انه في ورطه ومحتاجتكم ابي مساعدتكم

ن

نونة العمر

عروس مبدعة

01-09-2007 | 04:49 PM

السلام عليكم ورحمة الله وبركااااااااااااته

اشلونكم ياعرايس وشخباركم ادري مللتكم معاي من مشاكلي بس مالي الا الله ومن ثم انتو00000000

تدرون اني انفصلت عن زوجي من مدة شهر او اكثر عقب ماحرمني من اعيالي وانه عقب مايأست قتله موافقه على شروطك اللي اهي اتنازل عن البيت وهوة الي ايحدد النفقه على العيال

ويوم رحت معاه المحكمة تنازلت عن البيت وكتب النفقه بس 50 دينار اللي اهي (( 500 )) ريال بس حق اعيالي الثلاثه وبعد سكت عنه بس عشان اشوف اعيالي لاني خلالالالالالالالالالالاص حسيت بانجن

بس الحين الكل يلومنى ليش وليش سويتي هالشي واعيالج تدرين انه اهمة كانو عايشين في خير وانتى ماتشتغلين الحين والكل قالي ارفع على طليقى قضيه اني كنت مكروهة يوم تنازلت عن البيت والنفقه

انتو اشرايكم شاسوي انه وايد على نياتي واخاف الكلب ياخذ اعيالي ولا ايسوي شي فهموني الله ايخليكم

y

yakoutta

عروس رائعة

01-09-2007 | 04:55 PM

الله يفرج عنك اختي و يبدل همك سعادة و ياجرك في مصيتك يارب و يعوضك بخير منوا .. للاسف ما عندي اي فكرة عن الموضوع و ما اقدر انصحك بشيء بس استخيري الله سبحانه و تعالى والله يقدملك الي فيه الخير و اهلك بعد لا تبعديهم عن الموضوع اكيد بيساعدونك في القرار السليم شاوريهم موفقة اختي

s

sarah_uk

عروس ماسية

01-09-2007 | 05:12 PM

الله يفرجها عليك اختي لاتتنازلي عن حقك وعيالك من حقك تشوفيهم طالبي فيهم وربنا يعينك يارب

u

uae-moon 44

عروس مبدعة

01-09-2007 | 05:16 PM

انتي تسرعتي الغالية اصلن اذا طلقج الحضانة لج والله يهون عليج

ن

نونة العمر

عروس مبدعة

01-09-2007 | 07:02 PM

تسلمون على كل من رد علي

s

shosho78

عروس متألقة

01-09-2007 | 07:14 PM

ياربي ، اش فيهم الرياييل كذيه صايرين ، وين الرجوله لما الريال يستغل ضعف المره ويجبرها ان تتخلى عن اشياء اهي وعيالها في امس الحاجه لهم ...

الدنيا انقلبت الرياييل اللي صج رياييل بمعني الكلمه الضاهر جريب بينقرضون ، الله يصبرنا يارب

حبيبتي اللي اقدر اقوله لك ، ان اذا كان ممكن ترفعين عليه القضيه اللي قالو عنها هلك وفي احتمال كبير انك اتكسبينها ، رفعيها عليه ، لأن حرام فيه صراحه البيت وحته فلوس عيالك .. و50دينار اش بتسوي في هالزمن الصعب
واذا تقدرين بعد اتدورين لك شغل عشان تقدرين تساعدين نفسك وعيالك ، بعد بيكون احسن واحسن ..

والله يوفقك ويفرج همك وحسبي الله ونعم الوكيل

س

ســوار

عروس رائعة

01-09-2007 | 07:34 PM

ربي يفرج كربك ويثبت فؤادك ويصبرك..اختي لازمك تسالي محامي وهو اللي يشور عليكي..