أي الألعاب يحبها طفلك؟ ولماذا؟؟

أسماء عزيزتي موضوع جدا حلو مثلج

والله يخلي لج عيالك يارب وتفرحي بيهم


اني ولدي علاوي عمره 4 سنين وما زال يحب لعبتيه المفضلتين


الاولى وهي المكعبات عنده أياه بعمر السنه وهي مخصصه لهذا العمر لأنها خفيفه و وحجمها كبير

وبسهوله تتركب أما الحين فأخذت له النوع اللي يناسب عمره عشان يقدر يتحكم أكثر بعضلات يده


واللعبه الثانيه هي المواصلات فهو دائما ياخذ له السيارات النوعيه الصلبه وبكل الاحجام وتناسبه

لانه هو بسرعه يكسر الالعاب بس هالسيارات ماتتكسر بسرعه ههههه صلبه وبعد عنده طائرات و

معضم أنواع السيارات مثل الخصوصيه والتاكسي والسيارات المخصصه للبناء وسيارات المطار تبع الحموله

والاسعاف ووووالخ بالأضافه للقطار وعرباته وبعض السفن ووووووالخ


هذي الالعاب اللي يحبها ولدي


أما البنوته فعمرها شهرين تحب الالعاب اللي تصدر صوت

أشوفها دوووم تنتبه للمسيقى اللي بسريرها واللعبه اللي تصدر صفير بعد تبتسم لما أضغط عليها

موضوع حلو

حمودي عمره سنه...يحب الكور..يموت في شي اسمه كره بكل الانواع والاحجام ويرميها فوق...واذا حد ماسكه م ايديه يشوتها برجله :)..ولو شاف مباراه عالتلفزيون يستانس و يقووول بوووول طاااااااخ..:21_8:

اشوفه بعد يحب السيارات شويه..بس عشقه الكور :)

عزوز عمره سنتين إلا10ايام مفتون بالكره طول اليوم يلعب فيها بس هذا الشبل من ذاك الأسد
السيارات احيانا يلعب فيها 10 دقايق ويمكن اقل ويرميها
ويحب يلعب بالقيم بوي لحد ماشراله ابوه واحد
مايعرف يلعب بس يشوف الحركات ويضحك؟؟؟

انا ولدي يوم هو صغير كان يعشق الكور بس الحين يعشق السيارات وبشدددددددة ..

ولعبته المفضلة هو انه يصفهم ورا بعض ويمشي سيارة ورا الثانية على كبر المكان يعني يبتدي من مثلا من غرفتهم ويطلع للصالة ويروح غرفتنا على نفس اللعبة يمشي سيارة ورا الثانية بدون ما يتعب او يتملل من هاللعبة :qaq:
وملاحظته بعد يحب البلاي ستيشن مع انه ما يعرف :gum: وحتى اذا نروح محل العاب يترك الالعاب اللي بسنه ويروح لالعاب الفيديو جيم :21_176:

يحب العاب ثانية بعد لكن اللي ذكرته هو المفضل عند ولدي الكبير اللي عمره 3 سنوات ونصف تقريبا ..




اما الصغير ،، عمره 9 اشهر .. يحب الكور اكثر شي :2_106: يمكن نفس اخوه لان اخوه في هالسن كان يفضل الكور .. وبعد اخوه عنده سيارة كبيرة يقعد داخلها يمشيها واشوف ان ولدي الصغير واااااايد يحبها ودايما من يروح غرفتهم راح لهالسيارة ومسكها ووقف .. ساعات اخليه فيها وهو يستانس ويضحك :poster_dev:

مع أمهات الأولاد.. الكرة ثم الكرة،، عبودي من صغره يعشق الكرة وماشاء الله عليه يشوت الكرة بقوة،،، وقبل كم يوم لعب بمطبخ أمي الكرة وكسر صحونها ،، فشلني وايد...

الشي الثاني الطين والتلوين عشقه بعد الكرة، طبعا مانطلع الا معانه دفاتر وألوان ولازم في السيارة بعد...

المكعبات يميل لها شوي بس يحب ال Puzzles وفعلا هاللعبة تنمي الذاكرة...

أختي و أخوي أشتغلوا عليه عدل بالإجازة الصيفية وعلموه على الكمبيوتر، مواقع حلوة مثل Thomas و starfall..

السيارات بعد يحبها وخصوصا الصغيرة يحب يسوي شوارع ويحركها...

الشي الأخير واللي خلاص مليت منه وطفشت وقام يطلع لي ولزوجي في أحلامنا هو سبايدرمان، يحطهم ويصارعهم ببعض ويخلي النينجا معاهم ومن يغلب.....

اشوى في وحده مثلي العيناويه بنتي نثل ولدك حتى لو تلعب ما تمهل دقيقه باللعبه لكن لما يكون لعبها بالمطبخ ويلااااااه ما تخلص من المواعين

موضوع حلو و جديد كمان تشكري أختي ..

ولدي عمره 10 شهور مثل ماهو واضح بالتوقيع .. يحب الالعاب اللي تتحرك بحالها .. يعني نشغل المفتاح و تبقى تتحرك و هو يراقبها و يحبي وراها بس صار هالايام يكسر فيهم ..

