضه حتى هو قبل مايروح الروضه صار يحكي عنها وكانه صدق رايح وشايف


المهم أول يوم صحيته من النوم وسبحته وريقته ولبسته ............>>> أكيد كل ام تسويها

ولمن جه الباص ركبته وقعد يطالعني بإستنفار لأني قلت له انه مايروحون وياه ماما وبابا بس علاوي

بصراحه كسر خاطري وكنت متوقعه صياحه ونياحه بهذا اليوم وعدم الاستجابه بس اللي اتوقعته ماصار


ولمن جه من الروضه ماسكت يمكن ساااعه كامله ما خلا شي والاقاله وأحلى شي يوم قال (( أصدقاتي ))


وطبعا طول النهار وكل أشوي صار يحكي عن موقف أو شي شافه ووووالخ (( أغلبها شلخ )))



ومن المواقف اللي قالها (( شلخها ))) ليي أنه في بنيه قعدت على كرسيه وقام يطقها طق لين كسر راسها



هذي من أولها الله يستر تاليها

angle eyes الله يبلغك في حمودي وتحكي لنا يوم من الأيام قصته بأول يوم دراسي...


غداري،، يحليلها بنتك خلاص سجليها مع أخوها يكون يتشجع ومايصيح...


منار.. يحليله ولدك حاجز لج كرسي بعد لا تحاتين... بس لا تعودينه تدخلين معاه بعدين بيتعود..


حبيبة جيمي... ليش أختي ماتاخذينه من الحين الروضة يكون يتعود ومايلصق فيج أكثر...


أحلى شهد.. الحمدلله الله يهديه ومايتغير وذكري الله عليه كل صبح لحد يحسده.


فستان العروس.. يحليله حمودي النوم مقطعه،، خليه أختى ينام مبكر بتشوفيه من نفسه يصحى الصبح نشيط...

السلام عليكم

انا علاوي طبعا باين من الشريط اسم الله عليه بـ Grede 5

يعني رايح بأول يوم واهو متحمس عشان يشوف ربعه اللي ما شافهم طول الصيف
وطبعا الهواش حدث ولا حرج جاي بأول يوم وقميصه مفتوح كامل ليــــــــــــــش
بدون أزرار كلها طايحة >>>>>>>> يقول لي طايح وكلهم طاحوا يعني مين يصدقك ياعلاوي

وحمودي آآآآآه من حمودي لزقة أمه هذا كلا لازق ولا يبي يفارق
والسنة اهو Grade 1 والحمد لله ان بعض اللي كانوا معاه في KG
الحين بعد معاه يعني يعرف بعض اللي وياه في الصف وطبعا بما انه اهو واخوه بنفس المدرسة
يقول انه اي حد يقرب منه والا بياخذ أكله يقول له ان قربت مرة ثانية ترا ما الك الا علي >>( أخوه) بيراويك خخخخخخخخ
واول يوم وصلتهم المدرسة يطالعني وانا أمشي بالسيارة ودموعه اربع اربع :cry:

ياحليلهم،، بس صج قصة ولدك ماتتصدق، طاح والأزارر كلها طايحة مستحيل هذي شكلها هوشة ثقيلة...

حمودي، الله يحفظه الله يهديه، بس عاد مو يطلع لهم كل ساعة بعلي ترى بعدين بيصير فيلم رعب في المدرسة من يشوفون علي بيشردون....

عقبال عبادي إن شاء الله.....

ودخول عيالنا المدرسه والله يوفقهم آمين....

انا بنتى العام وديتها بروحى جلست تبكى وانا ابكى ، وعقب اليوم الثانى امى وزوجى ودوها وجلست تبكى بس زوجى ضربها وتحسف ومسكينة بس خافت من ابوها ان ما في مفر......

وهالسنة قلت لأبوها انت توديها علشان اذا شافتنى بتصيح وقلبي رهيف وبصيح معاها ، جلست معاها بالبيت بدلتها وسويت شعرها وسويت لها حليب موز شربتها وبرزت شنتطتها وعصيرها وبستها عقب قلت لها ماما انا باروح الشغل انتى بتروحين مع بابا بس ما ابي اسمع انج صحتى طبعا يوم قبل شريت اغراض من مذركير علشان ما تبكى ، والحمدالله راحت بخير وسلام من غير صياح وهى اهالسنة K2 ...... بس سئوال هى دوامها ما 8 الى 1 يعنى انومها الساعة كم.......

الله يخليها لك وعقبال ماتدخل المدرسة،،، بس لا تكونون قاسيين معاها وتكره المدرسة...

مبروك دخول عيالكم المدارس
المهم اول يوم ود يت بنتي وهي مستانسة ويلست وياها أول يوم والثاني يوم والثالث يوم خليتها في الروضة وخبرت لمعلمه تركبها الباص عقب رديت البيت
يتني اتصال من الروضة تقول المعلمة ان بنتج ما طاعت تركب الباص تعالوا أخذوها ورحت خذيتها من الروضة
والرابع يوم الصبح أركبها الباص ما طاعت تركب جان أركب الباص معاها وخامس يوم بعد نفس الشي ركبت ويها الباص وبعدين ركبتها بالغصب وتصيح و تصرخ عقب خلاص تركب بروحها انتهت مهتي

اليوم ما طرشتها الروضة تقولي ليش ما طرشتيني الروضة

هلا رانيا

ههههه المشكلة انها توها سنتين ونصصصصصص بس

واليوم بعد رحت اخذه ولصقت تبي تدخل الصف خخخخخخخخخخخ

افكر اسجلها الفصل الثاني يكون عمرها 3 سنوات

موضوع حلو بنتي وديتها الروضة لما كان عمرها ثلاث سنوات كنت اتوقع انها تصيح لانها مرتبطة فيني كثير لكن صار العكس لما رجعت البيت اخذت أصيح واصيح وطبعا ضليت حزينه كم يوم لين تكيفت السنه لها سنه ثالثه والسنه القادمه إن شاء الله مدرسة وانا احاتيها من الحين لانه عالم الروضة بعد شوي مختلف عن عالم المدرسة

يحليله ولدج الله يخلي لج ياه ان شالله
بالنسبة لي لحد الحين مابدا الدوام في مدرسة البنات ان شالله الاربعاء بيكون اول يوم دوام لما اوديها بقول لكم عن اللي صار..

حلو سوالفكم يا الغاليات
يوم الي اودي بعد قلبي علاوي الروضة بعد يارب

اهلين اختي رانيا حبيت اشارك معاكم مع ان بدوري ماراح ادخله هالفصل بدخله على الفصل الثاني والله يعيني من الحين شايله هم لتعلقه الفظيع فيني انشاء الله اله بيسهلها وبالنسبه لعبودي والله مدرسته خوش مدسه عشان مارضو يدخونك وياه لان الطفل ذكي اذا دخلتي معاه مره بيبدا صيح ويرفزهم لين يجيبونك وبكذا يحصل الي يبيه لكن من اولها ممنوع ممتازه وينها ادخل بدوري فيها ليت الرياض فيها مثلها