شوفو زوجي اش سوه فيني في الغربه ؟ ساعدوني

السلام شلونكم خواتي

مشكلتي عويصه ومحتاره ... ساعوني

زوجي والله عازته ومو مقصره معاه وتركت الشغل عشان ما اقصر في حقه وشوفو شنو سوه فيني متزوجته من 4 سنوات وما عندي عيال .....

رحت انا وياه اجازه قبل كم اسبوع ، وسكنا بيت صديقتي وزوجها ، وصار خلاف بيني وبينه والله على شي تافه وما يستاهل حته اذكره ، راح وطقني بيت الأوادم وقال لي يا زباله يا حماره كأنه يبي سبب عشان يسوي جذي ، وراح حق زوج صديقتي اللي يعرفه من فتره اسبوعين بس وقال له انا هاذي مستحملها 4 سنوات وما بقدر استحمل اكثر ولازم انهي موضوعها ..... انا انهرت لما قالت لي صديقتي هالكلام ، وهي انصدمت لأن اهي تعرف انا اشجد عازته ومو مقصره عنه



وفوق كل ذي خذ اغراضه وسافر رجع الديره بسيارته ( احنا مسافرين بسيارته ) راح وخلاني بيت صديقتي وانا ولا عندي فلوس وفي ديرة غربه وعند ناس، انصدمت وقلت ليش ياربي انا اش سويت والله ما سويت شي عشان يسوي كل ذي ، ورجعت بلدي بعد كم يوم بالطياره ، صديقتي شرت لي تذكره، وانا الحين في بيت اهلي وهو لا سأل ولا اتصل ولا أعتذر صار له اسبوع تقريبا ..... وانا محتاره ومصدومه ومقهوره على سنيني اللي كنت ابنيها ، هدمها بلحظه ....
شاسوي ... أرجع له بكل سهوله .. وكرامتي
هو اصلا ما اتصل ولا سأل
ساعدوني ...؟؟ كل يوم يمر كأنه سنه .. والله ما انام الليل