آخر الهدايا....حزينه

الله يرضى عليك ممكن طلب بتقولين وش دخلك بس بقولك شوفي مادام انكم افترقتو ما داعي تذكرينه من الاصل عديه شيء حلم مر علك ترى ماموجع راسه الا انت وترى ارجال سبحان الله مستحيل يفكر بمثل تفكير المرأه والله لوني منك اروح واشتري حق نفسي هديه واستانس بحياتي ترى ماراح يندم
الا انت

:

حزنتيني =(
طيب دام الفراق كان بسببه
ليش تتذكرينه ؟!

انا مابي اكبر المسأله براسك
بس ماشوف له داعي تهدينه
وهو تاركك


وانتي براحتك

يا بنات ما اعرف بشو ارد عليكم ....بس أنا ابي اهديه آخر هدية

حبيبتي ماادري شقول لج بس الي باعج بعيييه

بس اذا انتي بخااطرج تهدينه اشتريله ساعه وعطر عشان كل مايشوفو الوقت يذكرج ولا حك العكر يتذكرج

ان شاء الله افدتج

المشكلة انه مايحب الساعات

حطي له وردة روز طبيعي بس ذبلاااااااااااااااااااااااااانة ...

وخذي فريم وحطي شيء من كلماته لو بعدج محتفظه فيهن

هذي رضاوه حقج

وإلا تبين الحق ماهو كفو يوم يهدج ويتركج وأنت باين عليج تحبيه ..

ياوخيتي رفيجتي كان زوجها كل ليلة ريلها يبجي ويقول لا تهديني ..

ويوم أفترقوا والله مايلس غير 3 شهور هذا لأنه ماحصل وإلا وده بعد أسبوع وتزوج عليها

الرجال خدااااااعين ومايأمنهم إلا الضعييييييييييييييف ..

ونحن الضعفاء فالله يرحم ضعفنا ويرزقج باللي خير منه يارب

آآمين يا رحييل آآمين.....

خلي الهديه شغلك يدك علشان يحس بالفرق

واخذي شي تضمنين انه يحطه قدام عيونه على طول

جربي برواز وعلى الزجاج خليه بس زجاج واكتبي عليه رساله

والا حطي صورته في البرواز و اكتبي على الزجاج

ساعه وعلقي عليها بطاقه واكتبي فيها شي من تعبيرك عن اوقاتكم سوا
يمكن هالهديه تحنن قلبه وترجعكم سوا

واهديه شي خاص فيك
كان دايما يشوفه معاك
سوي تعليقه للسياره من افكارك
حتى لو كانت بسيطه وحطي حرف اسمك واسمه عليه
وانشالله اذا جا على بالي شي بقول لك

انا من رأيي انج تهدينه قرآن كريم ويكون مزخرف و حطيه بداخل صندوق خشبي صغير وفخم ,,, وبتكون أروع هدية ...


والسموحه ^ـ^

مرحبا اختي روضة القلب

الصراحه طلبج قطعلي قلبي وما بغييت اظهر بدون ما اكتبلج شي..

انا اقووول لو اتحطيين في آخر المندووس الهدايا اللي هو عطاج اياها وفووقها على طوول

الهدايا اللي انتي بتاخذينها له مثلا عطر ولا دهن عوود + عود معطر وآخر شي بعد ما تغلفين

الهدايا اتحطين كرت التهنئه .. انا اقترح انج اتحطين كرتين الاول للهدايا اللي عطاج اياها

وتكتبين له " تعال خذ مني هداياك .. وباقي الصور وأغلى المكاتيب .. ما عاد تنفعني بليااك ..

وجودهن عندي تعذيب"

اما الكرت الثاني وهو اللي بتحطينه مع هدية يوم ميلاده تكتبين عليه

" اهني اليوم بك انته .. لانك من مواليده"

واتحطين التاريخ وعقب اتضيفين " ما طاوعني قلبي ايمر يوم ميلادك بدوون ما اهنيك ولا اهديك"

اعتقد انه هالكلام كافي انه يحس شكثر انتي اتحبينه بس هو ما قدر هالحب

السموحه منج ادري طولت عليج

تحياتي لج يالغلا