++ شحالكمـ خواتيـ ++
++ بصراحة خاطري كان في كيكة وكل ماسوي كيكة احيانا ماتطلع اوكي ،، بس دورت في النت حصلت طريقة هي طلعت كيكة سادة ( كيكة بيضا يعني ) وانا حطيت لمساتتتتي من الجالكسي جربت وطلعت لذيذة جربوها
تراها سهلو وااااااااااااااااايد .. ++
++ المقادير ++
كاسين طحين
ملعقة كبيرة بيكنج باودر
كأس سكر
كأس حليب
ثلاث أرباع كأس زيت
3 بيضات
فانيليا
( جالكسي سادة )تقريبا 4 حبات
++ الطريقة ++
ننخل الطحين وال باكينج باودر ونتركه جانباً ..
نضرب البيض بعد إضافة الفانيليا عليه حتى تظهر فقاعات كثيرة
نضيف السكر والزيت والحليب ونستمر بالخفق
الآن نضيف الطحين بالتدريج ونخفق بملعقة خشب ( حتى لا يخرج الهواء من العجينة )
وبعد أن تتمازج ممكن أن نخفقها بالخفاق اليدوي مدة نصف دقيقة وعلى أقلللللللللل سرعة ..
نصبها في القالب ونترك القليل من الخليط ، هنيه قطعت الجاكسي( اثنين يكفي ) الى مكعبات صغيرة ونثرتها داخل ، وعقب صبيت الخليط الباقي.
نضعها في فرن حرارته 180 من فوق وتحت ، وبس
خليها تبرد شوي ... وعقب قلبيها في طبق التقديم ..
++ مقادير الصوص ++
شوية حليب سائل ، شوية زبدة ، علبة قشطة ، واثنين جالكسي وحطيت واحد جالكسي بالكراميل ( طلع لذذذيذ) وحطيهم على النار لين يذوب وصبيه على الكيكة وبس
وهاذي بعد ماقطعتها وحطيت الصوص فوقها
وهاذي قطعة أمي
ترى لذيذة وسهلة جربوها ...