اتمنى بسرعة يكبر و يكتشف العاب جديدة و تعليمية حتى تسلية و افادة بنفس الوقت ..
و يحب يمسك سيارة بيده و يمشيها عالارض . عاد هالحركة مع كل شي يسويها حتى التلفون يمشي فيه .. خخخخ

و اعطيه قصص من الورق المقوى يحب يتصفح فيهم ..

فديت علاوي .... ما عندع غير الكور واحيانا يحب السيايير ... بس ما شاء الله عليه الكور عنده "اتقال" يعني نفس البرتقال ومستحيييييييييييييل يقول كرة لاااااا يقول ماما اتقال حياتي ...... يحب يتفنن معاها ....
حتى اذا شاف مباراة يقول اتقااااااااال قووووووول عمري والله ....

مرة في سنتر شاف سيارة والحبيب يتحرى نفسه في البيت عشان ينام على بطنه ويمشي السيارة اشوف انبطح ويبا
يمشي السيارة بييده في السنتر ... فضيحه ... وعنده العاب التركيب يوم يبا يلعب فيهم ،،بس اكثر شي متعلق بالكور ...

وحياااااااااااااته مواعين المطبخ .... يطلع الجدووور والصواني والجيكات واييب لي في الحجرة .... ويضحكني يوم حضرته كان مرة في المطبخ مبطل باب الثلاجه ويحط الطماط في الجيك يقولي اتقاااااال ... حياتي


يا الله ان شاء الله بيكبر واكيد العابه بتختلف عن الحين وبنشوف شو بيحب عقب !!!!



رووووووووووووز

العيناوية;4335066:

انا مستغربة من ولدي مايحب الالعاب أبدا :think: مادري ليش كل ما اشتري له العاب يمسكها دقيقة وخلاص ولا يعود

يلعب فيها وقمت آخر شي ما اشتري أوفر لي :cool2:


يحب يلعب بالكورة بشكل جدا قليل ولعبة التركيب ( ليجو ) بشكل بسيط بعد

بس اغراض البيت والمواعين والملاعق وخاصة الصواني خخخخخخ عشقه انه يلعب فيهم

بس مادري هل ولدي عااادي انه مايحب الالعاب ؟؟؟؟؟؟؟؟؟؟؟؟؟

لا حبيبتي ابنك مش وحدة .....

ابني ما يحب يجلس في مكان ويلعب ،، لعبته الوحيدة هي التجوال واكتشاف الاشياء الجديدة في المطبخ والحمام ...
خلاص مرة تعبت معاه وانا الاحق بعده ... يدخل المطبخ ويجلس يلعب بمفاتيح الدواليب التحتية واذا حصل الدولاب مفتوح ،،، خلاص يخرج كل شي ويجلس يلعب فيه ،،، صحون ،، مواعين ،،، ملاعق حتي مفتاح الدولاب نفسه ... يدخل الحمام يشتي يروح للحوض والمغسلة وبرميل الماء ،،، واجري انا الحقه اخرجه من الحمام ..... ويدخل غرفة النوم يشوف السجادة حق الصلاة يلتهي بها وبعد شوية اهااااااااااااااااا ايوة والله عرفت هو ايش يحب ...
المكنسة الكهربائية ...مستعد يجلس اليوم بطول يلعب بها " مكنستي صغيرة مش كبيرة بيضاوية ولونها احمر " هو يحبها كثير ،، انا اطرحها تحت السرير ،،، هو يدخل تحت السرير ويخرجها ويجلس يلعب بها ... اما اذا شغلتها وهو موجود في مكان ما ،،، يجررررررررررررري يجي لمكانها ويجلس يتفرج فيها ويحبي بعدها مكان ما راحت ....
يعني محبة قوووووووووووية بينة وبينها ....

انا عندي بناتي كل وحده تختلف عن الثانيه ..
عندي نور عمرها 5 سنوات ونص عشقها الالعاب الالكترونية
مثل السوني PSP والقيم بوي والعاب الكمبيوتر وكل هذي الالعاب ..
وبعد تحب الالعاب اللي فيها حركه وركض والخشيشه (الغميضه) ..
وتحب اللعب بالدمى واكثر شي تحبه وانتوا بكرامه الكلاب ..لكن ماتحب تلعب
بالعرايس والبيبيات ..اما نجلاء بنتي وعمرها 3 سنوات وشهرين ..تموووت في العرايس
تحب تلبسهم وخاصه الحفاظ وتمشط شعرهم وتمهدهم وتنومهم حنونه هالبنت فديتها ..
وتحب تلعب بالعاب المطبخ وخاصه الحقيقيه ، ادخل المطبخ القى المواعين على الارض
وخاصه الادوات الاستيل والبلاستيك تمثل انها تسوي شاي فيهم وعيش ..هههههه

أنا بنتي ماريا الله يحفظها عمرها سنة و تحب الدمية موووت من تشوفهم تقول دادو أو دادوة لدرجة أنها ما تنام الا لازم الباربي جنبها و تحب الكتب المصوره اللي كلها صور مصنوعة من الورق المقوى تحب تتصفح فيهم و تحب التلفونات و الجوال تمسكهم تسوي روحها تكلم و تقول بابا تعال و تحب المطبخ تفتح الكباتة اللي فيه و تطالع اللي داخله فديتها عمري الله يخليها