السلام عليكم و رحمة الله و بركاته
شلونكم عراااااايس،،عدنا بعد اجازة الصيف،،وتراكم وحشتوووووني
اول شيء حابه اشكر مشرفتنا الغاليه : مسزز غموضه، ،الي كانت دايم تنصحني بهالماركه
و صحيح يوم جربت من عندهم استانست و صرت دايم اقرا بكتالوجاتهم و موقعهم اون لاين
هذي الماركه هي ماركه
بينيفت
و بصراحه انا من زماان ودي بحاجه تعطي اضائه
من غير فاونديشن ولا بودره،،بس حاجه ناعمه تعطي glow و جربت اكثر من ماركه بس مالقيت الي يناسبني
انا بشرتي مختلطه و لوني سمراء فاتحه،،فمو كل شيئ يضبط علي صح
بس بصراحه هذي الاضائه من بينيفت،،فوق انها خفيفه،،لكنها روعه و اقدر احطها لحال من غير ميك اب كامل
طبعا هو فيه انواع من الاضائات: shimmer
و يختلف حسب لون بشرتج
هاي بيم:high beam
هذا المنتج يعطي اضاءه على لون وردي،،يناسب البشره الفاتحه و الحنطيه
موون بيم:moon beam
وهذا المنتج مكتوب بالموقع انه يناسب البشره الحنطيه و السمرا الفاتحه ، و السمرا الزيتوني(الغامقه)
*انا بالنسبه لي استخدمتها و حسيتها صاير لونه على ابيض فاتح،،فماعجبني حيل،
هوليوود جلو: hollywood glo
و هذا المنتج اللي تكلمت عنه،،وهو اساس الموضوع، لانه يعطي لمعه برونزيه،،فحسيته بالضبط مثل لوني
و فوق كذه مايحتاج كميه كبيره،،بس كم نقطه على الجبه و عظام الخد و ارنبه الانف و يصير مرره حلو
و ينصحون ان لما نحط منه ،،مانفركه على البشره،،بس نحط كم نقطه و دمج بسييييييط مرررره
و ممكن يكون كلمسه اخيره بعد المكياج،و ممكن يكون لحاله
و في منه للجسم.
و في الختام: اتمنى يكون الموضوع عجبكم،لاني بصراحه شفته مره حلو و حبيت افيدكم،،واضفت اكثر من منتج،
عشان ينسبكم كلكم
و انا ماحطيت الموضوع الا لاني استفدت من المنتج
ربي يوفقكم و ييسر اموركم ،،وادعوا لي بالتوفيق و النجاح
