اليوم سويتلكم فطاير دجاج سهلة وحلوه في نفس الوقت... وانا خذت الطريقة من الاخت شذى العفاف بس غيرت فيها .... يله وراي على المطبخ عشان انطبقها .. ملاحظه قبل لا نبدا .. خالي مشاعر = أم غلا في منتديات ثانيه ..عشان اوضح انه شغلي وانا الي تعبانه عليه وما نقلته من حد .. اوكي .. والي بتنقل يا ريت تذكر المصدر
اولا راح ابدأ بالمقادير والكميه اتكفي تقريبا 10 إلى 13 فطيرة .. يمكن اكثر ... على حسب كمية الحشوه في الفطيرة ...
المقادير :
اتمنى المقادير اتكون واضحه على الصورة واي استفسار انا حاضرة
الطريقة:
1- نحمس البصل في التيفال مع مكعب زبده صغير (10 جم) حتى يذبل وبعدين انحط عليه الثوم .. ونخليهم لين يتحمرون شوي...
2- نضيف الدجاج على البصل ونخلطهم شوي .. ونضيف شوية فلفل اسود وكركم وبزار ( انا استخدمت بزار بحريني ) ونضيف بعد نص مكعب ماجي ... ونخليهم على النار شويه لين يتحمر الدجاج ..واخيرا قبل لا انطفي النار انضيف الكزبرة ونخلطهم شوي وبعدين انشيلهم من على النار وخلوهم على جنب....
3- انحضر الباشميل وراح نحتاج ( 2 ملعقة طعام طحين + 3 مكعبات زبدة صغيرة يعني 30 جم + كوب حليب + نص مكعب ماجي + شوية فلفل اسود) والطريقة ( نخلط الزبده والطحين على النار ونضيف الحليب والفلفل اسود والماجي ونحركهم على النار حتى تتكثف
4- نخلط الدجاج مع صلصة الباشميل.. وبهذي الطريقة الحشوة صارت جاهزة... ونتركهم على جنب .....
واتمنى الصور اتكون واضحة
5- ناخذ قطعة من العجينة ونفردها بالطول والعرض ونقص الاطراف عشان تتساوى ... بعدين انقص اطرافها من الجنب مثل ما موضح بالصورة .. بس حاسبوا لا تقطعونها بالكامل
6- نضع حشوة الدجاج في منتصف العجينة مثل ما موضح بالصورة
7- بعدين نبدأ نطويها على بعض مثل ما موضح في الصور
وهذا الشكل النهائي للفطيرة
8- وهذا الشكل النهائي للصينيه قبل لا ادخلها الفرن.. بعدين امسحوهم من فوق بشوية حليب سائل عشان يتحمرون من فوق .. السموحه على اشكال الفطاير .. اتأخرت وااايد وانا اجهزهم فقمت ألفهم بسرعة عشان اخلص ..
9- وهذا الشكل النهائي للفطاير بعد ما ظهرناهم من الفرن .. تقريبا خذوا 20 دقيقة .. بس الوقت ممكن يختلف من وحده إلى الثانيه على حسب حرارة الفرن...
وهذا الصحن هدية مني لاعضاء المنتدى الحلوين ...
يله عاد قوموا دخلوا المطبخ وانا في انتظار تطبيقاتكم ... لا تبطون علي برايكم .. انا في الانتظار
اولا راح ابدأ بالمقادير والكميه اتكفي تقريبا 10 إلى 13 فطيرة .. يمكن اكثر ... على حسب كمية الحشوه في الفطيرة ...
المقادير :
اتمنى المقادير اتكون واضحه على الصورة واي استفسار انا حاضرة
الطريقة:
1- نحمس البصل في التيفال مع مكعب زبده صغير (10 جم) حتى يذبل وبعدين انحط عليه الثوم .. ونخليهم لين يتحمرون شوي...
2- نضيف الدجاج على البصل ونخلطهم شوي .. ونضيف شوية فلفل اسود وكركم وبزار ( انا استخدمت بزار بحريني ) ونضيف بعد نص مكعب ماجي ... ونخليهم على النار شويه لين يتحمر الدجاج ..واخيرا قبل لا انطفي النار انضيف الكزبرة ونخلطهم شوي وبعدين انشيلهم من على النار وخلوهم على جنب....
3- انحضر الباشميل وراح نحتاج ( 2 ملعقة طعام طحين + 3 مكعبات زبدة صغيرة يعني 30 جم + كوب حليب + نص مكعب ماجي + شوية فلفل اسود) والطريقة ( نخلط الزبده والطحين على النار ونضيف الحليب والفلفل اسود والماجي ونحركهم على النار حتى تتكثف
4- نخلط الدجاج مع صلصة الباشميل.. وبهذي الطريقة الحشوة صارت جاهزة... ونتركهم على جنب .....
واتمنى الصور اتكون واضحة
5- ناخذ قطعة من العجينة ونفردها بالطول والعرض ونقص الاطراف عشان تتساوى ... بعدين انقص اطرافها من الجنب مثل ما موضح بالصورة .. بس حاسبوا لا تقطعونها بالكامل
6- نضع حشوة الدجاج في منتصف العجينة مثل ما موضح بالصورة
7- بعدين نبدأ نطويها على بعض مثل ما موضح في الصور
وهذا الشكل النهائي للفطيرة
8- وهذا الشكل النهائي للصينيه قبل لا ادخلها الفرن.. بعدين امسحوهم من فوق بشوية حليب سائل عشان يتحمرون من فوق .. السموحه على اشكال الفطاير .. اتأخرت وااايد وانا اجهزهم فقمت ألفهم بسرعة عشان اخلص ..
9- وهذا الشكل النهائي للفطاير بعد ما ظهرناهم من الفرن .. تقريبا خذوا 20 دقيقة .. بس الوقت ممكن يختلف من وحده إلى الثانيه على حسب حرارة الفرن...
وهذا الصحن هدية مني لاعضاء المنتدى الحلوين ...
يله عاد قوموا دخلوا المطبخ وانا في انتظار تطبيقاتكم ... لا تبطون علي برايكم .. انا في الانتظار
