شلون أكسب قلب ام زوجي..بتنصحوني؟؟

ع البركـــه ياقلبـــــــــــــي


واللـــه يتمـم على خيــــر


حبيبتـي خليـج على طبيعتج بالتعـامل مو تتصنعيــن


وعامليهــا مثل ماتعامليــن أمـج بحـب وأحتـرام


ومثـل ماتبيـن الناس تعاملج عامليهم بحب وموده ونيـه صافيه ياعمـري


والله لايفرقكم ويسعدكم آميــن يـآرب ^-^

اول شي مبروك

ثاني شي المعاملة الطيبه هي اهم شي اذا كنتي طيبه معاهم بيكونون طيبين معاج

وحاولي انج ماتنعزلين عنهم يعني انزلي معاهم سوي مره كيكه لهم اشياء بسيطه اتخليهم يحبونج وبعد الهدايا تلعب دور كبير

واذا حسيتي انج متضايقه لا تقعدين معاهم وروحي لغرفتج عشان مااتصرفين تصرفات تندمين عليها

والله يوفقج :9_33:

ربي يوفقج و يتمم عليج .. ما حبيت أطلع بدون مادعيلج ...

الف الف مبرووووووووك يا قلبي..
والله يسعدك ويتمم على خير ان شالله ..
انا اقولك كيف اعامل ام زوجي ..
أكيد طبعا زي أمي احترمها واقعد معاها واتكلم واونسها ..
ودايما ادلعها واسألها كيف حالها وابتسم في وجهها ..
وادعيلها قدامها ومن وراها وحتى قدام زوجي عشان في نفس الوقت اكسب محبة زوجي واحترامه ..
وكنت اغلب الوقت لمن اخرج مع زوجي نتفسح او نروح البحر او نتعشى بمطعم ناخدها معانا عشان تنبسط وتغير جو ..
عشان ما تحس انه اخدت ولدها منها نروحلها من فترة لفترة ..
وسرت أشوف الأشياء اللي تحبها واتكلم معاها فيها ..
زي مثلا تتفرج على مسلسل معين اقوم اتفرج معاها ..
يعني نسوي أشياء مع بعض..
حتى احيانا لمن تطبخ ادخل معاها المطبخ واسألها عن أشياء حتى لو اعرفها عشان تحس انها بتعلمني اشياء وبتفيدني ..
ولمن اكون معزومة في بيتها اقوم اباشر معاها لو في ضيوف..
وارفع معاها السفرة واسألها ازا تحتاج مساعدة او لا..
واجيبلها هدايا لمن اسافر او من وقت لوقت ..
ولمن شويه شوية تدخلي معاها يسير بوسي راسها ويدينها ..
لأنها ام زوجي زي أمك ..
وزي ما تحبي زوجة ولدك تعاملك عامليها تمااااااام ..

والله يوفقك ويرزقك محبه ام زوجك ..
اللي لو تقدري ناديها ماما عشان هي تحس انك زي بنتها ..

الله يوفقك ، واعتقد البنات ما قصرو .. كفو و وفو ....

مبارك الزواج إنشاء الله

شوفي حبيبتي لاااااا إفراط ولااااااااا تفريط بمعنى خليك طبيعيه احترمي ام زوجج وقدريها واغدغي عليها الهدايا حتى اخوات زوجج وعمج بعد عطيهم هدايا في المناسبات وخصوصا عمتج وعمج لا تنسينهم بليلة العيد ودائما الصباح سلمي عليهم واسأليهم اذا يبونج تسويلهم شيء مثلا فطور حتى لو افطروا سأليهم منتي خسرانه شيء واذا جبتي انتي وزوجج من المطعم لا تنسين تمرين عليهم وتنزلين لهم شي من اللي جايبته لج انتي وزوجج وبعدين اطلعي لغرفتج مو كل وقتج عندهم وتفرطين بزوجج وحاولي تسولفين معاهم وتفرفشين مو طول وقتج لاااااا اذا جاء زوجج اجلسي خمس دقايق وقولي عن اذنكم بشوف زوجي وخلااااااص انبسطي مع زوجج ....

وساعديهم بشغل البيت....


.

