هل انتي مع او ضد وجود ......

السلام عليكم ورحمة الله وبركاته ..

هلا فيك عزيزتي / عروس دبي

ليس مؤيدة لوجود الشغالة ولا ضد ذلك ، مع الظروف اذا ضطر الشخص

لها فلاحول ولاقوة الا بالله واذا لاتوجد ضرورة لها فالحمدلله الله يغننا عنهم

ويغنيهم عنا .

أكيد ان وجودها يسبب أزمة وحبس للحرية في الملابس وفي كل شيء

وخاصة للذين في قلوبهم خشية لله ، وجود الشغالة تجعل الوحدة تتعب

نفسياً وترتاح جسدياً .


وبرأي ان تتعامل الشغالة بطريقة وسط ليس كصديقة ولا معامله رسمية

وقت الجد جد ووقت المزح مزح ولكن بحدود

على النساء أن يتقين الله في الشغالة وفي لبسها الكثير من الناس اليوم

يخرجونها بالبنطال وشعرها مسدول وبعض المكياج وكأنها من المحارم

وتكون بذلك سبب في إغواء الزوج أو الإبن أو أحد من الأقارب فكم من

القصص التى نسمعها وتعض المرأة أصابع الندم بعد فوات الأوان وهي

السبب الرئيسي لذلك

لك تحياتي

سراب

شكرا عزيزتي سراب على الرد وبعض النقاط اللي ذكرتيها غاية في


الأهمية وصحيح وجود الخدامة يحسسج كأنج مراقبة طول الوقت


ياليت الكل يشارك معانا بأبداء وجهة نظره في الموضوع عشان تعم


الفايدة...

عزيزتي :
بالنسبه للموظفه الخدامه شر لابد منه
اما بالنسبه لمعاملتهم فمن تجاربي المريره مع الشغالات كلهم ما ينفع معاهم سواء عاملتيها برسميه او كصديقه
الافضل تعامل بما يرضي الله ماتحرم من حقوقها وبس

والله ما ادري
بس انا اشوف امي تعامل الشغالة
برحمة وطيبة 000بس والله الشغالة
هذه اللي عندنا تستحق هذا الشي
لانها مرة طيبة وامينة وتسوي شغلها
كله ماشاء الله عليها 00حتى لو غلطت
وسوت شي خطأ امي ما تزعق عليها
ولا تخاصمها 00لان امي تقول ((هي مثلنا
لحم ودم وهي مثلنا بشر وكل البشر يخطؤ
ليش اذا احنا اخطأنا محد يخاصمنا والا هي
عشانها شغالة )) هذا كلام امي وهذا اللي
انا اشوفه بس عن باقي الشغالات والله ما ادري000


:)

الغالية عروس دبي...
قالوا المضطر يركب الصعب...
والشغالات شر لا بد منه...
وبالنسبة للمعاملة... في نظري
ومن خلال تجربتي ... المعاملة برسمية
وما أعطيها المجال للإطلاع على أسرار حياتي
وبيتي ولو كانت صغيرة ولو كانت تعيش معاي
بنفس البيت...
على العموم الشغالات مثا البطيخة... إنت وحظك...

انا اقول لو انتي تقدرين تستغنين عن الشغاله يكون احسن....والله مافي احسن من العيشه انتي وعيلتج بدون شخص غريب معاكم عايش بينكم ويطلع على اسراركم؟؟؟

ابدا ماراح تاخذ ربة البيت راحتها لا من ناحية لبس او غيره....


لكن بعض الاحيان تكون الشغالة ضروريه...وفي هالمرحله...المفروض ان ربة المنزل تحصر عمل الشغاله في البيت على اعمال معينه...يعني ممنوع تدخل غرفة نوم الزوجين...وعلى ربة البيت ترتيبها وتنظيفها....(أصلا شي مقزز ان الشغالة هي اللي ترتب غرفة نومي؟؟ومكان زوجي؟؟)

والمفروض ايضا ان الشغاله ما تدخل الاكل على الزوج او تناوله شي..يعني يكون شغلها في المطبخ بس...(وكيف ترضين ان حرمه غريبه تناول زوجج الماي او تحط له الغدا وانتي موجوده؟؟؟)


هذا غير التقيد بلبس معين...

الخدامه فعلا شر لا بد من وجوده خاصه في عصرنا الحالي

وبالنسبه لطريقة معاملتها اعاملها معامله رسميه وما اعتيرها صديقه

لانها وحده غريبه وبنس الوقت اكون طيبه معها بس مب زياده

لان الخدامات اذا سويتي ليهم سالفه تلاقونهم يا خذون راحتهم

في كل شئ علشان جذي يكون التعامل الرسمي افضل

ومن ناحية انه تقيد حرية الوحده في اللبس فهذا صحبح

والمشكله في ان بعض الاطفال يتعودون على الخدامه وما يبون حد غيرها

وهذا طبعا شئ سئ فلازم على الام انها ما تخلي عيالها يتعودون عليها

وتهتم دائما باطفالها