دخلوا بسرررررررررررررررررعة

انا عن نفسي ايه اخذهم لاني اذا تركتهم ما بتهنى بالطلعه طول الوقت افكر فيهم

أكيد اودي بنتي معاي اذا اطلع لان ما اقعد معاها وايد لاني اكون مشغولة لان اشتغل وبعض الاحيان يكون عندي اوفر تايم

فعلشان جذي اذا طلعت اوديها معاي

موضوع حلو...أنا عن نفسى 24 ساعه معه بناتى فى البيت متعلقين فينى وايد.....


أخذهم معاى على حسب المكان...وللضروره أخليهم فى البيت

بس بصراحه لمابناتى معاى أكون مرتاحه أكثر صح أنى اتعب معهم..

الله يخلى لكم أعيالكم

وانا بعد آخذهم معاي اريح لقلبي عن المحاتاه
بس بعض الأماكن ما اخذهم خاصا المستشفى اذا كان لي او لأحد من افراد اسرتي موعد ما نروح كلنا فشله بصراحة واذا بروح السوق بعد ما آخذهم علشان انا آخذ راحتي وما أتأخر عليهم

ولدي صغير و اضطر آخذه وياي كل مكان .. بس اذا اكون متعدلة لزواج او اي حفله ما آخذه اخليه عند ابوه .. لراحتي و راحته بعد عن الفوضى ..

انا اخذ عزوز معي كل مكان إلا لما يكون زواج اوالسوق إذا مجمعات اخذه معي بس سوق الحريم الكبير لا
الحمدلله الوالده واخواتي مايقصرون

انا تقريبا عيالي كل معاي ورغم اني اتضايق منهم الا انهم اذا كانوا مو معاي اشتاق لهم واتنغص عليهم .. لكن طبعا هم معاي في المجمعات والمطاعم وحتى المستشفيات ..
طبعا انا ساعات افكر اخليهم عند ا حد لكن المشكلة ان ما عندي احد اقدر اخليهم عنده كل مرة يعني حسب الظروف وانا من النوع اللي استحي واتفشل كل اخلي عيالي عند اهلي او احد من اهلي زوجي .. اكيد بيقولون تهد عيالي وتطلع مع الريل ههههههههههههههههههه خصوصا اني سمعتهم يتكلمون وينتقدون اللي يسوون هالشي ويقولون ان الامومة مسؤولية واللي بتجيب عيال لازم تتحملهم وتلتزم فيهم مو كل يومين او ثلاثة فالتتهم وطالعة مع الريل فاستحي اخليهم عند احد علشان طلعة سوق او مطعم او سينما وفي اماكن وايد قطعتها علشان عيالي لاني ما اقدر اروح بهم هناك ولا اقدر اخليهم عند احد (w)

بس عموما في طلعات انا ممكن اطلعها بدونهم وهي الاعراس .. الحمد لله انا ناااادرا اذا اخذتهم معاي على عرس ولا دايما اخليهم عند ابوهم ، وفي بعض المشاوير مثل رايحة صالون حق شي او بعض الزيارات والعزومات اللي اروحها مع اهل زوجي اقوم اتركهم عند ابوهم واطلع ..


ان شا الله يوم يكبر ولدي الصغير راح اقدر اخليهم عند اي احد بسهولة لان بيكونون خلاص اعتمدوا على نفسهم .. لان ولدي الكبير من صغره كان يحب يبات عند اهلي لكن انا كنت اتفشل لانه صغير ويبي له رعاية وتبديل حفاظ وتغسيل وهالسوالف لكن الحين يوم كبر واعتمد على نفسه صار عاااااااااااادي واقد حتى اخليه بالايام عندهم لولا انه يوحشني :2_106: وان شا الله يوم يكبر الصغير اخليه مع اخوه عند اهلي او عند احد من اهل ابوهم واطلع كل مكان واخذ راحتي واستانس مع زوجي :21_207:

الطلعات خلاص تقل بعد العيال وخصوصا بين الزوجين ، والله ينسون ذيك الأيام اللي تذكرهم بالخطوبة وأول أيام الزواج (إنزين بس تبين حد تطلعين حرتج فيه)..

ولدي آخذه معاي المجمعات والجمعية التعاونية لأن ماشاء الله عليه بطبعه هادي وينربط بسهولة في العربانة.

الزيارات والأعراس مستحيل آخذه معاي، إذا الحفلة مع أهلي أخليه عند أبوه وإذا أمي موجودة أخليه معاها، بعد مايصير ولد من الحين أعلمه على النسوان والرقص والهز، بتتبطل عينه وعقب سنة بيقول لي باعرس هههههههه.

إذا آنه وزوجي بنطلع خلينا وحده من خواتي تقعد بشقتنا Babysitter والصغيرة تقول بس عطوني دينارين حق بطاقة مدفوعة الأجرة حق الموبايل وباقعد عندكم (وايد حليوه تنفع) بس طبعا هالطلعات مرة كل شهر او شهرين أحيانا.

إذا عندي عزيمة أو موجب بعيدة عن منطقتنا ، خليته بيت أهل زوجي لأن بيت أهل زوجي بعيد عنا يعني بيكون قريب من مكان عزومتي، بس طبعا نادرا ماتحصل لأن ولدي مو متعود وايد عليهم، وقبل كنت آخذ الخدامة معاه بس من راحت صار مايفج عني.

المكان الأخير، بيت جدي، لأن خالي وعائلته ساكنين هناك وعندهم عيال بعمر عبودي ومرت خالي ماتقول لا، هذا هو البيت المنقذ.........

انا والله للاسف ما اقدر اخليهم عند اي احد ابدا مو بشي بس لانهم ما متعودين ابدا
واضطر اخذهم اي مكان معي او الغي الروحة كللها لاجلهم

بنسبة لي انا اخذها كل مكان بس لحينة ابها تقعد في البيت عند اهلي لان تلعوزني وايد

بصراحة أنا آخذ ولدي الصغير معاية لأن ما يشوفني طول اليوم وبعد في الطلعة ما آخذ معاية بيعور قلبي

انا اخذ عيالي كل مكان .. اتصدقون اني يوم اروح مواعيدي فالمستشفيات هم وياي ...

بس نادر اخليهم عند امي ..

انا بصراحه ما أأيد ان الطفل يتبع امه وين ماتروح ..
لانها بتعذب معاهم كل ماجات بتطلع مكان بيتعلقون فيها
ويسوون لها مشكله وازعاج للناس اللي بتزورهم ..انا اذا رحت زيارات او عرس او
احيانا السوق ما اوديهم معاي ..بس في الاسبوع اخصص لهم يومين او ثلاثه تقريبا اطلعهم
فيه للالعاب او بيت ابوي اوخالتهم او عمتهم اما تسوق وغيره ما اتحمل ازعاجهم وحنتهم .
وهم خلاص تعودوا انهم يشوفوني بطلع ما يتعلقون فيني .

انا ولدي كل مكان اروح ويايي


مستحيل اخليه عند احد

اعراس زيارات واسواق ومجمعات


حتى الصالون اذا اروح يجي ويايي من يوم هو صغير ولحين


بس الحين لما كبر اذا اروح مكان وانزل مثل صالون مثلا

يقول ما بجي وياك بروح وية البابا ويصير وية ابوه


بس اكثر شي من زيارات واعراس يكون ويايي

هللللللللللللللللوووو


اي اني عن نفسي اودي ابني وين ما اروح ما احب اخلية عند احد

واصلا ما ارتاح الا بالطلعة ويااااااااااه ومع زوجي

انا افضل اشيل ولدي معاي لان طبعا الراحه النفسية

بس الاحظ ان اغلب الرجال مايحبون يرتبطون باليهال

فالافضل يكون في حد بديل يمسكه اذا ودج بطلعه خفيفة بدونه

بصراااااحة .. تامة .. وبكل امااانه ... انا ما طيق الامهات اللي يسحبون عيالهم في كل مكان ... رقديهم واطلعي
اذا مالهم حاجة في الشسوق .. يعني اذا بشتريلهم اوديهم او اذا بلعبهم ... والا اذا مالهم سالفة مو لازم يروحون .. اخصص لهم كل جمعه نطلع طلعة عائلية مع ابوهم .. ممكن شوي استحمل .. بس كل يوم ... لا لا لا لا طالت وشمخت