كـوـويتيـه صعبه;4333803:
ع البركـــه ياقلبـــــــــــــي


واللـــه يتمـم على خيــــر


حبيبتـي خليـج على طبيعتج بالتعـامل مو تتصنعيــن


وعامليهــا مثل ماتعامليــن أمـج بحـب وأحتـرام


ومثـل ماتبيـن الناس تعاملج عامليهم بحب وموده ونيـه صافيه ياعمـري


والله لايفرقكم ويسعدكم آميــن يـآرب ^-^

السلام عليكم

شكرا لكم خواتي لانكم عبرتوني ورديتوا على الموضوع:clap:


ويارب تكون حياتكم وحياتي مستقره وهادئه ونرتاح كلنا

مع ازواجنا واهلهم:21_207:

وان شاء الله اطبق نصايحكم

واتمنى بعد يشاركونا باقي الخوات

عشان نستفيد من تجاربهم:clap:

وخاصه اللي يعيشون مع اهل زوجهم ويحبون يكسبونهم ويتقربون منهم

:9_28:

:9_33:

طبعا تعاملينها بطيبه اكيد وتحترمينها ولازم تدخلين بيت اهل ريلج وانتي محسنه النيه عشان الله يعطيك على قد نيتج بس تكونيين حذره
الهديه بين فترة وفتره لها مفعول كبير لام الزوج وتصفي النفوس على قولتهم
خلج هبة ريح في بيت اهل زوجج يعني لا تقعدين بمكانج وتتامرين لان اهل الزوج ترى يحطون البال على تصرفاتج يعني الا سوت الاراحت الا ما نظفت الا كله نايمه ومخليه ولدنا بروحه يكسر الخاطر
غرفة نومج ومكانج الخاص لاتخلين حد يدخل فيها لان ممكن يسبب الغيره حتى لام زوجج وانت ما تحسين وبالتالي تتسبب المشاكل
امدحي ام ريلج قدامها ومن وراها هذا مفعوله كبير جدا
وبس
الله يسعدج ويهنيج ويوفقج انشاء الله وتترسين البيت عيال وفي عز ابوهم تعيشين آمين يارب

حبيبتي خليك طبيعية مثل ما تتعاملين مع اهلك عامليهم

يعني خير الامور الوسط لا تكوني طيبة زيادة ولا تكوني متكبرة زيادة بس انا انصحك خلي لك انتي و زوجك خصوصية

عنهم شوي

حبيبتي آنه مثلج متزوجه وقاعده مع بيت عمي فوق
انه مع كلام اختي سمراء العرب خلي الامور وسط لا تصيرين طيبة بزياده يعني تخلي احد يستغل هالشي فيج ولا تكوني متكبرة واهم شي تكون في خصوصية بينج وبين زوجج
الحمدلله انه مرتاحه مع بيت عمي وهم نفس الشي احبهم ويحبوني مثل وحده من بناتهم
اهم شي انج تكونين على طبيعتج ولا تخلين هالشي يأثر عليج يعني عادي اتصرفي وكأنج في شقه لحالج وبيت عمج مثل لو كنتين ساكنه بره وتيين تزورينهم خصوصا اذا كنتي تاكلين بروحج يعني مو معاهم

الله يتمم لج بخير ويسعدج

زهرة اللافندر;4360754:
طبعا تعاملينها بطيبه اكيد وتحترمينها ولازم تدخلين بيت اهل ريلج وانتي محسنه النيه عشان الله يعطيك على قد نيتج بس تكونيين حذره
الهديه بين فترة وفتره لها مفعول كبير لام الزوج وتصفي النفوس على قولتهم
خلج هبة ريح في بيت اهل زوجج يعني لا تقعدين بمكانج وتتامرين لان اهل الزوج ترى يحطون البال على تصرفاتج يعني الا سوت الاراحت الا ما نظفت الا كله نايمه ومخليه ولدنا بروحه يكسر الخاطر
غرفة نومج ومكانج الخاص لاتخلين حد يدخل فيها لان ممكن يسبب الغيره حتى لام زوجج وانت ما تحسين وبالتالي تتسبب المشاكل
امدحي ام ريلج قدامها ومن وراها هذا مفعوله كبير جدا
وبس
الله يسعدج ويهنيج ويوفقج انشاء الله وتترسين البيت عيال وفي عز ابوهم تعيشين آمين يارب

:21_209::21_209: