الولادة عن طريق أبر التخدير في الظهر.....

أهلين أختي

الله يسهل عليكـ في وقتكـ يارب
ويقومكـ أنتي والبيبي بالسلامه يارب

أنا ولادتي كانت قيصريه وأخذت إبرة الظهر هذي وبقولكـ عن تجربتي
التخدير يكون في الجزء السفلي اوكي
اناعمليه وبالنسبه لي مستحييييييييييييييييييل ارجع اجرب الابره هذي مره ثانيه
مو قادره انسى ليومك احساسي بالعجز وكأني مشلوله نفسي احرك رجلي وقتها
مو قاااادره ..... حسيت جاتني حالة هستره الا ابي احرك رجلي مع اني عارفه
اني مخدره وماراح اقدر بس نفس الشعور كان قاتل .....
شلون لو كانت ولاده طبيعيه كيف الوحده تدفع وهي فاقده الاحساس بالمنطقه ؟؟

وأنا قالو لي وقت الطلق بيعطوني اياها بس راح تطول عملية الولاده شوي
يعني اللي تاخذ الابره تطول عن غيرها هييييك قالو لي...

وشوووو كمان ايه اذكر استشاري التخدير جاني وقالي هذي الابره
دقيقه جدا جدا ومو أي أحد تثقين فيه يعطيك اياها لانه لو حصل فيها غلط لا سمح الله تكون لها عواقب
هي تكون اسفل الظهر بين الفقرات ....

ووقتها تقريبا من 4 الى 5 ساعات تقريبا بس مدري لو كانو يخلونها وقت اطول
بس انا قالو لي بيروح البنج بعد 4 او 5 ساعات بعد العمليه

أنا ماأخوفك بس احكي لك عن تجربتي وبالنسبه لألمهاهي ماتعور عادي يبنجون الظهر وبعدين
يعطونك اياها .....

الله لايحوجك لها وتكون ولادتك سهله ياااااااااااااااااااااااااارب
تحياتي لك

تسلمين أختي شوق العيوووون على ردك علي
أنتي يعني ولدتي قيصري بنصف تبنيج؟
و بالنسبة لي أنا ما أقدر على الألم عذاب و حابة أجرب هذي الأبرة و أولد طبيعي لأن عرايس واجد مدحوها بالمنتدى
بس حبيت ألقى رد على كل أستفساراتي و أتمنى ألقى الرد الشافي عند عرايسنا الحلوين و أستفيد و يقل خوفي
و إن شاء الله انتي أختي تولدين طبيعي المرره الجاية

في ناس وايد جربوها ويمدحونها وماسببت لهم اعراض وفي ناس العكس انا كنت باخذها بولادتي الاخيرة وطلبتها وانا اطلق ودقوا على دكتور التخدير ووقعت على ورقة وزوجي وافق لكن بعد ماحسيت بالعوار واشتغل الطلق علي رفضت اخذ هذي الابرة فجاه غيرت رايي ورفضتها والحمدالله اني ماخذيتها خيره من الله واحمدالله الف مره اني ماخذيتها والحمداله ولدت بالسلامه ووقت قياسي الدكتورة ماتوقعته

أختي راعية الكايين2007 تسلمين لتشريفك لموضوعي
و الحمد لله الله سهل عليك و لا أحتجتيها
أتمنى إن العرايس يفدونا بتجاربهم

حبيبتي انا بعد خذيتها وعن تجربتي انا انفتح عندي الرحم عشره سانتي بس ماتسهلت الولاده يمكن على قولة الاخت انها تأخر الولاده لكن بعدها عملو لي قيصرية لأنهم قالو ان الجرح الاول بينفجر وهو جرح العمليه الاولى وصار له ثمان سنوات انا بصراحة ماصدقتهم وبعد ماسوو لي العمليه انتفخت رجولي وخاصة اليسرى وتميت شهرين وانا اسحبها الحمدلله ماصار فيها تجلطات بس صار التهاب في الاعصاب ولما فحصت عند دكتور ممتاز اللي بفضل الله ثم فضل علاجه تحسنت قال لي تحملي تاخذين الابره هذي مره ثانيه لأنها تسبب شلل وانشالله ماتشوفين شر ونصيحتي لك لاتاخذينها وانشالله ربي يهون عليك الولاده واذا عرفتي الاجر اللي يجينا من ألم الطلق راح تتحملين وجع ساعة لأن الطلق واوجاعة له حكمة عند الله وهو يكفر ذنوبنا الله يحسن خاتمتنا.

انا بصراحه ما انصحك فيها صديقتي استخدمتها000
والى يومك تعاني من الام بالظهر

والله خوفتوني كنت ناويه اخذها بس بعد كلامكم تراجعت اتحمل الطلق والحمدلله تكفير ذنوب

مرحبا خواتي .. حبيت اشاركم الموضوع انا بالنسبه لي خذت الابره والحمدلله كل شي كان تمام وما عانيت من اي مشاكل الحمدلله ان قبل الولاده والا بعدها .. على فكره انا ربييت بامريكا وقبل لا اخذ الابره كانت دكتورتي اتكلمني عن الابره وتنصحني فيها اتقولي هاي الابره بالنسبه لنا شي عادي كانه ابره تطعيم عندنا متعودين ياخذونها لانه من ايام الاربيعينات وهم يضربون ها الابر... بالاخير يعتمد على الخبير والاستشاري اللي بيضربج يعني انا لو كنت فبلادي مستحيل كنت اخذها بصراحه اتزيغيين على عمرج. ..

ماعندي فكره

انا بقول لج اللي أعرفه عن هالابرة


لو طبيب التخدير ثقة وله خبرة.. فإن شاء الله ما في خوف من هالابرة .. يعني حتى المها مقبول وممكن تتحملينه

وهي تختلف عن الابرة اللي تبنج النصف السفلي في عملية القيصرية.. اذا تولدين طبيعي ..هالابرة راح تشيل الشعور بالام بس راح تحسين برجولك وراح تقدرين تحركينها عادي..نوع التخدير يختلف.. مو مثل اللي في العملية القيصرية.


والعملية مأمونة إن شاء الله ..بس انك تتأكدي من خبرة طبيب التخدير


والله يقومك بالسلامة يارب ويسهل لك ولادتك.. اللهم آمين يارب العالمين يارب

تسلمون خواتي على تفاعلكم
و أختي بدر البدور الله يوفقك طمنتيني
بس يا جماعة ما أحد جرب مستشفى التداوي بالدمام أتمنى أشوف تفاعل